ھەر بىر بېتى بىباھا ، ئۆزگە قىممەت كىتاۋىم

bahwanbiz

	كىتاۋىم ھەر بىر بېتى بىباھا ، ئۆزگە قىممەت كىتاۋىم ، قىياپىتى سەرەمجان مۈلكى زىننەت كىتاۋىم ، تەڭ قىلىمەن كۆكسۈمگە ساڭا ھۆرمەت كىتاۋىم . قىسمىتىدە مول مەزمۇن ،سەبىي سۈلھەت كىتاۋىم . مەدىتىڭدە تۇرمۇشۇم قايناق سۈرئەت كىتاۋىم . لەۋ يېرىلدى گاچىمەن، سەزگۈ بەردىڭ تىلىمغا ، زەم -زەم بېرىپ قۇرىڭدىن ،مېھىر سالدىڭ دىلىمغا ، كەيپىياتىم تەڭشىلىپ سۆھبەت قۇردۇم  خىلىمغا ، مەدىتىدە دوستلارنىڭ كۈچ قوشۇلدى جېنىمغا ، روھى ئويغاق ئاۋامدىن كۆردۈم ئىززەت كىتاۋىم . ئەجداتلارنى ئەۋلاتقا باغلاپ كەلدىڭ نۇر بولۇپ ، كەسپ بولدى تەۋۋەللۇت خاسلىقىڭدا تۈر بولۇپ، خارلىغانلار جىسمىڭنى ئۆزى كۆيدى كۈل بولۇپ ، خىسلىتىڭدا توپلاندى مەدەنىيەت كۆل بولۇپ ، سەيلە قىلسام بېغىڭنى ،ئالدىم لەززەت كىتاۋىم . كۆيدى قەسىر ، سەلتەنەت پادىشاھلىق كۆمۈلدى ، نى باھادىر ئارسلان كۆزى تەستە يۇمۇلدى ، قاچا بارمۇ ھەسرەتكە ،كىملەر قايتا تىرىلدى ؟ رەنجىپ بەزەن يىللاردىن يۈرەك ئاسان يېرىلدى ، كىچىكلىگەن ۋاقتىمدىن تاپتىم خىلۋەت كىتاۋىم . تەقدىرىدۇر ئەزەلىي ئۆتمۈش كېتەر چاڭ بىلەن ، ياشىماق تەس ئادەتتە  توختاپ قالغان ئاڭ بىلەن ئىدىيەنى ئەتكىلى بولمايدىكەن تام بىلەن ، پەيلاسۇپلار ،ئابىتلار كەتتى جىمجىت نام بىلەن ، شەجەرىدىن مول ساۋاق بەردى ھېممەت كىتاۋىم . ھەر بېتىڭنى كۈن ساناپ بالىلارغا يالىتاي ، ھەر ھەپتىدە بىر قېتىم كىتابخانا ئارلىتاي ، ئۆلچەم بولسۇن ئاددىيلىق ،ھەشەمەتنى تارلىتاي ، قېتىرقىنىپ ئىزدىنىش ناۋاسىنى ياڭرىتاي ، توختامىدا تۇرمۇشنىڭ بولدى ھۆججەت كىتاۋىم . ئەنئەنەمدە ساقلىنىدۇ مەڭگۈ  مىللىي كىملكىم ، بىر بۇلاققا زىچ قىلىدۇ ئۆم -ئىناقتا بىرلىكىم . كەلگۈسىگە يول ئاچىدۇ چىن تۆمۈردەك ئەرلىكىم ، كۈلۈپ تۇرۇپ بوشلىقىدا كېڭىيىدۇ كەڭلىكىم ، سائەتلىرىم مۈگدىمەستىن تاپار قۇدرەت كىتاۋىم . ئاپتۇرى : ئابلەت مۇھەممەت باغۋەن ( توققوزتارا )

mamatkurban

	مەزمۇنى ياخشى چىقىپتۇ سۈيۈندۈم قەلىمىڭىز ھارمىغاي

چوغلۇق317

	ياخشى چىقىپتۇ ، ئىلھامىڭىز  تېىخمۇ مول بولغاي!

لوپنۇرى

	«كىتاۋىم» ئەمەس، «كىتابىم» دەپ يازسسىڭىز توغرا بولىدۇ. لېكىن شېئىرىڭىز ئوبدان چىقىپتۇ. ياخشى شېئىرغا نوقسان يىتىپ قالمىسۇن، دەيمەن.

magrurjan

	شىئىرىڭىز ھەقىقەتەن ئىسىل چىقىپتۇ،  مىنىڭچە كىتاپنى ئۆزىگە ھەمرا قىلىپ سىرداش بىلگەن كىشى  مەڭگۈ روھىتىنى بەخىت ئىچىدە تۇتۇپ تۇرالايدۇ چۈنكى كىتاپ  مەنىۋىيەتنىڭ مەڭگۈ ئۆچمەس نۇرلۇق يۇلتۇزى

سەدەف

	ئۇيغۇرنىڭ دېھقىنىمۇ ئېتىز بېشىدا كەتمەننى قويۇپ،دەم ئالغاچ كىتاپ ئوقىغاندا: ‹‹بۇ مېنىڭ غۇنچە گۈلۈم ئېچىلاتتى››  ل.مۇتەللىپ شېئىرىدىن

99sahrayi99

	راست شۇنداق!.. لېكىن دېھقانلارغا كىتاپ ئوقۇغۇدەك ۋاقىت نەدە!؟.. ئىشنىڭ كۆپلىكىدە!....ھەي بىچارەلەر!..

kok-sultan

	كىتابقا بىلدۈرۈلگەن ھۆرمەتتىن چەكسىز سۆيۈندۈم