ئېلىمىزنىڭ ئەڭ چوڭ ئادەمسىز تىك ئۇچارى مۇۋەپپەقىيەتلىك ئۇچۇرۇلدى
 ئېلىمىزنىڭ نۆۋەتتىكى ئەڭ چوڭ ئادەمسىز تىك ئۇچارى بولغان 750V تىپلىق تىك ئۇچار 7-ماي شەندۇڭ ۋېيفاڭدا مۇۋەپپەقىيەتلىك ئۇچۇرۇلۇپ، ئېلىمىزنىڭ ئوتتۇرى تىپتىكى ئادەمسىز تىك ئۇچارى جەھەتتىكى بوشلۇق تولدۇرۇلدى.
750V تىپلىق تىك ئۇچار كۆپ ئىقتىدارلىق ئادەمسىز تىك ئۇچار بولۇپ، ئاددىي ئايرودروم، دالىدىكى مەيدانلار ۋە پاراخوت پالۇباسىدىن ئۇچۇپ قونالايدۇ. تۈرلۈك ۋەزىپىلەرنى ئورۇنلاش ئەسۋابلىرىنى ئېلىپ يۈرەلەيدۇ. بۇ تىك ئۇچار ئارقىلىق، يەر يۈزى ۋە دېڭىز يۈزىدىكى مۇقىم ياكى ھەرىكەتچان نىشانلارنى سۈرەتكە ئالغىلى، رازۋېدكا قىلغىلى، نازارەتچىلىك قىلغىلى ھەمدە يەر يۈزدىكى بۇزغۇنچىلىققا ئۇچراش ئەھۋالىنى مۆلچەرلەش قاتارلىق ۋەزىپىلەرنى ئىجرا قىلغىلى بولىدۇ. خەلق ئىشلىرىغا ئىشلىتىش جەھەتتە، بۇ تىك ئۇچار ئارقىلىق ئورمان ئوت ئاپىتىدىن مۇداپىئە كۆرۈشكە نازارەتچىلىك قىلىش، ئېلېكتىر سىستېمىسىدا يۇقىرى بېسىملىق توك سىمى سىستېمىسىنى چارلاش، دېڭىز بويىدىكى پاراخوت-كېمىلەرنى نازارەت قىلىش، دېڭىز ۋە تاغلىق رايونلاردا قۇتقۇزۇش ئېلىپ بېرىش، ئەتكەسچىلىككە زەربە بېرىشكە نازارەتچىلىك قىلىش، شەھەر پىلانلاشنى بوشلۇقتىن ئۆلچەش، كېچە-كۈندۈز قاتناش باشقۇرۇش، ئىلمىي تەكشۈرۈش قاتارلىق ۋەزىپىلەرنى ئورۇنلىغىلى بولىدۇ.
مەنبەسى:جۇڭگو ئۇيغۇرچە رادىيو تورى |
 |
سۆھبەتخانىدا ھازىر ئادەم بار | │ |
