14-نۆۋەتلىك جۇڭگو تور تاراتقۇلىرى مۇنبىرى 31-ئۆكتەبىر سۇجوۋ شەھىرىدە ئۆتكۈزۈلدى. دۆلەتلىك ئالاقە تورى ئۇچۇرلىرى ئىشخانىسىنىڭ مۇئاۋىن مۇدىرى رېن شيەنلياڭ مۇنبەرنىڭ باشلىنىش مۇراسىمىغا قاتناشتى ھەمدە ئاساسىي مەقسەت نۇتۇقى سۆزلىدى

خەلقئارا لىنىيەسى خەۋىرى: 14-نۆۋەتلىك جۇڭگو تور تاراتقۇلىرى مۇنبىرى 31-ئۆكتەبىر سۇجوۋ شەھىرىدە ئۆتكۈزۈلدى. بۇ نۆۋەتلىك مۇنبەر مەركەز تور بىخەتەرلىكى ۋە ئۇچۇرلاشتۇرۇش رەھبەرلىك گۇرۇپپىسى قۇرۇلغاندىن كېيىنكى جۇڭگو ئىنتېرنېت تاراتقۇلىرى ساھەسىنىڭ تۇنجى قېتىملىق يىغىلىشى ھېسابلىنىدۇ. مۇنبەردە پارتىيە 18-نۆۋەتلىك مەركىزىي كومىتېتىنىڭ 4-ئومۇمىي يىغىنىنى روھى يېتەكچى، ‹‹بىرلىشىش تەرەققىياتىنى تېزلىتىپ، يېڭىچە تاراتقۇ قۇرۇپ چىقىش›› باش تېما قىلىنىپ، ‹‹تاراتقۇلارنىڭ بىرلىشىشىنىڭ ھازىرقى يولى››، ‹‹سېفىرلاشقان دەۋردىكى تاراتقۇلارنىڭ يۈرۈشۈشى›› ۋە ‹‹بىرلىشىش روجىكىدىكى تېخنىكا يۈزلىنىشى›› قاتارلىق تېمىلاردا مۇھاكىمە ئېلىپ بېرىلدى.

دۆلەتلىك ئالاقە تورى ئۇچۇرلىرى ئىشخانىسىنىڭ مۇئاۋىن مۇدىرى رېن شيەنلياڭ مۇنبەرنىڭ باشلىنىش مۇراسىمىغا قاتناشتى ھەمدە ئاساسىي مەقسەت نۇتۇقى سۆزلىدى. جۇڭگو خەلقئارا رادىيو ئىستانسىسىنىڭ باشلىقى ۋاڭ گېڭ، سۇجوۋ شەھەرلىك پارتكومنىڭ مۇئاۋىن شۇجىسى، شەھەر باشلىقى جوۋ نەيشياڭ مۇنبەرنى ئۇيۇشتۇرغۇچى تەرەپكە ۋاكالىتەن تەبرىك سۆزى قىلدى.

مەركىزىي كومىتېت تەشۋىقات بۆلۈمى، جامائەت خەۋپسىزلىكى مىنىستىرلىقى، سانائەت ۋە ئۇچۇرلاشتۇرۇش مىنىستىرلىقى، دۆلەتلىك ئاخبارات-نەشرىيات-رادىيو-كىنو-تېلېۋىزىيە باش ئىدارىسى، جۇڭخۇا مەملىكەتلىك ئاخباراتچىلار جەمئىيىتى قاتارلىق ئالاقىدار ئورۇنلارنىڭ مەسئۇللىرى، ھەرقايسى ئۆلكە، ئاپتونوم رايون، شەھەرلەرنىڭ ئالاقە تورى ئۇچۇرلىرى ئىشخانىسى ۋە سۇجوۋ شەھەرلىك پارتكوم، شەھەرلىك ھۆكۈمەتنىڭ ئالاقىدار رەھبەرلىرى، شۇنداقلا مەركەز ۋە يەرلىكنىڭ ئاخبارات تور بېكەتلىرى، داڭلىق سودا تور بېكەتلىرى، ئىنتېرنېت كارخانىلىرىنىڭ مەسئۇللىرى ۋە ئىنتېرنېت ساھەسىدىكى مۇتەخەسسىسلەردىن بولۇپ 350 تەك كىشى مۇنبەرنىڭ باشلىنىش مۇراسىمىغا قاتناشتى.

جۇڭگو تور تاراتقۇلىرى مۇنبىرىنى دۆلەتلىك ئالاقە تورى ئۇچۇرلىرى ئىشخانىسى يېتەكچىلىك قىلغان، جۇڭخۇا مەملىكەتلىك ئاخباراتچىلار جەمئىيىتى، خەلق تورى، شىنخۇا تورى، خەلقئارا لىنىيەسى تورى قاتارلىق مەركەز ۋە يەرلىكنىڭ ئاخبارات تور بېكەتلىرى ئورتاق ئۇيۇشتۇرغان، خەلقئارا لىنىيەسى تورى بىلەن سۇجوۋ شەھەرلىك پارتكوم تەشۋىقات بۆلۈمى بىرلىكتە ئۆتكۈزۈشنى ئۈستىگە ئالغان.