ئېنگلاندنى قانداق قىسمەتلەر كۈتىۋاتىدۇ ؟

تانكىچاق

  ئېنگلانىدنى   يەنە قانداق   قىسمەتلەر  كۈتىۋاتىدۇ  ؟؟؟؟؟؟؟؟؟


     توۋا  دىمىسە  ، نىمىشقا  كەلگۈلۈكنىڭ   ھەممىسى   ئېنگلانىدقىلا  كىلىدىغاندۇ  ؟ ياۋروپا  لوڭقىسى  باشلىنىش  ئالدىدا  تۇرغان  مۇشۇنداق  ھالىقىلىق   پەيىتتە  ئەسىلدىنلا  رونىنىڭ   گۇرۇپپا   مۇسابىقىسىدە  ئىككى  مەيدان  چەكلەنگەنلىكىدىن  بېشى  قېتىپ  تۇرغان  ئېنگلانىد كوماندىسى  ئارقا  ئارقىدىن   نۇرغۇن  قىينچىلىقلارغا  دۇچ كەلگىلى  تۇردى . تۆت  يىلدا  بىر   ئۆتكۈزۈلدىغان   مۇشۇنداق  مۇھىم  بىر  مۇسابىقىدە  ئېنگلانىد  كوماندىسىنى  يەنە  قانداق   قىسمەتلەر  كۈتىۋاتىدۇ  ؟ ئېنگلانىد  كوماندىسى  ھەر  قېتىملىق   چوڭ  مۇسابىقىلەردە  بىزدەك  مەستانىلەرنى   ئۈمۈدسىزلەندۈرۈپلا  كىلىۋاتىدۇ ، ئەجىبا   ئېنگلانىد  كوماندىسى   شۇنچلىك   ئاجىزمۇ ؟  ياق  ، ھەرگىز   ئۇنداق   ئەمەس  ،  مەيدانغا  چۈشىدىغان  11  ئەزانىڭ  ھەممىسى  دىگۈدەك  چولپانلاردىن  تەشكىل   تاپقان  بۇنداق  بىر  كوماندا  قانداقمۇ   ئاجىز  بولسۇن ....

ئۆتمۈشتىكى   ئاچچىق   ئەسلىمىلەرنى  قۇيۇپ  تۇرۇپ  ،  ئالدىمىزدىكى   ياۋروپا  لوڭقىسى  توغۇرلۇق  مۇنازىرىنى  باشلايلى  ،  ئاۋال  مەن  بىر  نەچچە   ئېغىز  سۆزلەپ  باقاي  ...

كاپىرو : بۇ  يەردە  ئالدى  بىلەن  كاپىرونى  قاتتىق  بىر  تىللىغۇم  كىلىدۇ  . گەرچە  ئېنگلانىد  كوماندىسىنى  يىتەكلەپ  2010 ۋە بۇ  يىللىق  مۇسابىقىگە  مۇۋاپىقىيەتلىك  كىرگەن بولسىمۇ  ،  بىراق  ھەممىمىزگە   ئايان ،  دۇنيا   لوڭقىسىدا  ئۇ  ئېنگلانىدلىقلارنىڭ   يۈركىگە  ئۆچمەس داغ ،  ئاچچىق  ئەسلىمىنى  قالدۇرۇپ  قويدى . ئۇ  2012-يىللىق  ياۋروپا  لوڭقىسىدا  ئۆزىنى   ئىسپاتلىماقچى  بولدى  ،  بارىلىق   ئېنگلانىدلىقلار   ئۇنىڭغا  ئىشىنىپ ، ئۇنىڭدىن  زور  ئۈمۈدلەر  كۈتۈپ  تۇرغان  ۋاقتتا  ،  كىچىككنە  بىر  ئىشنى  باھانە  قىلىپ  ، ئىلگىرلەش  باسقۇچىدا  تۇرغان  ئېنگلانىد  كوماندىسىنى   ئېسىدىن  چىقمىغىدەك  بىر  تەستەك  سالدى . ئۇنىڭ  ئىستىپا  بېرىشى  ئۆزى  بىلەنلا  كەتسە  مەيلىتىغۇ  ،  ئىستىپا  بەرگۈسى  بار   ئادەم  دۇنيا  لوڭقىسىدىن كېيىنلا  ئىستىپا  بەرسە  بولمامدۇ  ؟  يامان  بولغىنى  ئۇ  ئېنگلانىد  كوماندىسغا  يوغان  ئاۋارچىلىقتىن بىرنى  تېپىپ  بىرىپ ، ئۆزى  قېچىپ  كەتتى  . يەنى  ياۋروپا  لوڭقىسى  تاللاش  مۇسابىقىسىدە  ، ئاللىبۇرۇن   ياۋروپا  لوڭقىسىغا  قاتنىشىش  سالاھىتىگە  ئىرىشپ  بولغان   ئەھۋال  ئاستىدا  ، ئائىلىسىدە  ئېغىر  كۆڭۈلسىزلىك  يۈز  بەرگەن  رونىنى   مەيدانغا   چىقرىپ  ، رونىنىڭ  رەسمى  مۇسابىقىدە  ئىككى  مەيدان  چەكلىنىش  پاجىئەسىنىڭ  كىلىپ  چىقىشىغا   كاتالوز  رولى   ئوينىدى  ( ئەمەلىيەتتە  ئەينى  ۋاقىتتا  ياردەمچى  تېرنىر  ئېنگلانىد كوماندىسى  2  توپ  ئۈستۈنلۈككە  ئۆتكەن  ۋاقىتتا  ، كاپىروغا   رونىنى  چۈشۈرۋتىشنى  ئېيىتقان ، بىراق  ماۋۇ  ئادەم  يەنە  ئۆزىنىڭ  بىلگىنىنى  قىلىپ  يۈرگەن ) . ئېنگلانىد كوماندىسى   مۇشۇنداق  ئاۋارچىلىقلارغا  دۇچ  كەلگەن ، رەسمى  مۇسابىقىگە ئۇزۇن  ۋاقىت  قالمىغان  ۋاقىتتا  ،  كاپىرو  ئېنگلانىد كوماندىسىنى   قۇتقۇزۇشنى   ئەمەس  ،  مەسئۇلىيەتتىن  قېچىپ ،  كوماندىنى  تاشلىۋىتىشنى  تاللىدى  ....

خوچىسىن  : ئېنگلانىد  پۇتبولچىلار  بىرلەشمىسى  خوچىسىننىڭ   كاپىرودىن  كېيىنكى  تېرنىر  بولغانلىقىنى  ئېلان  قىلغاندا   ھەممىمىز  قاتتىق  ھەيران  قالدۇق  ،  ئەسىلى  لىدىنكاپ  بۇلىشى  كېرەكتىغۇ  ؟  ھە  بوپتۇ  ، بۇنىمۇ  كۆرۈپ  باقمامدۇق  ....
  بىراق  رەسمى  مۇسابىقە  باشلانماي  تۇرۇپلا  ماۋۇ  ئادەم  ئۆزىنى   كۆرسەتكىلى  تۇردى  ،  چوڭ  تىزملىكنى  ئېلان  قىلغاندا  شۇنداق  ھەيران  قالدىمكى  ،   شەھەرلىكلەردىكى  رىچاردىس ، ئادام  جونسون  ،  مانچىستىرىدىكى  ئىپادىسى   ياخشى  كېتىۋاتقان  كارىك ، ئىپادىسى  يامان  ئەمەس ، بىراق  دۆلەت  كوماندىسىنىڭ  مۇسابىقىسىدە  خېلى  مول  تەجىربىگە  ئىگە  فىردىنەنىد  ،  سىوتك  شەھىرىدىكى  كىروچ ، ئېۋىرتوندىكى  رودىۋىل توتىنھامدىكى  ۋوكىر  قاتارلىق  ياخشى  توپچىلار  تىزىملىككە  كىرمەي  ، ئەكىسىچە   لىۋېرپولنىڭ  توپچىلىرىغا  بايرام  بوپتۇ  ( جىرراد  ،  گېرىن  جونسون  ، كارول دىن  باشقىلىرىغا  ) ....
  لىۋېرپول  توپچىلىرنىڭ   بايرىمى  بۇنىڭ  بىلەن  تۈگىسە  مەيلىتىغۇ  . بىراق   ئۇيۇن   ئەمدى  باشلانغاندەك  قىلىدۇ  .... بارى  يارلاندى ،  ئورنىغا   ئەڭ  مۇۋاپىق  نامزات  دەل  كارىك   ئىدى  ، بىراق   چاقىرتىلغىنى  ئېۋرتوندىكى  ئارقا  بەل  ئەمەس  ،  ئوتتۇرا  بېك جاجىركا  بولدى  .  مەيلىغۇ  ، بىزدە   يەنە  لەمپارىد  بار  ....

نىمىدىن  ئەنسىرىسە  شۇ   يۈز  بىرەمدۇ دەيمەن  . لەمپارد  يارلاندى  .....  ئەمدى  كارىكنى  چاقىرماي  ئامال  يوق  ، ھىچ  بولمىغاندا  ئېۋرىتوندىكى   رودىۋىل  بولسىمۇ  بۇلىدۇ  ...  ئەپسۇس   چاقىرىلغىنى  لىۋېرپوللۇق  ھېندىرسىن بولدى  ،  ئەمەلىيەتتە   لەمپاردنىڭ  يارلىنىشى  بىر  تەرەپتىن   ئېنگلانىد  كوماندىسىغا  زىيان  بولغاندەك   تۇرسىمۇ  ، ئەمەلىيەتتە  بۇنىڭ كوماندىغا   پايدىلىق   تەرىپى  زىيانلىق  تەرىپىدىن  كۆپ  بۇلىشى  مۇمكىن  ئىدى . چۈنكى  لەمپارىد + جىرراد  نىڭ   ئەڭ  ياخشى   ئۈنۈمىنى  ئېنگلانىددا   ھىچقانداق  بىر  تېرنىر  كۆرۈپ  باقمىغان  ، بىراق   لەمپارد  ياكى  جىرراد  ئىككىسىنىڭ  بىرسى  يوق  بولغان   ئېنگلانىد  كوماندىسىنىڭ   ئوتتۇرا  مەيداننىڭ  ئۇ  ئىككىسىنىڭ  بار ۋاقتىدىكدىنمۇ  ياخشىلىنىپ  كېتىدىغىنى  ھەممىمىزگە   ئايان ، بىراق  ماۋۇ  ئادەم  بۇ  ياخشى   پۇرسەتنى   قەدىرلىمىدى  ( چاقىرىپ  كىلىنگەن  ھىندىرسىننىڭ  ياۋروپا  لوڭقىسىدا  2004 -يىلدىكى  رونىدەك   چاقنىشىنى   ئۈمۈد  قىلىمەن )

ئەڭ  يامان بولغىنى   كاخىلنىڭ  يارلىنىشى  بولدى  ،  تېررىنىڭ   ئەڭ  كۆڭۈلدىكىدەك  سەپدىشى  دەپ  قارىلىۋاتقان   كاخىلنىڭ  يارلىنىشى  بارلىق  ئېنگلانىدلىقلارنى قاتتىق   ئەندىشىگە   سالدى  .  بۇ  ۋاقىتتا  ئەڭ  مۇۋاپىق  نامزات  فىردىنەنىد  ئىدى  ( تىزملىكنى   ئېلان  قىلىشتىن  بۇرۇن  ، خوچىسىن  فىردىنەنىدنى  كوماندىغا  چاقىرىشنى  ئويلاشقان  ، ھەتتا  ئۇنىڭ  بىلەن  سۆھبەتلەشكەن  . ئاقىۋەتتە   ئۇ  تېررى بىلەن  ئىككىسىنىڭ  مۇناسىۋىتىنىڭ  ياخشى   ئەمەسلىكىنى  كۆزدە  تۇتۇپ  ،  تېررىنى  چاقىرىپ  ، فىردىنەنىدنى  چاقىرىمىدى ) خوچىسىننىڭ     تېررى   ئىككىسىنىڭ  مۇناسىۋىتىنى   ئويلىشىپ  ، فىردىنەنىدنى چاقىرماسلىققا   ئىشلىگەن  ئىۋۇ   كاللىسى  ئىككىسنى  تەڭ  چاقىرىپ  ،  زىدىيەتتنى  ھەل  قىلشقا   ئۇرۇنۇپ  بېقىشقا  ئىشلىمەپتۇ  ، دۆلەت  كوماندىسىنى  شۇنچىلىك   چوڭ  كۆرىدىغان   ئىككى   ئەزمەتنىڭ  ۋاقتى  كەلگەندە   شەخسى   ئادەۋەتنى  قايرىپ  قۇيۇشى  تامامەن  مۇمكىن ئىدى  .   تولىمۇ   ئەپسۇس  ، كاخىلنىڭ   ئورنىغا  چاقىرتلىغىنى   فىردىنەنىد  ئەمەس  ،  لىۋېرپولدىكى   ئالدىنقى  پەسىل  ئاران  12  مەيدان  مۇسابىقە   ئوينىغان  شاكىچىك ماردىن كېللى  بولدى  .....

ھەر  قېتىم  چوڭ  مۇسابىقە  ۋاقىتىدا   ئېنگىلانىد كوماندىسى   كوماندنىڭ  يادىرولىرىدىن   ئايرىلىپ  قېلىۋاتقىلى  خېلى  بولدى  .  مەسلەن  : 2002 دىكى  جىرراد  ،  2006 دىكى  گالى  نېۋىر  ،  2010  دىكى  بېكھام  ،  ئوۋىن  ، فىردىنەنىد  .  بۇ  يىللىدىكى   بارى ، كاخىل ، لەمپارىد  ....  يەنە  كىملەر  ؟؟؟
قېنى  قالغىنى   باشقا  لۈكچەكلەرگە  قالدى  ،  ئويلىغىنىڭلىنى  دەپ  بېقىڭلار  !!!

7.رونالدو

بۇنىڭ غا بىر گەپ قىغىلى بولمايدۇ

پارلاق

ھازىر تور مەتبۇئاتلاردا «لىۋېرپۇل كوماندىسى ياۋروپا لوڭقىسىغا قاتناشتى » دىگەن تېمىلار ئاۋۇپ كېتىپتۇ  

مەھمۇدىيە

شۇنداق قىلىپ ئېنگىلاند دۆلەت كاماندىسىدىكى چېلسى گوروھى پۇتۇن سەپ بۇيۇنچە تارمار بولدى  

ساڭا ئامەت تىلەيمەن  

adidas777

لىۋىرپۇلغىما   
777

madred.

كەلگۇلۇك ئىنگىلاتقىلا كەپتىغۇ

مۇزات

دىمىسىمۇ ، فېردىنەند بىلەن تېررىنىڭ زىدىيتى بار دەپلا فېردىنەدنى چاقىرتمىغىنى مېنىڭمۇ كاللامدىن ئۆتمىدى ،ئەمەلىيەتتە فېردىنەند بىلەن تېررى دۆلەت كوماندىسىدا ئەڭ ياخشى ھەمراھلار ئىدى .

qelsiya

تېررى بىلەن ئاشىلى كول بارغۇ دەيمن دۆلەت كوماندىسىدا. ئېنگىلاند ئۇتسا بولاتتى.

umidwar029

بىكھامنى چاقىرسا بولىدىغۇ، گەرچە يىشى چوڭراق بولسىمۇ تەجىربىسى بار، ئىقتىدارى بار.

ئوۋىنⅡ

ھەقىقەتەن  جېرراد+لەمپارد بۇ ئىككىسى ئەزەلدىن ئېنگلاندنىڭ «بەخت ئىچىدىكى باش ئاغرىقى» ئىدى، لىكىن يەنىلا لەمپاردنىڭ يوقلىقى ئېنگلانقا بىر چوڭ يوقىتىش.
فېردناند بىلەن كاررىكقا ئۇۋال بۇپ كەتتىدە.  خاتالىق سادىر قىلغان ئادەم تېررى، لىكىن ئۇۋالىغا فېدناند كەتتى. «ھالۋىنى ھېكىم يەپتۇ،تاياقنى يىتىم» دىگەن شۇدە.
مۇشۇ بارى، مىرنا دىگەنلەر بىلەن قەتئىلا خوشام يوق.

لىۋېرپولدىن كەتمەي تۇرۇپ ئېنگلاندنى تۇتۇپ قالغان بولسا ئىش باركەنتىۇق قارىغاندا
ئەتە ئۆگۇن مەشىقتە ئوتتۇرا بېكتىن بىرەرسى يارىلىنىپ ئورنىغا كاراگېرنى سەپلەمدۇ تېخى...

پارلاق

كاپىللوغا ئاچچىقىڭلارنىڭ كېلىدىغىنى ئېنىق،چۈنكى ئۇ ئېنگىلادلىقلار ئەڭ ئۆچ كۆرىدىغان ئىتالىيەلىكتۇر خالاس،ئېنگىلادلىقلار كاپىللونى تىللىماي بەلكى ئېنگىلاد پۇتبولچىلار جەمىيىتىنى تىللىغان تۈزۈك،كاپىللودىن بۇرۇن ئېنگىلاد پۇتبولچىلار جەمىيىتى مەشقاۋۇللارغا قانچىلىك بېسىم،قانچىلىك تەھدىدلەرنى ئېىلىپ كەلدى ؟! كاپىللو نېمىشقا ناھايىتى ھالقىلىق پەيتتە ئىستىپا بېرىدۇ ؟! مۇشۇنىڭ سەۋەبىنى ئېنىق سۈرۈشتۈرۈپ باقتىڭلارمۇ ؟! كاپىللو ئىستىپا بەرگەندىن كېيىن 65% يۇقىرى پۇتبول مەستانىللىرى كاپىللونى تىللىمىغان بەلكى ئېنگىلاد پۇتبولچىلار بىرلەشمىسى تىللىغان،تەنقىدلىگەن،ئەمما ئېشىپ قالغان 35% توپ مەستانىللىرى دەل ئېنگىلادلىق توپ مەستانىللىرى ئىدى،بىلسەم بىلمىسەم مەن بىلگەن ئېنگىلادلىقلار ( مۇنبەردىكى بولسۇن ياكى باشقا خەن مۇنبەرلىرىدىكى بولسۇن) ھەممىسى كاپىللوغا ئۆچ،ئۇنى كىچىككىنە قوللاپ باققىنىنى بىلمىدىم،ئېنگىلادتىمۇ كاپىللونى قوللاش نىسبىتى بەك تۆۋەنكەن،شۇنداق تۇرۇپمۇ كاپىللو ئېنگىلادقا زور پايدا،ئىستىقبال،كەلگۈسىلەرنى ئېلىپ كەلدى.كاپىللونىڭ رۇنىنى شۇ مەيدان چۈشۈرگەنلىكىنىمۇ كاپىللوغا ئارتىپ قويغىنىڭلار قىززىقتە،كاپىللو ئەسلىدىنلا رۇنىنى چۈشۈرمەيتتى،ئەمما رۇنىنىڭ يالۋۇرىشى،ئۆزىنىڭ ھالىتىنىڭ ناھايىتى مۇقىم ئىكەنلىكىنى ئېيتقانلىقى،بەزىبىر كۆڭۈلسىزلىكلەرنىڭ ئۆزىگە تەسىر ئېلىپ كەلمەيدىغانلىقىنى ئېيتقانلىقى ئۈچۈن ئۇنى مەيدانغا چىقارغان ! كىم بىلسۇن رۇنىنىڭ ھالقىلىق پەيتلەرگە كەلگەندە ئۆزىنى كپنتىرول قىلالمايدىغانلىق كېسىلىنىڭ دەل مۇشۇ ۋاقىتتا يۈز بېرىشىنى.... 2006-يىلى دۇنيا لوڭقىسىدا ئېنگىلاد بىلەن پورتۇگالىيەنىڭ تۆت كۈچلۈككە كىرىش مۇسابىقىسىنى نەق مەيدان كۆرگەن،پۇتبولغا بولغان تونۇشۇم شۇ ۋاقىتلاردا تۆۋەن ھەم ئۆزۈم كىچىك بولساممۇ رۇنى،رونالدو،لەمپارد،فىگو قاتارلىقلارنى تونۇيتۇم.شۇ مۇسابىقتىمۇ رۇنى ئۆزىنىڭ مىجەزىنى كونتىرول قىلالماي رونالدونى ئىتتىرپ قىزىل كارتا ئىستىمال قىلىپ مەيداندىن ئايرىلغان،بېھكامنىڭ يىغىسىمۇ شۇ مەيداندا يۈز بەرگەن.شۇ مەيدان مۇسابىقتا رۇنىنىڭ قىزىل كارتا يىيىشى ئېنگىلادقا زور يوقىتىش ئېلىپ كەلگەن ئىدى،نۇقتا توپ جېڭىدە مەەغلۇب بولغان ئىدى،شۇڭلاشقا سىلەر ھەرگىزمۇ رۇنىنىڭ بەزىبىر ئىشلىرىنى كاپىللوغا ئارتماسلىقىڭلار كېرەك،چۈنكى ئۇ ئاللىقانداق ئىشلار توپچى ئۆزى بىلەن مۇناسىۋەتلىك !

دەيدىغان گېپىم يەنە شۇ - كاپىللو نەزىرىمدە ئېنگىلادقا مەشقاۋۇل بولغان ئەڭ ياخشى نامزات ئىدى.ئەسلى ئۇنىڭغا قوللاشلار كېرەك ئىدى !

kuyaxoghli

كاپىرودىن ئاغرىنغىلى بو لمايدۇ. تېررىنىڭ كاپىتانلىقتىن قالدۇرۇلىشىنى ئەسلىدىنلا كاپىرو بىلەن مەسلىھەتلىشىشى كېرەك ئىدى. كاپىرو بىر قورچاق بولمىغاندىكىن بۇ كوماندىدا.