تەتىلىم

bahwanbiz

	تەتىلىم توشتۇڭ ھەجەپ بىمەھەل سېزەلمىدىم تەتىلىم ، تۆنۈگۈنكى قاراڭنى كۆرەلمىدىم تەتىلىم ، كوچا –كويدا ئازادە يۈرەلمىدىم تەتىلىم ، پىلانلىغان راھەتنى سۈرەلمىدىم تەتىلىم . ئىشخانىغا پۇتۇمنى سۆرەلمىدىم تەتىلىم . نادىر ئارزۇ روھىمنى خۇش قىلغانتى ئەسلىدە ، تۇغۇلغانتىم قايتىدىن ئۇلۇغ ئەجداد نەسلىدە، كىرەيمىكىن شەيئىنىڭ ئەڭ بىغۇبار شەكلىگە ، ئېغى يىرتىق ئىشتاندا قايتايمىكىن يەسلىگە ئۆتۈپ كەتتىڭ شامالدەك بىلەلمىدىم تەتىلىم . ئەڭ ئاخىرىقى يىغىننىڭ چاۋىكىدا سەن كەلدىڭ ، ئەلنى سۆيگەن رەھبەرنىڭ تاۋىقىدا سەن كەلدىڭ ، بارماق يۇمغان بالامنىڭ سانىقىدا سەن كەلدىڭ ، رەڭگى سېرىق مائاشنىڭ يامىقىدا سەن كەلدىڭ ، بىرەر دەستە گۈل تۇتۇپ كېلەلمىدىم تەتىلىم. ئېرادەممۇ بار ئىدى يېڭى ‹بازا› قۇرۇشقا ، كۆنەي دىگەن قەستەنگە  ۋاخچە-ۋاقچە تۇرۇشقا تەييارلىقىم بار ئىدى تۇغقان يۇقلاپ قونۇشقا لىكىن يەڭنى شىمايلاپ باش چۆكۈردۈم تۇرمۇشقا ، قېنىپ –قېنىپ چوكۇلداپ سۆيەلمىدىم تەتىلىم . پىلانلىرىم زەيلىشىپ چالۋاقىدىم ئۆزۈمگە . مەن راستىنلا بىتەلەي ئەسۋە چىقتى يۈزۈمگە، كەچۈرۈڭلار بالىلار تۇرالمىدىم سۆزۈمدە ، خىزمەت دىگەن مىناكەن دەسسىۋالدىم تۈزۈمگە ، بوسۇغامغا ئەتتىرگۈل تېرەلمىدىم تەتىلىم . پائالىيەت تۈزگەنتىم ھەپتىلەرنى پارچىلاپ ، قىزارغىچە يەل ئۇرغان ۋەدىلەرنى شارچىلاپ ، بوسۇغامدا مۇز باركەن موللاق ئاتتىم يانچىلاپ ، ئېڭەك تىرەپ ئولتۇردۇم ئەتكەن چايغا نان چىلاپ ، كونا يىللىق ھېسابنى تۆلەلمىدىم تەتىلىم . چۈش بولىدۇ بىر دەمدە ئىككى يانغا كېرىلسەم ، قۇياش ئاستا زوڭزىيار تېلىفۇنغا بېرىلسەم ، مۇزلاپ قالار قايناقسۇ ئىش-ھەرىكەتتە ئېزىلسەم ، قايسى ئوۋچى ئوۋلايدۇ مۇشۇ ھالدا سېزىلسەم ، ئىچ –ئىچىمدىن پارتىلاپ مۆرەلمىدىم تەتىلىم . تىلەمچىكەن ئەسلىدە دەرۋازامنى قاققىنى ، ئىزدەشمەيدۇ نىمىشقا كۆڭۈللەرگە ياققىنى ؟ كۆكلەلەمدۇ بىر ئۆمۈر ئورۇق ئىنەك ساغقىنى !! موھتاجلىقتىن چىقىدۇ چىنە –قاچا چاققىنى ، غۇلاچ تاشلاپ غۇنچىلاپ ئۈنەلمىدىم تەتىلىم . تاپالمىدىم يېڭىلىق سېيرتمامنى ئەتمىدىم ، موزدۇز بىلەن باققالغا غۇلاچ تاشلاپ يەتمىدىم ، ئەتىۋارلىق ئەتىنى بەكمۇ ئويلاپ كەتمىدىم ، ئېيتىڭلارچۇ تۆت تېمىم مەن كۆرۈمسىز سەتمىدىم ؟ پىلانىمغا پۈتۈنلەي كىرەلمىدىم تەتىلىم. ئاپتۇرى :ئابلەت مۇھەممەت باغۋەن

borkut-

	تەتىل بەك قىسقا بوپ قالغان ئوخشىمامدۇ سىزگە ؟ ئامال يوق بۇرادەر .

tumaris01

	كىچىك  ۋاقتىمدا تەتىل بولسا شۇنداق خوش بولاتتىم ، تەتىل توشقاندىمۇ شۇنچىلىك خوش بولاتتىم ، چۈنكى تەتىل ۋاقتى توشقىچە ئوقۇتقۇچۇمنى ، ساۋاقداشلىرىمنى بەك كۆرگۈم كېلىپ كېتەتتى ، ئەجەبا ، سىزنىڭ ئوقۇغۇچىلىرىڭىزنىمۇ كۆرگىڭىز  كەلمىدىما…

borkut-

	tumaris01 يوللىغان ۋاقتى  2015-2-27 07:57 AM كىچىك  ۋاقتىمدا تەتىل بولسا شۇنداق خوش بولاتتىم ، تەتى ...    ماڭا دەۋاتامسىز ؟

IZDIGUQI

	ئاران تۈگىسە نىمە دەيدىغاندۇ ما ئاداش بىلىم ئىلىش خوشياقمايتى دەڭە !! دادىڭىزنى دورىمىسىڭىزمۇ ياشاۋاتىدۇ !

mahatjan

	بولسا، مەكتەپكىمۇ بارمىشىڭىز ئۆيدە ياخشى ئارام ئالاتتىڭىز.

turmux.net

	شېئىر مەزمۇنى ياخشى بولماپتۇ...

borkut-

	mahatjan يوللىغان ۋاقتى  2015-2-27 11:01 AM بولسا، مەكتەپكىمۇ بارمىشىڭىز ئۆيدە ياخشى ئارام ئالاتت ...   «بارمىشىڭىز» ئەمەس« بارمىسىڭىز » مەخەت ئاكا

rana3345

	مەنمۇ شۇ دەيمەن. ئەمدى ئارام ئالاي دىگەندە توشاپ كەتتى بۇ تەتىل.

زىبا.

	قېنىپ ئارام ئالالماي  ، تۇشۇپ كەتتى بۇ تەتىل. ئارمان  بىلەن ياشايمەن  ، چۇقۇم كىلەر بۇ تەتىل .