iPhone غا ئۇيغۇرچە فونت تونۇتۇش

پاسىبان

iPhone غا بەزى دوستلىرىمىز يېڭىدىن كۆنۈۋاتقاچقا ھېلىھەم فونت تۇنۇتۇش ئۇسۇلىنى سوراپ ئىزدەپ تۇرىدۇ. ئىزدەش ماتورىدىن «ئۇيغۇرچە فونت» دەپ ئىزدەپ كۇلۇبىمىزغا كىرىدىغانلارنىڭ سانىمۇ ھەر كۈنى نەچچە ئون. شۇلارنى نەزەردە تۇتۇپ بىر يېرىم يىل بۇرۇنقى بۇ تېمىنىڭ توپىسىنى قېقىشتۇرۇپ سۈرتۈپ يەنە ئەكەلدىم. بىلىدىغانلار كۆرمەيلا قويساڭلار بولىدۇ. يەنە شۇ كونا مۇقام...

ئۇيغۇرلار ئىچىدە ئايفوننى كۆپ قىسىم كىشىلەر فونت تونۇتۇش ئۈچۈن تۈرمىدىن قاچۇرسا كېرەك. گەرچە ئايفون ئۇيغۇرچە فونتنى ئەسلىدىنلا مۇكەممەل قوللىسىمۇ، خەت نۇسقىسى ئەرەپچە خەت نۇسقىسى بولغاچ، ئۇيغۇرچىغا نىسبەتەن بىر ئاز سەترەك. ئەگەر ئۇنى بىز ھەممىمىز داۋاملىق ئىشلىتىپ كېلىۋاتقان ئۇيغۇرچە بىرەر چىرايلىق فونتقا ئۆزگەرتىۋالالىساق، تولىمۇ ياخشى ئىش بولاتتىغۇ دەيمەن؟

ئۇيغۇرچە فونت تونۇتۇشتىن بۇرۇن ۋە كىيىن:

بۇ فونتقا ئالماشتۇرۇپ بولغاندىن كىيىن ھەرقانداق ئۇيغۇرچە تور بەتلەرنى كۆرسەك بارلىق خەتلەر مۇشۇ فونتتا كۆرىنىدۇ. مەسىلەن:

تۆۋەندە بۇنىڭ ئۇسۇلىنى سۆزلەپ ئۆتىمىز. تەييارلىق ۋە تەلەپ:

1. ئۈسكۈنە چوقۇم تۈرمىدىن قاچۇرۇلغان بولىشى كېرەك.
2. iTools ياكى iFunbox دېگەندەك قوراللار بولىشى كېرەك. (iTools نى بۇيەردىن چۈشۈرۈڭ)
3. بۇ ئادرېسقا كىرىپ ئۇيغۇرچە فونتقا ئۆزگەرتىلگەن سېستىما فونتىنى چۈشۈرۈڭ.
كۇلۇبتىن چۈشۈرۈڭ

DBank تىن چۈشۈرۈڭ :

http://dl.dbank.com/c0i19d59u0

بۇلارنى تەييارلاپ بولغاندىن كىيىن iTools ئارقىلىق بۇ مۇندەرىجىنى ئېچىڭ:
/System/Library/Fonts/Cache
بۇ يەرگە بايا چۈشۈرگەن 2 دانە فونتنى قاپلىۋېتىڭ.
دىققەت: ئەگەر سىز سېستىمىنىڭ ئەسلىدىكى مۇشۇ 2 فونتىنى ئېھتىيات يۈزىسىدىن ئەسلىگە كەلتۈرۈش ئۈچۈن زاپاسلىۋالسىڭىز ياخشىراق.

بۇنىڭ ئالاھىدىلىكى: چىرايلىق ئۇيغۇرچە فونتقا ئۆزگىرەيدۇ. بارلىق ئۇيغۇرچە تور بەتلەر ئورتاق مۇشۇ فونتتا كۆرۈنىدۇ. بەكلا كۆركەم.
كەمچىللىكى: ئەرەپچە فونتلارمۇ ئۇيغۇرچىغا ئوخشاش كۆرۈنىدۇ. ئەرەپچە تورلارنى پروگراممىلارنى كۆپرەك ئىشلىتىدىغانلارغا ئەھۋالغا قاراپ ئىشلىتىشىنى تەۋسىيە قىلىمىز.

پاسىبان

تۈرمىدىن قاچۇرغانلارغا ئۇيغۇرچە كىرگۈزگۈچ بولسا قاچۇرمايدىغانلارغا خاتىرەم بىلەن كۇلۇب كىرگۈزگۈچىسى بار. http://u.pasiban.com نى ئايفون ياكى ئايپەدتە ئېچىپ شۇ يەرگە بىمالال ئۇيغۇرچە كىرگۈزەلەيسىز. يېزىپ بولۇپ كۆچۈرۈپ ئىشلەتسىڭىز بولىدۇ.

uyghurbeg

ئاۋۇ dbankدىكى ھۆججەتنى باشقا بوشلۇققا يوللايلى، ياكى پاسىبانغىلا يوللايلى، چۈشۈرسە خەت باسىدىغان قىلىۋاپتۇ موتورولا گۇيلار.
خەنسوچە بىلىدىغان-بىلمەيدىغانلارغا ئوخشاش ئاۋارىچىلىقكەن...

Tewpik

يىڭى ئۈگەنگۈچىلەر ئۈچۈن ياخشى تىما بوپتۇ

پاسىبان

ئۇچقۇر يوللىغان ۋاقتى  2012-10-15 21:30
/thread-833-1-1.html بۇ ئۇيغۇرچە فونتىنى ئىككى بىس ...

بۇنى ھەقاچان 91 بىلەن ياسىدىڭىز. تېلېفونغا 91 نىڭ بىر نەرسىسىنى قاچىلىمىسا بولمايدۇ، شۇنداقمۇ؟ بۇرۇن PXL ھۆججىتى بولىدىغان. iTools بىلەن PXL نى IPA گە ئالماشتۇرىدىغان قورال بىلەنلا جۆندىمىگەنسىز؟ IPA نىڭ پرىنسىپى بۇنداق بولمايدۇ. ھۆججەت ئالماشتۇرۇشقا IPA قىلىشنىڭ ھاجىتى يوق. ئەڭ مۇۋاپىق ھەم يېشىل ئۇسۇل، تېمىدىكى ئۇسۇل. تەمىنلىگەن فونتنى iTools بىلەنلا قاپلىۋەتسە ئىش پۈتىدۇ.

پاسىبان

ئۇچقۇر يوللىغان ۋاقتى  2012-10-15 21:30
/thread-833-1-1.html بۇ ئۇيغۇرچە فونتىنى ئىككى بىس ...

يەنە بىر گەپ، ئاۋۇ تېمىدىكى چۈشۈرىدىغان نەرسىنىڭ باھاسىنى ئېلىۋېتىپ ھەقسىز قىپ قويۇڭ. باھاسى 10 تەڭگىكەن تېخىچە.

ParishaN

شۇنى دەيمەن مەنمۇ قايسى كۈنى ئون تەڭگەمنى خەجلىۋەتتىم دىسە .مەن يېڭى ئەزا بولغاچ تەڭگەم يىتىشمەي رەسىملىك ئەپ تەۋسىيە قىلاي دىسەممۇ  ئەپ تەۋسىيە قىلالمايۋاتىمەن

ack

مۇشۇ تېمىدىن پايدىلىنىپ پاسىباننى بىر تەنقىدلەي.
يازغان كۆپىنچە تېمىلىرىڭىزدا ئېمكان بار تۈرمىدىن قاچۇرماي ئىشلىتىشنى تەۋسىيە قىلىسىزيۇ  تۈرمىدىن قاچۇرغان ئايفونلار ئۈچۈن زېھنىڭىزنى كۆپرەك سەرپ قىلىپ تېما يازىسىز، بىزدەك قاچقىلى ئۇنىماي مۇددەتسىز گۇناھنى ئىشلەپ تۈگىتىمەن، دەيدىغانلار ئۈچۈنمۇ باش قاتۇرۇپ قويسىڭىز بولاتتى، ئەلۋەتتە قاچمىغانلارمۇ ئانا تىلنىڭ ھوزۇرنى سۈرسەك بولاتتى-دە.
ھېچ بولمىسا ئەگەر شۇنداق ئېمكانىيەت بولسا قارلۇقتىكىلەر بىرەر كىرگۈزگۈچمۇ ئىشقىلىپ شۇنداقراق دېتالدىن بىرنى ياسىسا ياخشى بولاتتى...
گەرچە خەتنى ئوقۇغىلى بولسىمۇ.... قەشقەردە يېگەن لەغمەن بىلەن تۇڭگاننىڭ لەغمىنى ئوخشمايدۇغۇ!

پاسىبان

ack يوللىغان ۋاقتى  2012-10-16 13:36
مۇشۇ تېمىدىن پايدىلىنىپ پاسىباننى بىر تەنقىدلەي.
ياز ...

ياق ياق! مەن قاچاندىن بۇيان تۈرمىدىن قاچۇرغانلارغا كۆپ زېھنىمنى سەرپ قىلغىنىم يوق. قايسى تېمىلىرىمنى دەۋاتىسىزكىن تاڭ؟ بۇرۇن ئاشۇنداق ئېدىم. چۈنكى ئۆزۈممۇ تۈرمىدىن قاچۇرۇپ ئىشلىتەتتىم. بلوگنى ئارىلىسىڭىز شۇنىڭلا گېپى بار.
بۇ تېمىنى ئۆتكەن يىلقى تېمىدىن سۆرەپ ئەكەلدىم. سەۋەبىنىمۇ تېمىنىڭ بېشىدا دېۋەتتىم.
ئۆزۈممۇ ھازىر تۈرمىدىن قاچۇرماي ئاشۇ فونتتا ئىشلىتىپ كېلىۋاتىمەن. بۇ تېما قاچمىسا بىر يەرلىرى كەم بوپقالىدىغان گەپ ئاڭلىمايدىغان «پېتى قۇلاقلار» غا كېرەك بوپقالار دەپ يازدىم.

كىرگۈزگۈچنى App Store غا چىقارغىلى بولمايدۇ. قارلۇقتىكىلەر ئۇيغۇرچە كىرگۈزگۈچ ۋە فونتنى بىۋاستە سېستىمىغا كىرگۈزىۋېتىش توغرىسىدا ئالما شىركىتى بىلەن يىللاردىن سۆھبەت ئۆتكۈزۈپ شۇ خىزمەتلەرنى ئىشلەۋاتىدۇ. ئاللاھ بىر كۈنلەردە بۇ ئارمانلىرىمىزنىمۇ ئەمەلگە ئاشۇرۇپ بېرەر.

mubarak

مىنىڭچە iPhone دىن ئەرەپچە ماتىرىيال كورۈپ پايدىلىنىغانلار ئۇيغۇرچە فونت قاچىلىمىغىنى ياخشىدەك تۇرىدۇ، چۈنكى ئۇيغۇرچە فونت قاچىلىساق ئەرەپچە توربەت ،ئەرەپچە ماتىرىياللاردىكى خەتلەرنىڭ فونتمۇ بىراقلا ئۆزگىرەپ كىتىدىكەن، ھەمدە ئېملا خاتالىقلىرى كۆرۈنۈپ قالىدىكەن ،سۆزلۈكلىرىنىڭ ئارلىقلىرى قالايمىقان چىقىۋالىدىكەن، ئەرەپچە ئىشلەتمىسەك ئۇيغۇرچە فونت قاچىلاپ ئۆز تىلىمىزنى ئەڭ گۈزەل شەكىلدە ئىشلىتىشىمىز كېرەكتە ئەلۋەتتە!!!

XAH-turk

مىىنىڭكىدە بۇرۇن نورمال ئىدى 6.1.1 گە كۆتۈرگەندىن كىيىن تونۇماۋاتىدۇ؟

datlirim

بۇ  تىما  ناھايتى  ياخشى   بوپتۇ  كۆپتىن كۆپ رەخنەت جىمۇ سىزگە..................

ئەرىك

ئەسسالامۇ ئەلەيكۇم قىرىنداشلار ئالما 3جى ئەس كە بولامدۇ نەشىرى 6.1.2 غا يەن تلفۇننىڭ يۇزىدىكى ئەپلەرىڭ ئسمىنى ئۇيغۇرچە قىلغىلى بۇلامدۇ ؟قانداق ئوزگەرتىمىز

سەبىر327

پاسىبان يوللىغان ۋاقتى  2012-10-16 14:16
ياق ياق! مەن قاچاندىن بۇيان تۈرمىدىن قاچۇرغانلارغا كۆ ...

ئاللاھ شۇ كۈنلەرنى پاتراق كىلىشكە نىسىپ قىلسۇن.ئامىن!گۈرۈچفوندا ئۇيغۇرچە يېزىپ شۇنداق راھەتلىنەتتىم....ماۋۇ 5 س نى ئىشلىتىپ ھەجەپ بىر خىل بولدۇم.....