جەمئىيىتىمىزنىڭ تەرەققى قىلىشىغا ئەگىشىپ،ياشلارنىڭ بىخەتەرلىك تۇيغۇسى كۈندىن-كۈنگە ئاجىزلاپ كېتىۋاتىدۇ،خىزمەت بېسىمى سەۋەپلىك كىشىلەر كۈنىگە كومپىيوتىرغا قاراپ ئولتۇرۇشغا مەجبۇر بولىۋاتىدۇ ،شۇڭلاشغا كىشىلەر ئارىسىدىكى ئالاقە بارغانسىرى ئازلاپ ،نۇرغۇنلىغان پاسسىسىپ كەيپىياتلار كىشىلەرنى بىئارام قىلىۋاتىدۇ.ئۇنداقتا زادى قايسى ئامىللار كەيپىياتغا تەسىر كۆرسىتىدۇ؟

1-نىشانى بولماسلىق. تۇرمۇشتا بىرەر نىشانى بولمىغان كىشى چوقۇم تۇرمۇشغا بولغان گۈزەل ئارزۇ-ئارمانلىرى يوق كىشى ھېساپلىنىدۇ.بۇنداق كىشىلەرنىڭ كەيپىياتى ئەلۋەتتە دېگۈدەك ياخشى بولۇپ كەتمەيدۇ.

بۇنداق كىشىلەر چوقۇم ئالدى بىلەن ئۆزىگە بىر نىشان بىكىتىشى لازىم، نىشانى بولغاندىلا ئاندىن شۇنى ئەمەلگە ئاشۇرۇش ئۈچۈن تىرىشىش جەريانى بولىدۇ،كىشىلەر شۇ جەرياندا ئاندىن ئۆزىگە خوشاللىق تاپالايدۇ.

2.رەت قىلىنىشتىن قورقۇش. بۇنداق كىشىلەر ئادەتتە ئىچكى مىجەز كىلىدۇ ،باشقىلارنىڭ مەسخىرە قىلىشىدىن ، زەربىگە ئۇچراشتىن قورقۇدۇ،باشقىلارنىڭ رەت قىلىشىغا ئۇچرىشىدىن تېخىمۇ قورقۇدۇ، شۇڭا بۇنداق كىشىلەرنىڭ كەيپىياتى دائىملا تۆۋەن ھالاتتە تۇرۇپ، ھاياجانلىنىشتەك كەيپىياتلار كەم ئۇچرايدۇ.

3.دائىملا ئاغرىنىپ يۈرۈش. بۇ خىلدىكى كىشىلەر مەسئۇلىيەتتىن قېچىشنى ياخشى كۈرىدۇ، قىيىنچىلىققا ، ئۆزىگە دادىللىق بىلەن يۇز لىنەممەيدۇ.بىرەر مەسىلىگە يولۇققاندا مەسئۇلىيەتنى باشغىلارغا ئارتىپ قويىدۇ،ئۇلار دائىم ئۆز-ئۆزىنى زىيانكەشلىككە ئۇچرىغۇچى دەپ ھېساپلايدۇ.

4.رىئاللىقنى رەت قىلىش. بۇ بولسا بىر خىل ئاجىزلىقنىڭ ، قورقۇنچاقلىقنىڭ ، ئىغتىدارسىزلىقنىڭ ئىپادىسى بولۇپ،بۇ خىلسىكى كىشىلەر رىئاللىغتىكى بارلىق ئىشلارنى ئىنكار قىلىدۇ ، رىئاللىقنى قوبۇل قىلالمايدۇ، ھەتتاكى رىئاللىغتىن قاچىدۇ.

5.يېرىم بولدا بەل قۇيىۋېتىش. بۇ خىلدىكى كىشىلەر ئازراقلا قىيىنچىلىققا ئۇچرىغان ھامان بەل قويىۋېتىدۇ،شۇڭا ئۇلار چىدامچانلىق ئېلىپ كەلگەن ھۇزۇرنى ئەسلا ھېس قىلالمايدۇ. بۇمۇ بىر خىل ئۆزىگە بولغان ئىشەنچىسىنىڭ كەمچىللىكىنىڭ ئىپادىسى.

6.كەلگۈسىگە ئۈمۈدسىزلىك بىلەن قاراش. بۇ خىلدىكى كىشىلەرنىڭ نەزىرىدە دۇنيا زاۋاللىققا قاراپ يۈزلىنىدۇ، ھەممە تىرىشچانلىقلار بىكارغا كېتىدۇ،ئۇلار دائىملا ئەندىشىدە ، قورقۇنۇشتا ياشايدۇ. شۇڭا بۇلار دائىم چۈشكۈنلا يۈرۈيدۇ، ھەتتاكى ئۆزىنى تۈگەشتۈرۋالىدۇ.

7.قۇرۇق خىياللار بىلەن ياشاش. بۇنداق كىشىلەر تۇرمۇشقا ئۈمۈدسىزلىك بىلەن قارايدىغانلارنىڭ دەل ئەكسى بولۇپ ، بۇلار تۇرمۇشقا زور ئۈمۈدلەرنى باغلايدۇ ،لېكىن بۇلار ھەممىسى ئەمەلگە ئاشمايدىغان قۇرۇق خىياللار بولغانلىقى ئۈچۈن دائىملا مەغلۇبىيەتكە ئۇچرايدۇ.