قەۋزىيەت ساۋاتلىرى يانبىلوگى

3 ياشلىق بالىلاردا ئىشتىھا تۇتۇلۇش ۋە قەۋزىيەت كۆپ ئۇچىرايدۇ، بۇنداق چاغدا مۇنۇ تەدبىرنى قوللىنىپ باققانغا يەتمەيدۇ.
1.بالىغا ئاز- ئازدىن كۆپ قېتىم تاماق بىرىش ، مېۋە-چىۋە ۋە كۆكتات يېگۈزۈش، يىرىك تالالىق يېمەكلىكلەرنى مۇۋاپىق بېرىش، مايلىق ئىسسقلىق مىقدارى كۆپ، ئاقسىل تەركىبى يۇقىرى، ئاسان ھەزىم بولمايدىغان يېمەكلىكلەرنى ئاز بېرىش، گۆشسىز تاماق بىلەن گۆشلۈك تاماقنى ئارلاشتۇرۇپ بېرىش، تاماق تاللاتقۇزماسلىق، ئۇششاق يېمەكلىكنى ئاز بېرىش، خام، سوغۇق، ئاچچىق، چۈچۈمەل يېمەكلىكىنى ئامال بار ئاز بېرىش.
2. بالىدا توغرا يېمەك-ئىچمەك ئادىتى يېتىلدۈرۈپ، ھەر ۋاقلىق تاماقنى دەل ۋاقتىدا بېرىش، تاماق يېگەندە ھېكايە ئېيتىپ بەرمەسلىك، كەينىدىن قوغلاپ يۈرۈپ تاماق يېگۈزمەسلىك، بالىنى خوشال كەيپىياتتا تاماقلاندۇرۇش، تاماق يېگەندە ئەدەپلىمەسلىك.
3.ئەگەر بىرلەمچى كېسەللىك بولسا ئاكتىپ داۋالىتىش، مىكرو ئېلېمېنت، سىنىكلار كەم بولسا دەل ۋاقتىدا داۋالىتىش، بالىدا قەرەللىك چوڭ تەرەت قىلىش ئادىتى يېتىلدۈرۈش، تەرەپ قىلغاندا ھېكايە ئېيتىپ بەرمەسلىك، كىتاپ كۆرسەتمەسلىك، بالىنى مۇۋاپىق چېنىقتۇرۇش، ھەر كۈنى ھەرىكەت قىلدۇرۇشقا كاپالەتلىك قىلىش.