ئامېرىكا غارايىباتلار تورىنىڭ 26-يانۋاردىكى خەۋىرىگە قارىغاندا، بىن جەمىن ئوخشاش مەزمۇندىكى ۋېدىئونى ئۇدا تورغا چىقىرىپ تورداشلارنى ئۆزىگە قىزىقتۇرغان. ۋېدىئودا بىن جەمىن ھىجارىغان ھالدا باداشقان قۇرۇپ ئولتۇرغاندىن سىرت ھىچقانداق ئىش قىلمىغان، ئۇ مۇشۇ ھالىتىدە نەچچە سائەتلەپ ئولتۇرالايدىكەن، ئۇنىڭ تورغا چىقارغان ۋېدىئوسىنىڭ ۋاقتى جەمئىي 120 سائەتتىن ئاشقان. قىزىق يېرى شۇڭى بەزى تورداشلارمۇ ئۇنىڭ بۇ خىل ئولتۇرۇشىغا قاراپ نەچچە سائەتچە ئولتۇرغان.

كىشىلەر ئۇنىڭ بۇ خىل قىلمىشى توغرىسىدا ھەرخىل ئوخشىمىغان قاراشتا بولغان. بەزىلەر ئۇنى ساراڭ بولۇپ قاپتۇ دېسە، بەزىلەر ئۇنى نام چىقىرىش ئۈچۈن قەستەن غەلىتە ئىشلارنى قىلغان دېگەن، يەنە بەزىلەر بۇنى بىر خىل ھەرىكەت سەنئىتى بولۇشى مۇمكىن دەپ پەرەز قىلغان. بىن جەمىن بۇنىڭغا ئىنكاس قايتۇرۇپ، ئۆزىنىڭ نېمە ئۈچۈن بۇنداق قىلغانلىقىنى بىلمەيدىغانلىقىنى بىلدۈرگەن.

بىن جەمىننىڭ دېيىشىچە، ئۆزىنى ۋېدىئوغا تارتىپ، تورغا چىقىرىش ئۈچۈن كەتكەن ‹‹ راسخوتى ›› نى ھازىرچە پۈتۈنلەي ئاپىسى چىقارغان بولۇپ، ئەگەر بىرەر شىركەت ياكى بىرەر شەخىس ئۇنىڭ بۇ قىلمىشىغا مەبلەغ سېلىشنى ئويلىسا ، ھىجاراپ ئولتۇرۇشنى ئۆزىنىڭ كەسپى قىلىپ، ھەپتىسىگە 40 سائەت مۇشۇنداق ھىجاراپ ئولتۇرۇپ، ۋېدىئونى تورغا چىقىرىشقا كاپالەتلىك قىلىدىغانلىقىنى بىلدۇرگەن.