| ئومۇمى يازمىسى: |
ھوقۇق چېكى: 1 |
| جۇغلانمىسى: 2114 |
تۆھپىسى: سەر |
|
بۇ يازمىنى ئاخىرىدا ablatjan تەھرىرلىگەن. ۋاقتى 2014-9-11 09:42
سۇئالنى سوراش تەس ئەمەس، جاۋاب بېرىش قىيىن. سىز سۇئالدىن بىرنى سوراپ قويۇپ، ئارقىدىن ئۇنىڭغا يېتەرلىك جاۋابقا ئېرىشمەي تۇرۇپلا يەنە يوغان، چۈشىنىكسىز، بىمەنە سوئالدىن بىرنى تاشلىسىڭىز، باشقىلارنىڭ سوئالىغا جاۋاب بەرمەي تۇرۇپ ئۆزىڭىزلا سۇئال سورىسىڭىز، يەنە كېلىپ سىز ئاشۇ نەرسىلەر توغرىسىدا ھېچقانداق ئىزدەنمەي تۇرۇپلا سۇئال قويسىڭىز توغرا بولامدۇ؟ ئەمەلىيەتتە، پۇتبولدا نۇرغۇن نەرسىنىڭ نوقۇل، ئېنىق جاۋابى بولمايدۇ، سىز ماتېرىيال كۆرۈشىڭىز، ئىزدىنىشىڭىز كېرەك. بىر كىشىدىن سۇئال سوراپ قويۇپ، جاۋابىغا ھېچقانداق ئىنكاس يوق، يەنە ئۆزىنىڭ بىلگىنى بويىچە ئىش قىلىش ئادەم چالغانلىق ياكى كىچىك بالىلىق بولمىسا نېمە؟ مۇنازىرە قىلىدىغان ئادەم قارشى تەرەپنىڭ ھەربىر سوئالىنى تەپسىلىي ئوقۇپ، ھەر بىر تال سۆزىگىچە ئىنچىكە ئويلىنىپ، ئۆزىنىڭ سۆزىگە پاكىت تېپىپ، ئاندىن ئۇنى ياقىلايدىغان گەپ. سىز سۇئاللا سوراپ، مەن ئۇنىڭغا نەچچە يەردىن ماتېرىيال كۆرۈپ، ئىزدىنىپ جاۋاب بەرسەم بۇ بىلىم ئاشۇرۇش سىنىپى بولامدۇ ياكى مۇنازىرىمۇ؟؟؟
سىز ب دەرىجىلىكلەر بىرلەشمىسى نېمىشقا كەسپىي بىرلەشمە ئەمەس دېگەن سوئالىڭىزنى مەندىن ئەمەس، ھازىرقى جۇڭگو پۇتبولچىلار بىرلەشمىسىنىڭ مەسئۇلى سەي جېڭخۇادىن سورىشىڭىز كېرەك، چۈنكى ئۇنى مەن بەلگىلىيەلمەيمەن، ئۇلار ب دەرىجىلىك بىرلەشمە مۇسابىقىنى ئىشتىن سىرتقى مۇسابىقە، دەپ بېكىتكەن. يەنە كېلىپ مەن سىزگە ب دەرىجىلىكلەر بىرلەشمىسى كەسپىي بىرلەشمە مۇسابىقە ئەمەس دەپ ئۇچۇر بەردىم، سىز بۇ ھەقتە ئىزدىنىپ، سەۋەبىنى ئۆزىڭىز ئىزدىنىشىڭىز كېرەك، ھەممە نەرسىنى مۇنازىرىلىشىۋاتقان ئادىمىدىن سورىغاننى تۇنجى كۆردۈم. سىزمۇ مۇشۇ ھەقتە نۇرغۇن ماتېرىيال كۆرۈپ، نەچچە كۈن ئىزدىنىڭ، شۇ چاغدا بىلىسىز جاۋاب بېرىشنىڭ ئېغىر كېلىدىغان - كەلمەيدىغانلىقىنى...
يەنە بىرى، سىز بېشىدا ئاغزى - ئاغزىڭىزغا تەگمەي، ئاتۇشتىكى مۇسابىقە توغرىلىق دەتالاش كۆپ دەۋەتاتتىڭىز، ئاخىرى بارلىق پاكىتىنى ئۆزىڭىز ئوتتۇرىغا قويۇپسىز، سىز دېگەن دەتالاش قايسى؟؟؟ كىملەرنىڭ دەتالىشىشى ئۇ؟؟؟ (بۇ سۇئاللىرىمغا جاۋاب تەلەپ قىلىمەن، ھەممە سۇئالىمدىن ئاتلاپ ئۆتۈپ كېتىشىڭىزگە رۇخسەت يوق).
يەنە بىرى، نەچچە يىل مەشىق قىلغان ئادەملەر بىلەن ئىشىچى - خىزمەتچىلەر مۇسابىقىلەشسە بۇنى خەلقئارالىق مۇسابىقە دېمەيمىز دەپسىز، بۇ نەنىڭ لوگىكىسى. ئالدىنقى يىلى تايلاند ئىشتىن سىرتقى ئادەملىرى قوشۇلۇپ قالغان كوماندىسى بىلەن دۆلىتىمىزنىڭ ئۇزۇن يىللىق كەسپىي ماھىرلىرىنى 5:1 يېڭىۋالدى، ئۇ خەلقئارالىق مۇسابىقە ئەمەسمۇ؟ يەنە بىرى، تېخى ئىككى كۈننىڭ ئالدىدا جەبىلتارىق كوماندىسى ئىككىلا كەسپىي ماھىرى بىلەن ئۇزۇن يىل مەشىق قىلغان، ياۋروپادا خېلى داڭلىق بولغان پولشا كوماندىسى بىلەن مۇسابىقىلەشتى، پولشا جەبىلتارىق يېڭى قۇرۇلۇپتۇ، كەسپىي ماھىرى ئازكەن، ئىشتىن سىرتقى كوماندىكەن دەپ ئويلىماي 7 توپ كىرگۈزدى، بۇمۇ خەلقئارالىق مۇسابىقە ئەمەسمۇ؟ دېمەك، سىزنىڭ ئىككى تەرەپنىڭ سەۋىيەسىنى مۇسابىقىنىڭ خاراكتېرىغا باغلىشىڭىز قەتئىي بولمىدى. دېمەك، 2002 - يىلىدىكى بىرازىلىيەنىڭ پۇتبولدا ئەمدىلاتىن باش كۆتۈرۈۋاتقان دۆلىتىمىزنى يېڭىۋېلىشىنىمۇ مۇسابىقىنىڭ خاراكتېرىدىن كۆرىدىكەنمىزدە.
مەن سىزگە يېنىش - يېنىشلاپ دېدىم. سىز ئۇ چاغدىكى خەلقئارا ۋەزىيەتنى، پۇتبولنىڭ تارىخىنى، دۆلەت كوماندىسى ئۇقۇمىنى راۋۇرۇس دەڭسەپ، ئاندىن ھۆكۈم چىقىرىڭ. شۇ ۋاقىتتىكى خەلقئارالىق مۇسابىقىنىڭ ئۆلچىمى بىلەن ھازىرقى ئۆلچەمنى بىر يەرگە قويماڭ. 1924 - يىلى جۇڭگو پۇتبولچىلار بىرلەشمىسى ئاران قۇرۇلغان، كوماندىمۇ شۇ يىلى ئاخىرىدا قۇرۇلغان، يەنى ئاتۇشتىكىدىنمۇ كېيىن قۇرۇلغان دېگەن گەپ. دۆلەت كوماندىسىنىڭ ئاشۇ ۋاقىتتا پۈتكۈل جۇڭگو بويىچە ئەڭ كۈچلۈك بولۇشى ۋە جۇڭگونىڭ ئەڭ يۇقىرى سەۋىيەسىگە ۋەكىللىك قىلىشى ناتايىن، ھازىرمۇ شۇنداققۇ!!!
يەنە ئويلاڭ، مەيلى دىن تارقاتسۇن مەيلى ئاخبارات ئوغرىلىسۇن، شۇ ۋاقىتتا قەشقەردە كونسۇلخانا بولغان، ھازىر ئۈرۈمچىدىمۇ بىرەر كونسۇلخانا يوق، يەنى بۇنىڭ شۇ ۋاقىتتىكى شىنجاڭنىڭ نېمىدىن دېرەك بېرىدىغانلىقىنى ھېس قىلىڭ (گەپنى بۇنىڭدىن ئوچۇق دېگىلى بولماس). يەنە كېلىپ مۇسابىقىلەشكەنلەر ئۆزىنى قانداقتۇر ئاشپەز، پوپ، مايلامچىلار ۋەكىلى ئەمەس، بۈيۈك بىرىتانىيەنىڭ ۋەكىلى دەپ قارىغان. ئېكساقلىق پۇتبولچىلار تېخىمۇ شۇنداق، بولمىسا باشقا كونسۇلخانىدىكىلەرنى نازارەتچى قىلىپ، مۇسابىقىنىڭ ئاي، كۈنىنى بېكىتىپ، مەلۇم نەرسىنى دوغا قوياتتىمۇ؟؟ تېخى كەسپىي پۇتبولچىلار بارلىققا كەلمىگەن، خەلقئارالىق مۇسابىقىلەر تۈزۈك ئۆتكۈزۈلمەيدىغان شۇ دەۋرگە نىسبەتەن دۆلىتىمىزدىكى پۇتبول نىسبەتەن تەرەققىي قىلغان رايوننىڭ خەلقئارادىكى ئىككى كۈچلۈك دۆلەتنىڭ ھۆكۈمەت خادىملىرى بىلەن مۇسابىقىلىشىشى نېمىدىن دېرەك بېرىدۇ؟ سىياسىي بىلەن شۇغۇللىنىدىغانلار بۇنىڭ ئەھمىيىتىنى ۋە ئاقىۋىتىنى بىلمەمدىغاندۇ؟بولۇپمۇ مىسسىيونېرلاردەك روھ بىلەن ھەپىلىشىدىغانلار....
سىز غېنى ھاجىمنىڭ كۇلۇبىنى دېۋىدىڭىز، سىزنىڭ پۇتبول بىلىمىڭىزنىڭ ھەقىقەتەن چەكلىك ئىكەنلىكىنى، سىزگە ياردەم قىلىشىمىز زۆرۈرلىكىنى ھېس قىلدىم. ئۆزىنىڭ يېنىدىن پۇل چىقىرىپ كۇلۇب قۇرىغانلارنى سىز تازا كۆپ بىلمەيدىكەنسىز. قەشقەردە مۇختەر پازىل، ئۈرۈمچىدە ئەسقەر جادى "يىپەك يولى" كۇلۇبىنى قۇرغان. ئۇلارنىڭ كۇلۇبى قايسى كەسپىي مۇسابىقىنى ئوينىدى؟ ئۇلارنىڭ قولىدا قايسى كەسپىي توپچىلار بار؟ شىرخان؟ چوڭ كېرىماجىم؟ ئەنۋەر ھەسەن؟...باشقىنى مىسال ئالماي، سىز ھەممىدىن چوڭ بىلىدىغان رېئال مادرىدنى كۆز ئالدىڭىزغا ئېلىپ كېلىپ، ئۇنىڭ قۇرۇلۇش سەۋەبى، كۇلۇب قاتلىمى، ئويناۋاتقان مۇسابىقىسنى كۆز ئالدىڭىزغا ئەكىلىپ ئويلاڭ. ئەگەر رېئال مادرىد بىرەر مەيدانمۇ كەسپىي مۇسابىقە (ئۇزغۇنلۇق، بىرلەشمە دېگەندەك) ئوينىماي، مەشىقلا قىلىپ، رونالدو ئېلانغىلا چىقسا ئۇ پۇتبول كۇلۇبى بولامدۇ ياكى ئىشتىن سىرتقى ئويۇن قويۇش ئۆمىكى بولامدۇ؟؟؟ تاشئالمىمۇ دەل كەسپىي توپچىسىنىڭ ئاز بولۇشى، كەسپىي مۇسابىقە ئوينىماسلىقى ئەڭ مۇھىمى ھۆكۈمەتنىڭ ھېچقانداق مەبلىغى يوق، كۇلۇب قۇرۇشنى بىلمەيدىغان خەيتاڭ بىلەن بۇ بالىلارنى پەقەت مەملىكەتلىك تەنھەرىكەت يىغىنىغا قاتناشتۇرۋېلىشنى ئويلايدىغان پۇتبولچىلار بىرلەشمىسىنىڭ بىرلىشىپ ئوينىغان قىسقىچە ئويۇنىنىڭ مەھسۇلى. مۇھىمى، ئۇنىڭدا كەسپىيلىشىش، كەسىپلەشتۈرۈش دېگەن گەپ يوق، ئەڭ مۇھىمى ئوينىغىنى پەقەت ئىشتىن سىرتقى بىرلەشمە!!!
ئاخىرقى سۇئالىڭىزغا كۈلۈپ كەتتىم!! تېببىي ئۇنىۋېرسىتېتنى پۈتكۈزگەنلەرنىڭ ھەممىسى كەسپىي دوختۇر، كەسپىي سېستىراما؟؟؟ ئاخبارات كەسپىدە 60 بالا ئوقۇغانىدۇق، ئوقۇش پۈتكۈزۈپ ئاخبارات ساھەسىگە كىرگەنلەر 10 غا بارمىدى، ھەممىمىز كەسپىي مۇخبىر بولۇشىمىز كېرەك ئىدىغۇ، قىزىق، خىزمەتكە چىققىلى ئىككى يىل بولدى، مەن تېخى مۇخبىرلىق سالاھىيىتىگە ئېرىشەلمىدىم، چۈنكى كەسپىي مۇخبىرلىق كىنىشكىسىگە ئېرىشىش ئۈچۈن نۇرغۇن ئىش كېتىدىكەن.... مەكتەپنى پۈتكۈزسىلا كەسپىي پۇتبولچى بولىدىغان گەپ يوق، بولمىسا ھەممە ئادەم بالىسىنى ئاپىرىپ بەرمەمدۇ؟؟ كەسپىي كۇلۇب بىلەن توختامىلىشىپ، كەسپىي مۇسابىقىلەرگە قاتناشسا كەسپىي پۇتبولچى دەيمىز.... ئەكرەم، بارى، يەھيا، مىرئەخمەتلەردەك.... ئاخىرىقى گېېپىم: كاللىڭىزغا نېمە كەلسە شۇنى سوراۋەرمەي، ئالدىرىماي ماتېرىيال ئاختۇرۇڭ، ئىزدىنىڭ... "سورىغان ئۇزار" دېگەن گەپنى كىچىك بالىلارغىلا ئىشلىتىمىز، ئەمەلىيەتتە، ئادەم ئۆزىگە تايىنىشى كېرەك... |
|
ۋاقتى: 2014-9-10 18:09:34
چوڭ ئا ناڭنىڭ ئەرمىكى بۇ يەرگە كىرۋاپتۇ 
