شىنجاڭدا 2012-يىللىق ئالىي مەكتەپكە ئىمتىھانىنىڭ ئارزۇ تولدۇرۇش ۋاقتى ئىككى كۈن ئالدىغا سۈرۈلدى
شىنجاڭ ئۇيغۇر ئاپتونوم رايونىنىڭ 2012-يىللىق ئادەتتىكى ئالىي مەكتەپلەرگە ئوقۇغۇچى قوبۇل قىلىش خىزمىتى بەلگىلىمىسى 17-ئاپرېل رەسمىي ئېلان قىلىندى. بۇلتۇرقىغا قارىغاندا، ئىمتىھان بەرگەن ئوقۇغۇچىلارنىڭ توردا ئارزۇ تولدۇرۇش ۋاقتى، ئالىي مەكتەپ ئىمتىھانىدا ئېتىبار نومۇر قوشۇش سىياسىتىنىڭ مەزمۇنىدا ئاز-تولا ئۆزگىرىش بولدى. تولۇق كۇرسنىڭ 1-تۈركۈمىنىڭ ئارزۇسىنى تولدۇرۇشتا ھەر بىر مەكتەپتىن تاللاشقا بولىدىغان كەسىپ سانىمۇ ئىلگىرىكى ئۈچتىن ھازىر ئالتىگە كۆپەيتىلدى.
ئارزۇ تولدۇرۇش ۋاقتىمۇ تەڭشەلدى.
شىنجاڭدىكى 2011-يىلى ئالىي مەكتەپ ئىمتىھانىغا قاتناشقان ئوقۇغۇچىلارنىڭ ئارزۇ تولدۇرۇش ۋاقتى 12-ئىيۇن سائەت 8:00دىن 17-ئىيۇن سائەت 20:00گىچە بولغان ئىدى. بۇ يىل بۇ ۋاقىت 10-ئىيۇن سائەت 8:00دىن 15-ئىيۇن سائەت 20:00گىچە، دەپ تەڭشەلدى.