شىنخۇا تورى ، ئوساكا ، 8-دېكابىر تېلېگراممىسى: جۇڭگونىڭ ياپونىيە ئوساكادا تۇرۇشلۇق باش ئەلچىخانىسى 6-دېكابىر ئوساكادا ‹‹شىنجاڭ كۈنى›› پائالىيىتى ئۆتكۈزدى . ياپونىيە كانساي رايونىدىكى ھەر ساھە كىشىلىرىدىن بولۇپ 100 دىن ئارتۇق ئادەم پائالىيەتكە قاتناشتى .

پائالىيەتتە جۇڭگونىڭ ئوساكادا تۇرۇشلۇق باش ئەلچىسى ليۇ يىرېن شىنجاڭنىڭ نۆۋەتتىكى ئىجتىمائىي ، ئىقتىسادىي ، مەدەنىيەت جەھەتتىكى تەرەققىيات ئەھۋالىنى تونۇشتۇردى . ئۇنىڭدىن باشقا ، شىنجاڭنىڭ ئالاھىدە مەھسۇلاتلىرى كۆرگەزمىسى ئۆتكۈزۈلۈپ ، قۇرۇق ئۈزۈم ، يىپەك شارپا، دوپپا قاتارلىق مەھسۇلاتلار ۋە شىنجاڭنىڭ قويۇق مىللىي ئالاھىدىلىككە ئىگە سەنئەت نومۇرلىرى ئوساكا خەلقنى ئۆزىگە مەپتۇن قىلدى .