جاھان ئاگېنتلىقى 14-ئاپرېل خەۋىرى؛ لەگلەك تورى تەرجىمىسى: بىرلەشكەن دۆلەتلەر تەشكىلاتى، سەئۇدى ئەرەبىستان باشچىلىقىدىكى بىرلەشمە ئىتتىپاق قىسىملىرى ھاۋا ھۇجۇمى قوزغىغان يەمەندە، ئاز دىگەندە 120 مىڭ كىشىنىڭ ئۆيىدىن ئايرىلىشقا مەجبۇر بولغانلىقىنى بىلدۈردى. ب د ت باش كاتىبى باياناتچىسى تەرىپىدىن ئېلان قىلىنغان باياناتتا، ھاۋا ھۇجۇمى باشلانغان 26-مارتتىن بۇيان 120 مىڭ كىشىنىڭ ئۆيىدىن ئايرىلغانلىقى، ئابيان رايۇنىدا 1730 ئائىلىنىڭ ھەر قايسى مەكتەپلەردە تۇرىۋاتقانلىقى بىلدۈرۈلدى. ب د ت ئىنسان ئىشىلىرى ئورگىنى ئىشخانىسىنىڭ ئۇچۇرىغا قارىغاندا، دۆلەتنىڭ بىر قانچە رايۇنلىرىدا يىمەكلىك ۋە باشقا ئاساسى ئېھتىياجلارنىڭ يەتكۈزۈلۈشى قىيىنلاشماقتا . ئەدەن رايۇنىدا ئۇن يىتەرسىز بولغانلىقى ئۈچۈن ناۋايخانىلارنىڭ تاقالغانلىقى، بىر قانچە رايۇنلاردا يان تېلېفون ئالاقسىنىڭ ئۈزۈلۈپ قالغانلىقى ۋە 12 سائەت ئەتراپىدا پات-پات توك توختاپ قېلىۋاتقانلىقى بىلدۈرۈلدى.
ب د ت نىڭ باياناتىدا ئىنسانىي ياردەم ئورگانلىرىنىڭ سۇ، يىمەكلىك ۋە سەھىيە يارەدملىرىنى تەييارلىغانلىقى ۋە بۇ ياردەملەرنىڭ يوللار ئ‍ېچىۋېتىلگەن ئەھۋالدا ئىھتىياجلىق رايۇنلارغا يەتكۈزۈلىدىغانلىقى تىلغا ئېلىندى.