لوندۇن ئولىمپىك تەنھەركەت مۇسابىقىسىنىڭ مەشئەل يەتكۈزۈش خىزمىتى باشلاندى،ھازىرغىچە ئېلان قىلىنغان مەشئەلچىلەرنىڭ تىزىملىكىدە 17 نەپەر جۇڭگولۇقنىڭ ئىسمى ئېلان قىلىندى،بۇ 17 نەپەر كىشى ئىچىدە ئۈچ نەپىرىنى مەركىزى تېلېۋېزىيە ئىستانسىدىكىلەر ئىگىلىدى.بۇلاردىن باشقا گۇيجۇ ئۆلكىسىدىن ساخاۋەتچى زات نامىغا ئېرىشكەن ئالىم خالىقمۇ بۇ 17 نەپەر جۇڭگولۇق مەشئەل يەتكۈزگۈچىلەر قاتارىغا كىردى. ئۇلار: لى نىڭ، ئالىمجان خالىق(ساخاۋەتچى )، ماۋ چىنبىڭ، ۋاڭ شۆرۇي، گى لىي، پىڭ شاۋتىڭ، جۇ يىڭلىياڭ، ۋۇ شىنفىڭ، تاڭ جىئەنۋى، تاۋ چوڭۋىن، يۇ خىڭجۇ، بەي يەنسۇڭ، لى ۋىنشىڭ. جوۋ خۇي، خۇ جىي، جاڭ خىپىڭ، دۇڭرىنا، ئامېرىكا دۆلەت تەۋەلىكىدىكى ۋاڭ لىخۇڭ قاتارلىقلاردىن ئىبارەت.
بۇ مەشئەل يەتكۈزگۈچىلەر ئىچىدە لىنىڭ،بەي يەنسۇڭغا ئوخشاش داڭلىق زاتلار كەم ئەمەس،ئەمما كۆپ قىسمى ئۆز ئورنىدىكى شەخىسلەر،كىشىنىڭ دېققىتىنى تارتىدىغىنى شۈكى بۇ 17 نەپەر كىشى ئىچىدە ئۈچ كىشى مەركىزى تېلېۋېزىيە ئىستانسسىدىن،ئۇلار ئايرىم-ئايرىم داڭلىق رىياسەتچى بەي يەنسۇڭ،مەركىزى تېلېۋېزىيە ئىستانسسى تەنتەربىيە قانىلىنىڭ باش نازارەتچىسى جىياڭ خى ۋە مۇخبىر دۇڭ رىنادىن ئىبارەت.
دۇڭ رىنا لىيۇ شاڭنى زىيارەت قىلىپ نام چىقارغان.ئۇ ئولىمپىك تەنھەركەت مۇسابىقىسىنىڭ مەشئەل يەتكۈزگۈچىسى بولغانلىقىدىن ناھايىتىمۇ ھاياجانلانغان ھالدا مۇنداق دېدى:مەن ھەقىقى مەشئەل يەتكۈزگۈچى بولۇشنى پەقەتلا ئويلاپ باقماپتىكەنمەن،بۇ ماڭا بېرىلگەن ئالاھىدە شەرەپ.مەن 26-ئىيۇندىكى مەشئەل يەتكۈزۈش كۈنىنى تەقەززالىق بىلەن كۈتىمەن.
