جاھان ئاگېنتلىقى 5-فېۋرال خەۋىرى ؛ لەگلەك تورى تەرجىمىسى: ئىسرائ‍لىيە سوت مەھكىمىسى، پەلەستىن خەلق ئازادلىق ئەترىتى ئەزاسى، خەلق ۋەكىلى خالىدە جەررارنى 6 ئاي قاماق جازاسىغا ھۆكۈم قىلدى. پەلەستىن ئەسىرلەر جەمئىيىتى تەرىپىدىن يازما شەكىلدە ئېلان قىلىنغان باياناتتا، ئۆفەر ھەربىي سوت مەھكىمىسىنىڭ، خەلق ۋەكىلى جەررارغا 6 ئاي مەمۇرىي قاماق جازاسى بەرگەنلىكى بىلدۈرۈلدى. مەزكۇر باياناتقا ئاساسلانغاندا، خەلق ۋەكىلى جەررار ئىسرائىلىيەنىڭ شىمالى قىسىملىرىدىكى ھاشارون تۈرمىسىگە يۆتكەلدى. پەلەستىن خەلق ۋەكىلى جەررار، پەيشەنبە كۈنى ئىسرائىلىيە قىسىملىرى تەرىپىدىن راماللاھتىكى ئۆيىدىن تۇتۇپ كېتىلگەن ئىدى.
پەلەستىن ئەسىرلەر جەمئىيتىنىڭ خەۋىرىگە ئاساسلانغاندا، ئىسرائىلىيەدىكى تۈرمىلەردە مەمۇرى جەھەتتىن تۇتۇپ تۇرىلىۋاتقان 16 نەپەر پەلەستىنلىك خەلق ۋەكىلى بار. مەزكۇر كىشىلەر «مەمۇرى تۇتۇپ تۇرۇش» نامىدا 6 ئايدىن 1 يىلغا قەدەر تۇتۇپ تۇرىلىدۇ. تۇتۇپ تۇرۇلىۋاتقانلارنىڭ، «ئىسرائىلىيە بىخەتەرلىكى ئۈچۈن خەتەر پەيدا قىلىدىغانلىقى» غا قارار بېرىلگەن ئەھۋالدا ھەربىي سوتچى، جىنايەت ئۆتكۈزمىگەن بولسىمۇ تۇتۇپ تۇرۇش مۇددىتىنى 5 يىلغا قەدەر ئۇزارتالايدۇ.