تېڭشۈن تورى خەۋىرى ،لەگلەك تورى تەرجىمىسى

كورىيەنىڭ يىللار ناملىق يولۇچىلار پاراخوتى  ۋەقەسىدىكى جەسەتلەر داۋاملىق سۈزىۋېلىنىۋاتىدۇ ،ھازىرغىچە چۆكۈپ كەتكەن پاراخوتتا قازا قىلغانلار 58 كە يەتتى ،244 كىشىنىڭ دېرىكى بولمىدى ،174 ئادەم قۇتقۇزۇۋېلىندى .

كورىيە ھۆكۈمىتى قۇتقۇزۇش خىزمىتىدە قىيىنچىلىق زور بولسىمۇ ،ئەڭ زور تىرىشچانلىق كۆرسىتىپ ،ئىزدەشتىن قەتئىي ۋاز كەچمەيدىغانلىقىنى بىلدۈردى ،
ئىزدەش خىزمىتى 4-ئاينىڭ 19-كۈنى كەچتە چىراق نۇرى ئاستىدا داۋاملاشتى .غەۋۋاسلار شۇ كۈنى كەچتە بولقىلار بىلەن ،يولۇچىلار بۆلۈمچىسىنىڭ دېرىزىسىنى چېقىپ ،يولۇچىلار بۆلۈمچىسىگە كىرىپ جەسسەتلەرنى داۋاملىق سۈزۈپ چىقتى .ئۇلارنىڭ ئىچىدىكى ئۈچ جەسەتنىڭ ئوتتۇرا مەكتەپ ئوقۇغۇچىلىرىنىڭ جەسىتى ئىكەنلىكى جەزىملەشتۈرۈلدى .كورىيە ۋەقەگە تاقابىل تۇرۇش شىتابى 4-ئاينىڭ 20-كۈنى ئاخبارات ئېلان قىلىش يىغىنى ئېچىپ :‹قۇتقۇزغۇچىلار ھازىر يول باشلاش ئارغامچىسى ئارقىلىق چۆكۈپ كەتكەن يىللار ناملىق پاراخوتتىكى ئىزدەش يولىنى بەشكە كۆپەيتتى ،ئىزدەش يولىنىڭ كۆپىيىشى بىلەن پاراخوت ئىچىدە ئىزدەش مەشغۇلاتى ئاسانلاشتى ،ئۆتۈشمە يول كۆپەيگەندىن كېيىن پاراخوتنىڭ چۆكۈشى تېزلەشتى ،يەنە بىر جەھەتتىن غەۋۋاسلار تېخىمۇ كۆپ بۇلۇپ ،سۇغا چۈشۈشنى داۋاملاشتۇردى ›دېدى .

4-ئاينىڭ 20-كۈنى ، كورىيە 204ھەربىي پاراخوت 34ھەربىي ئايروپىلان بىلەن يىللار ناملىق پاراخوت چۆكۈپ كەتكەن ئەتراپنى ئىزدىدى ،ئۇنىڭدىن باشقا 56 غەۋۋاس سۇ ئاستىدا ئىزدەشنى باشلىدى ،كورىيە ئەمەلدارىنىڭ ئېيتىشىچە پاراخوت گەۋدىسىنىڭ تۆشۈك ئېچىش قاتارلىق ئۇسۇل ھايات قېلىش مۇمكىنچىلىكى بولغانلارنىڭ ھاياتىغا خەۋپ ئېلىپ كېلىشى مۇمكىن بولغاچقا ،قۇتقۇزغۇچىلار سۇ ئاستىدا پاراخوتقا كىرىش ئۇسۇلى بىلەن ئىزدەۋېتىپتۇ ،مۇخبىرنىڭ زىيارىتىنى قۇبۇل قىلغان غەۋۋاسنىڭ ئېيتىپ بېرىشىچە :‹سۇ ئاستىدىكى قۇتقۇزۇش خىزمىتى زور قىيىنچىلىققا دۇچ كەلگەن ›.سۇ ئاستىدا قانچىلىك تۇرالايسىلەر دەپ سورالغاندا ئۇلارنىڭ ئارىسىدىكى بىر غەۋۋاس :‹30 مېتىر چوڭقۇرلۇقتىكى سۇ ئاستىدا تۇرغىلى بولمايدۇ ،سۇ ئاستىدا 30-40مىنوت تۇرۇپ قالغاندا ئادەمنىڭ ھاياتىغا خەۋپ يېتىشى مۇمكىن ،بۇنىڭدا غەۋۋاسلار ئۆز قىياسى بويىچە ئېلىكتىرونلۇق ئۈسكۈنە ،ياكى باشقا ئۈسكۈنىلىرىگە تايىنىپ ئىزدەيدۇ ›.

بۇنىڭدىن باشقا ،كورىيە تەپتىش تەرەپنىڭ پاراخوت چۆكۈپ كېتىش ھادىسىنى تەكشۈرۈپ كۆرسىتىشىچە ،پاراخوت سىرتقى كۈچنىڭ تەسىرىگە ئۇچرىمىغان بۇلۇپ ،ھازىر تەپتىش تەرەپ ھادىسىنىڭ سەۋەبىنى جىددىي بۇرۇلغانلىق ياكى ،يۈكنى نورمىدىن ئارتۇق قاچىلىغانلىق دېگەن مەسىلىگە مەركەزلەشتۈردى .

20-چېسىلاغىچە يىللار ناملىق چۆكۈپ كەتكەن پاراخوتنى ئىزدەش خىزمىتىدە بۆسۈش خاراكتېرلىك ئىلگىرىلەشلەر بولدى ، قۇتقۇزغۇچىلار پاراخوت بۆلۈمچىسىگە كىرىپ ئىزدەشكە باشلىدى ،ھازىرچە چۆكۈپ كەتكەن پاراخوتنى بىر پۈتۈن گەۋدە بويىچە سۈزۈش ياكى سۇ ئاستىدا ئىزدەش مەسىلىسىگە قارىتا ، يولۇچىلارنىڭ ئائىلە تەۋەلىرى تۈرلۈك كۆز قاراشتا بولماقتا .

لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى :LEGELK