شاڭخەي «جىن بو» كىيىم–كىچەك زاۋۇتى مارالبېشى شۆبە زاۋۇتىدا ئىشلەۋاتقان يەرلىكتىكى يېزا ياشلىرى

ئىختىيارىي مۇخبىرىمىز تۇرغۇنجان ئىمىن خەۋىرى ، فوتوسى : مارالبېشى ناھىيەسى بۇلتۇردىن بۇيان سانائەت رايونىنىڭ ئۇل ئەسلىھە شارائىتىنى ياخشىلاش ، سودىگەر ۋە مەبلەغ جەلپ قىلىشتىكى ئېتىبار بېرىش سىياسەتلىرىنى ئەمەلىيلەشتۈرۈش سالمىقىنى ئاشۇرۇش ، ساھەلەر بويىچە ياردەم بېرىدىغان شەھەرلەردىكى كارخانىچىلارنى كۆپلەپ جەلپ قىلىش ، يەرلىكتىكى ئىش كۈتۈپ تۇرغان ياشلارنى ئىشقا ئورۇنلاشتۇرۇشنى كارخانىلارنىڭ مارالبېشىغا ماكانلىشىشىدىكى مۇھىم شەرت قىلىش ، يەرلىكتىكى ياشلارنى ئىشقا ئورۇنلاشتۇرغان كارخانىلارغا يەرلىك مالىيەدىن تولۇقلىما بېرىش قاتارلىق ئۈنۈملۈك ئۇسۇللارنى قوللانغانلىقتىن ، نۆۋەتتە سانائەت رايونىغا ماكانلاشقان كارخانا 65 تىن كۆپرەككە ، كارخانىلار ئىشقا ئورۇنلاشتۇرغان يەرلىكتىكى ئىش كۈتۈپ تۇرغان ياشلارنىڭ سانى 850 دىن كۆپرەككە يېتىپ ، ناھىيەنىڭ سانائەت ئىقتىسادى يۈكسىلىپ ، ئىشقا ئورۇنلاشتۇرۇش بېسىمى يېنىكلىدى .