داخې تورى خەۋىرى لەگلەك تورى تەرجىمىسى .ئامېرىكىنىڭ يەنە بىر ئەۋلاد ئادەملىك ئالەم كېمىسى ئورىئون يۇلتۇز تۈركۈمى شۇ جاي ۋاقتى 5-دېكابىر ئاسمانغا كۆتۈرلۈپ تۆت يېرىم سائەتچە ئادەمسىز سىناق تەرىقىسىدە ئۇچۇشنى تاماملاپ ئاخىرى تىنىچ ئوكياندىكى بېكىتىلگەن دېڭىز تەۋەسىگە كىردى .ئادەملىك كېمە ئورىئون يۇلتۇز تۈركۈمى ئالەم ئايروپىلاندىن كېيىنكى يېڭى بىر ئەۋلاد ئادەملىك ئالەم قاتنىشى قورالى ھېسابلىنىدۇ .كۈنلەرنىڭ بىرىدە ئۇ ئىنسانلارنى مارسقا توشۇشى مۇمكىن .

ئامېرىكا ئالەم قاتنىشى ئىدارىسىنىڭ بىۋاستە كۆرسىتىش ئېكرانىدىن مەلۇم بولۇشىچە ئامېرىكا شەرق ۋاقتى 5-دېكابىر سائەت 7:05 ئۆتكەندە يەنى بېيجىڭ ۋاقتى سائەت 20:05 ئۆتكەندە ئامېرىكىنىڭ ھازىرقى ئەڭ كۈچلۈك دېلتا تۆت ئېغىر تىپتىكى راكىتاسىغا ئوت يېقىلىپ ئالەم ئۇچقۇچىسى ئولتۇرمىغان ئورىئون يۇلتۇز تۈركۈمى فلورا شتاتىنىڭ كىلوندىيە ئالەم قاتنىشى مەركىزىدە ئاسمانغا كۆتۈرۈلگەن . تەخمىنەن تۆت سائەتتىن كېيىن ئورىئون يۇلتۇز تۈركۈمى كالىفورنىيە دېڭىز قىرغىقىنىڭ غەربىدىكى تىنىچ ئوكيان دېڭىز تەۋەلىكىگە چۈشتى .

بۇ قېتىملىق قۇيۇپ بېرىش مەشغۇلاتى ئەسلى 4-دېكابىر ئىشلەنمەكچى ئىدى ،ئەمما بىر كېمە ئويلىمىغان يەردىن راكىتا قۇيۇپ بېرىدىغان دېڭىز تەۋەلىكىگە كىرىپ قالغان ،ئۇنىڭ ئۈستىگە شامال كۈچى بەك چوڭ يەنى كېلىپ راكېتانىڭ مەلۇم بىر ياردەمچى ئىتتىرگۈچى كلاپانى نورمال ئىشلىمەسلىكتەك بىر قاتار مەسىلە تۈپەيلىدىن راكىتا قۇيۇپ بېرىش ۋاقتى 24سائەت كېچىكتۈرۈلدى .بۇ قېتىمقى سىناق ئۇچۇشقا سەرپ قىلىنغان مەبلەغ 3 مىليارد يەتتە يۈز مىليون دوللارغا يېتىدۇ .سانلىق مەلۇمات خاتىرىلەشكە 1200 ئاۋاز ئالغۇچى ئىشلىتىلگەن بۇلۇپ ئادەمسىز ئالەم كېمىسىنىڭ ئىسسىقلىق ئايرىش پاراشوت ۋە باشقا سىستېمىلىرىنىڭ ئىقتىسادىي مۆلچەرلىنىدۇ .

بۇ قېتىمقى سىناق تەرىقىسىكى ئۇچۇشقا گەرچە ئادەم سەپلەنمىگەن بولسىمۇ ئەمما ئالەم كېمىنىڭ ئىچىگە بىر قىسىم خاتىرە بۇيۇملار قاچىلانغان .مەسلەن بىر مىليون ئادەمدىن ئارتۇق كىشىنىڭ ئىسمى خاتىرلەنگەن مىكرو ئۆزەك ئاي شارى تۇپرىقىىدىن ئېلىنغان ئەۋرىشكە قاتارلىقلار .ئورىئون يۇلتۇز تۈركۈمىنىڭ كېلەر قېتىملىق ئۇچۇشى 2018-يىلىغا بېكىتىلدى .تۇنجى قېتىملىق ئادەم ئولتۇرغان ئالەم كېمىسى بولسا 2021-يىلى ئالەمگە قۇيۇپ بېرىلىدۇ .ئارقىدىن بۇ ئادەملىك كېمە ئاي شارىدىن ھالقىپ ئالدى بىلەن كىچىك سەييارىگە قونىدۇ ،ئاخىرىدا مارسقا ئۇچىدۇ ،ئەمما بۇ ئەڭ بالدۇر بولغاندىمۇ 2030-يىللىرى ئەمەلگە ئېشىشى مۇمكىن .

لەگلەك تورى ئۈندىدار سالونىنى قۇشىۋېلىڭ ئىزدەش نومۇرى :LEGLEK