ۋاڭيى تورى خەۋىرى لەگلەك تورى تەرجىمىسى .رەئىس شى جىنپىڭ جۇڭگو تەرەپنىڭ تانزانىيەگە ئېبولا يۇقۇمىغا قارشى تۇرۇش ئۈچۈن تۆتىنچى قېتىملىق ياردەم بېرىدىغانلىقىنى جاكارلىدى .شى جىنپىڭ مۇنۇلارنى كۆرسەتتى :‹ئېبولا يۇقۇمى غەربىي ئافرىقا رايونىغا داۋاملىق يامراپ ،ئافرىقا خەلقىنىڭ بىخەتەرلىكى ،ئىجتىمائىي ئىقتىسادىي تەرەققىياتى ۋە دۇنيا خەلقىنىڭ ئاممىۋى ساغلاملىقىغا تەھدىت ئېلىپ كەلدى .

ئېبولا يۇقۇمى پەيدا بولغاندىن كېيىن جۇڭگو ھۆكۈمىتى ۋە خەلق يۇقۇم رايونىدىكى خەلق يولۇققان ئوڭۇشسىزلىقلارنى ئۆزىنىڭ ئوڭۇشسىزلىقى دەپ بىلىپ ،خەلقئارا ياردەمنى ئۆزىدىن باشلاپ ،ئالاقىدار دۆلەتلەرگە ئۈچ قېتىم ياردەم بېرىپ ،جۇڭگو ئافرىقا ئوتتۇرسىدىكى ئېغىر كۈنلەردە بىللە بولىدىغان سەمىمىي دوستلۇقىنى ئەمەلىي ھەرىكىتىدە ئىپادىلىدى .

جۇڭگو ھۆكۈمىتى ئېبولا يۇقۇمىنىڭ تەرەققىياتى بىلەن يۇقۇم رايونىدىكى دۆلەتلەرنىڭ ئېھتىياجىنى كۆزدە تۇتۇپ ،تۆتىنچى قېتىم جىددىي ياردەم بېرىشنى قارار قىلدى .جۇڭگو ھۆكۈمىتى لېبىرىيە ، سېررالىئون ،گۋىنېيە قاتارلىق ئۈچ دۆلەت ۋە خەلقئارا تەشكىلاتلارغا قىممىتى 500مىلىيون يۈەنلىك ماددىي ئەشيا ۋە نەق پۇل ياردەم قىلىدۇ ۋە جۇڭگونىڭ كېسەللىكلەرنىڭ ئالدىنى ئېلىش كونترول قىلىش مۇتەخەسسىسلىرى تېخىمۇ كۆپ تىببىي خادىملارنى ئەۋەتىپ لېبىرىيەدە داۋالاش مەركىزى قۇرىدۇ .جۇڭگو ھۆكۈمىتى خەلقئارا جەمئىيەت بىلەن ئالاقىلىشىپ ھەمكارلىشىپ ،يۇقۇم رايونىدىكى دۆلەتلەرنىڭ ئېبولا يۇقۇمى ئۈستىدىن غالىپ كېلىشىگە ياردەم بېرىشنى خالايدۇ .

لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى :LEGLEK