ئالىي خەلق سوت مەھكىمىسى، ئالىي خەلق تەپتىش مەھكىمىسى بىلەن جامائەت خەۋپسىزلىكى مىنىستىرلىقى يېقىندا «زوراۋانلىق، تېررورلۇق ۋە دىنىي ئەسەبىيلىك جىنايى ئىشلار دېلولىرىنى قانۇنغا مۇۋاپىق بېجىرىش ھەققىدىكى بىر نەچچە مەسىلە توغرىسىدىكى پىكىر»نى بىرلىكتە ئېلان قىلدى، پىكىردە مۇنۇلار تەكىتلەندى: دېلونىڭ ماھىيىتىنى توغرا بېكىتىش كېرەك.

تېررورلۇق ھەرىكىتىنى تەشكىللەش ياكى تېررورلۇق ھەرىكەتلىرى بىلەن شۇغۇللىنىشنى مەقسەت قىلغان مەشىق لاگىرلىرىنى قۇرۇپ، تېررورلۇق ھەرىكىتىدە بەدەن، ماھارەت ئىقتىدارى جەھەتتىن مەشىقلەندۈرۈش قاتارلىقلار قىلمىشلار، ئۆلۈپ يېتىم پەيدا قىلغان ياكى قىلىشقا ئۇرۇنغان، جەمئىيەت تەرتىپىنى قالايمىقان قىلغان ياكى قىلىشقا ئۇرۇنغانلارنى تېررورلۇق تەشكىلاتلىرىنى تەشكىللەش، رەھبەرلىك قىلىش، قاتنىشىش جىنايىتىنى بېكىتىپ جازالاش؛ توردا دىنىي ئەسەبىيلىك، زوراۋانلىق، تېررورلۇق ئىدىيەسىنى تەرغىپ قىلىپ، تارقىتىپ، دۆلەتنى پارچىلاشقا قۇترىتىپ، دۆلەتنىڭ بىرلىكىگە بۇزغۇنچىلىق قىلغانلارنى دۆلەتنى پارچىلاشقا قۇترىتىش جىنايىتىنى بېكىتىپ جازالاش؛ مىللىي ئۆچمەنلىك، مىللىي كەمسىتىشكە قۇترىتىشتا ئەھۋالى ئېغىر بولغانلارنى مىللىي ئۆچمەنلىك، مىللىي كەمسىتىشكە قۇترىتىش جىنايىتىنى بېكىتىپ جازلاش؛ تېررورلۇق ھەرىكىتىگە تەشكىللىگەنلىكىنى بىلىپ تۇرۇپ ئۇلارنى راسخوت ۋە ئەسۋابلار بىلەن تەمىنلىگەنلەرنى تېررورلۇق ھەرىكىتىگە مەبلەغ ياردەم بېرىش جىنايىتىنى بېكىتىپ جازالاش؛ «باشقا دىن مۇخلىسى»، «دىننىڭ خائىنى» دېگەنلەرنى باھانە قىلىپ، باشقىلارنى خالىغانچە ئۇرۇپ، قوغلاپ، توسۇپ ۋە تىللاپ، جەمئىيەت تەرتىپىنى قالايمىقان قىلىپ، ئېغىر ئەھۋال سادىر قىلغانلىرىنى ئىغۋاگەرچىلىك جىنايىتىنى بېكىتىپ جازالاش كېرەك.