چىپىلدايدۇ لەمپىلەردە فېۋرال

bahwanbiz

	چىپىلدايدۇ لەمپىلەردە فېۋرال قار مونىكى ئۆزگىرىدۇ قىيامغا ، ئۈگۈزلەرنىڭ قولياغلىقى يۇمشىدى . چىپىلدايدۇ لاپاسلاردىن فېۋرال ، كوچا –كويلار ھۆلچىكىتە ئوخشىدى . تېرەك ئالار تىرنىقىنى ئاپتاپتا ، قارا ياغاچ چىشلىرىنى چوتكىلار . سازاڭ نوقوپ قويار ئۈژمە تېلىنى ، ئەللەي چىقىپ  ھويلىسىغا ‹پوق› قىلار . پايپىقىنى سېلىۋەتتى مۈشۈكلەر ، كۈچۈك قىززىق توپىلاردا ئېغىنار . بىسەرەمجان بولدى چاشقان ئەر-خوتۇن ، كالا –قويلار قىر -دالىنى سېغىنار. سەھرا قاقار دالان ئۆينى ئالدىراش ، قېلىن كىيىم ھەربىي سەپتىن چېكىندى . ئانا مۇزنىڭ ھېكايىسى تۈگىگەچ ، ئاخىرىقى توڭ تەسكەي يەرگە مۈكۈندى . ئېغى يىرتىق ئىشتان كىيەر كوچىلار ، پاتقاق بىلەن رەڭ تالىشار كىيىملەر . ئېرىق قىرى تارتىۋالدى زەدۋال ، ئەگىز سۈيى يالىماقتا جىرىملەر  . ساپما كەشتە سەمىرىيدۇ ئاياللار ، ئەرلەر تۈزەر تېرىلغۇغا خەرىتە . بىر مۇھتقا كىرگەچ يۈرەك رېتىمى ، بارچە جانلىق ئۆزگىرىدۇ ‹غەلىتە› . چىپىلدايدۇ لەمپىلەردە فېۋرال ، ئادەملەرنىڭ كۈڭلى يولدا ئاقماقتا. ئەگىز سۈيى كوچىلارغا كۆز قىسار، ئىللىق ئاپتاپ بارچە دىلغا ياقماقتا . قار سۈڭكى يۇمشاپ كەتتى تۇيۇقسىز ، بېدىلەرنىڭ مىدىرلايدۇ قۇلىقى . چاچ چىقماقتا يەرنىڭ تاقىر بېشىغا ، يېتىپ كەلدى بىر پەسىلنىڭ تولغىقى . ئاپتۇرى : ئابلەت مۇھەممەت

gulbar5

	شۇنداق قىلپ مەن ياخشى كۆردىغان باھار پەسىلمۇ يىتىپ كەلدى12ې،

mercury

	ماۋۇ شىئېرنى راستىنلا ياخشى يىزىپسىز ،   گۈزەل لىرىكا . شۇنداق قىلىپ مەن ياقتۇرىدىغان قىش پەسلىمۇ ئاياغلىشىپ قالدى .

turmux.net

	ياخشى يېزىپسىز... ئەتىياز  پەيزى تەسۋىرلىنىپتۇ.

qaraxani

	تەپەككۈرۈڭ تەپەككۈر، ئېيتاي ساڭا تەشەككۈر. ئانا تىلدا سەن بىزنى ، قىلدىڭ مەغرۇر تەكەببۇر...

yalghuz

	بەك تاتلىق شىئېر بوپتۇ. ئىپادىلەش ئۇسۇلىغا قايىل بولماي تۇراممايمەن.

سەنسىز886

	مانا گۈزەل ئەتىيازمۇ كېلەي دەپ قالدى. شېئىرلىرىڭىزنى ئەتىياز پەسلىگە بېغىشلاپسىز ئەمەسمۇ...

sirdax887

	بەك ياخشى يېزىپسىز

sirdax887

	بەك ياخشى يېزىپسىز