شۈنچىنجى ھەسرەت

كۆكتاش

جۇدالىق پەيتلىرى

قوياش بار ئاسماندىكى
ئاپئاق بۇلۇتقا ئوخشاش
جۇدالىق پەيتلىرى كەلدى
كەلدى كۆزلىرىڭگە ياش   

بىر نىمە بولدىمكى
گويا بىرنىمىسىنى يوقىتىپ قويغان ئادەمدەك
تاقىتىم يوق
تىپىرلايتتى قىيالماي يۈرەك

مىڭىشقا تەمشەلدىڭ
مىڭىلىشقا تەڭشەلدىم
قوللىرىمنى كۆتۈردۈم
دىيەلمىدىم كەتمەڭ

گادامەن سېنى ئۇزاتتىممۇ
ياكى سەن مېنى ئۇزاتتىڭمۇ
ماشنىلار قوزغالدى قايان قاچان
ھازىرمۇ يا مىڭ يىلدىن كىيىنمۇ

قاراڭغۇ چۈشكەندە ئەتراپ جىم
بىلدىم سېنىڭ يوقلىقىڭنى
سۈكۈت يېغىۋاتاتتى سىم-سىم
ئەسەبىيلەرچە ۋارقىرىدىم ئىسمىڭنى ...

ئاڭلىغىنم
ماشىنىغا چىقىۋاتقان ئاياق تىۋىشىڭ
مەڭزىڭنى بويلاپ ئاققان يىشىڭ
ئارقىدىن ئاران خۇش دىگەنلىكىڭ
سېغىنىپ تۇرىدىغانلىقىڭنى ئىيتقىنىڭ
مىنى ساقلايدىغانغا ۋەدە بەرگىنىڭ
ماشىنىدىن قول پۇلاڭلاتقىنىڭ
ماشىنىنىڭ قوزغالغاندىكى دەھشەت
يۈرەكنى ئىزىدىغان ئاۋازى
بۇرۇن يۈز بەرگەندەك
ياكى ھازىر يۈزبىرىۋاتقاندەك
غۇۋا بەك غۇۋا چۈشتەك
ئىنتايىن رۇشەن ئەينەكتەك

بىرگۈزەل مەن بىلەن بۇلاقتەك خۇشلاشتى
تاشتەك سۈزۈك ھۆل بولدۇم
بىرگۈزەل مەن بىلەن يامغۇردەك خوشلاشتى  
ياپراقلاردەك پاكىزە بەختكە تولدۇم

جۇدالىق پەيتلىرى
بۇئورمانلىققا ئوت كەتتى  


-مۇتەللىپجان نۇرمۇھەممەت كۆك

كۆكتاش

شۈنچىنجى ھەسرەت

مەن كەلدىم
قاپقاراڭغۇ كېچىلەر
مىۋىلەرنىڭ تۆكۈلگەن ئاۋازىنى ئاڭلىدىم
ئاقار يۇلتۇز ئورنىغا قايتتى
ئىھ قانداقمۇ ئۇخلىغانسەن ؟

ۋىسالدىن تاڭ ئاتمامدۇ ؟

كۆزۈڭدىن ئۇچقان سوغۇق نىگاھىڭ
ئالەمنى مۇز ئىراغا ئايلاندۇرۇپ قويدى
مەن قانداق مىڭىۋاتىمەن ھازىر؟
بىئىلاج قارىشىڭدىن يۈرىكىم ئاغدى

قانچىلىك ئۆمىدتە كەلگەنىدىم ھە
قۇچاقلىشىپ كۆرۈشكۈم بارئىدى
لىۋىمنى لىۋىڭگە يىقىپ ئۇزاق
سېنى ماڭا قاندۇرغۇم بار ئىدى

بىلدىم خاتا ئويلىغانلىقىمنى بىلدىم
ئەمەسكەن ئىشلار مەن ئويلىغاندەك
بۇباشىمنى جېنىمنى نەدە قويايمەن
بىريىگىتكە غۇرۇرئار-نۇمۇس كىرەك  

ئەمدى بۇيەردە تۇرىشىمغا باھانەم يوق
كېتىشىم كىرەك ئاستا-ئاستا ئۇزاپ
رەت-رەت ھەسرىتىم بىلەن مەغرۇر
تۇرىنىلاردەك قاتار-قاتار ئەڭ يىراق...

سەن يوق سېغىنمايدىغان بىريەرگە
شۇنداقلا ھىچكىم يوق بارلىق بىريەرگە
چاڭقاپ چاك-چاك يىرىلغان شۇيەرگە
سۇكىلەرمۇ قايتىدىن چوڭقۇرشىرىنغىنە ...

قارىما كەتتىم مەغرۇر ئېچىمدە مىڭ ئەلەم
كەتتىڭ يۈزۈڭدە بىچارىلىكنىڭ ئالامىتى
چىدىماق تەس بولدى كۆڭۈللەردىن كېتىشلەرگە
گۈپپىدە يىقىلدى بىشىم ئاسماندىكى
كەتتىڭ  كېتىشىڭ بەلكىم توغرا
ھچنىمە بولمىدى بىزلەرگە
ئەمما بۇكېتىش يالغۇزلۇقنى
بەخىش ئەتتى يۈرەكلەرگە
گۈللەرنىڭ ئېچىلىش ۋاقتى كىچىكتى
سۆيگۈمىزدە قايتاباھار بولمىدى
سۆيۈلۈشلەر قايتىلانمىدى
پاختىدەك ئېچىلىشلار داۋاملاشتى
يالغۇز يول مىڭىش قىيىنلاشتى
كېچىلەر قاراڭغۇلاشتى
ئەتىلەر ئىنىقسىزلاشتى
پىكىرلەر مەنىسىزلەشتى
مۇھەببەت مەۋقىسىزلەشتى
بولدۇم تۆت تامنىڭ مىڭ يىل ئاۋازى
تۆت تامنىڭ ئېچىدە مۇتەللىپ مەغرۇر تۇراتتى...   

چوقۇم
سەنسىز گۈزەل بىرئەتە مەن ئۈچۈن بار

-مۇتەللىپجان نۇرمۇھەممەت كۆك

ئاي بەرگى

تۈمەنلىگەن نىمە ئۈچۈنلەرنىڭ جاۋابە پەقەت بىرلا ........

شېئىر ئوقۇپ چۈشىنىش ئۈچۈن مەن يەنە بىر قانچە ئەسىر تىرىشىشىم كېرەك.

بۇلىقىم

مەن چاچما شئېرلارنى بەك  بىلىپ  كەتمەيمەن ،بۇنىڭغا  .ئىنكاس  يېزىشنى  يەنىلا  ئۇستازلارغا قۇيۇپ  بېرەي

دۇردانە

مېنىڭ مۇشۇ شېئىردىن ساۋادىم تازا ياخشى چىقماپتىكەن بولۇپمۇ چاچما شېئىردىن، چالا-پۇچۇق چۈشۈنۈپ ئوقۇۋالدىم.

ئەجرىڭىزگە تەشەككۈر

ئۇپقۇن

كۆكتاش يوللىغان ۋاقتى  2015-12-7 11:02
شۈنچىنجى ھەسرەت

مەن كەلدىم

ياخشى يېزىپسىلە،ئەمما بۇنى شېئىر دەمدۇق ياكى نەسىر دەمدۇق،ھىچ بىلەلمىدىم.
ئىملاسا خاتالىق كۆرلۈپتۇ—مەڭزىڭنى بويلاپ ئاققان يىشىڭ‹‹يېشىڭ››
مىنى ساقلايدىغانغا ۋەدا بەرگىنىڭ‹‹مېنى››
لىۋىمنى لىۋىڭگە يىقىپ ئۇزاق ‹‹لېۋىمنى››‹‹لېۋىڭگە››‹‹يېقىپ››
چاڭقاپ چاك-چاك يىرىلغان شۇ يەرگە ‹‹يېرىلغان››
گۆپپىدەك يىقىلدى بىشىم ئاسماندىكى‹‹بېشىم›› ئىملانى بولغانچى تۈزتىپ قويدۇم مۇھەررىرلەر تەستىقلىغۇچىلار ئەستايىدىلراق بولۇڭلار

ئۇپقۇن

كۆكتاش يوللىغان ۋاقتى  2015-12-7 11:02
شۈنچىنجى ھەسرەت

مەن كەلدىم

مەن بۇ شېئىرنىڭ مەزمۇن، شەكلى،ئالغا سۈرۈلگەن ئىددىيە  توغۇرلۇق پىكىر قىلمايمەن .ئەممە ھەممىمىز شېئىردا بولۇشقا تېەىشلىك ئامىللارنى ئۇنتۇپ قالمايلى.باشقىلار بەھىرلىنەلىسە ئاندىن شېئىر بولىدۇ بولمىسا بۇنىڭ كىرەكسىز ئەخلەتتىن پەرقى بولمايدۇ.

ئۇپقۇن

شېئىرنىڭ ماۋزۇسى نىمانداق بىمەنە.نىمە دىگەن گەپ بۇ شۇنچىنجى ھەسرەت دىگەن ‹‹كۆكتاش›› چوقۇم ماۋزۇنىڭ مەنىسىنى ئايدۇڭلاشتۇرۇپ بىرىڭلار.

ئاي بەرگى

ئۇپقۇن يوللىغان ۋاقتى  2015-12-8 16:35
ياخشى يېزىپسىلە،ئەمما بۇنى شېئىر دەمدۇق ياكى نەسىر د ...

ناھايىتى ئورۇنلۇق پىكىر،بولمىسا بۇندىن كېيىن مۇنبەردە يوللانماقچى بولغان تېما ۋە ئىنكاسلارنى سىزگە يوللاپ بەرسەك ،سىز بىر ئىملانى تۈزىتىپ بەرسىڭىز ئاندىن مۇنبەر يۈزىدە تورداشلار بىلەن يۈز كۆرۈشسە .....خېلى ياخشى بولغۇدەك.ھەممىمىزنىڭ سەۋىيىسى ئۆسۈپ قالاركەن.

ئاي بەرگى

ئۇپقۇن يوللىغان ۋاقتى  2015-12-8 16:40
مەن بۇ شېئىرنىڭ مەزمۇن، شەكلى،ئالغا سۈرۈلگەن ئىددىيە ...

باشقىلارغا ئىملا توغرىلىق گەپ قىلىشتىن بۇرۇن چوقۇم ئۆزىڭىز مۇ شۇنىڭغا دىققەت قىلىشڭىز كېرەكقۇ دەيمەن؟يۇقىرىدىكى ئىنكاسىڭىزنىڭ ئۆزىدىلا نەچچە يەردە ئىملا خاتالىقى،ئەلۋەتتە ئىملانى توغرىلاش كېرەك.لېكىن ئاۋال قەلبىمىزدىكى خاتالىقنى تۈزىتىشكە جۈرئەت قىلماسلىق،تەنقىدنى سەمىمىي قوبۇل قىلماسلىقتەك خاتالىققىمۇ يول قويماسلىقىمىز كېرەك.