خەلق تورى 9 – ئاينىڭ 2 – كۈنىدىكى خەۋىرى | لەگلەك تورى تەرجىمىسى: "كۈندىلىك پوچتا گېزىتى" نىڭ ئىتالىيە "جۇمھۇرىيەت گېزىتى" دىن نەقىل ئېلىشىچە، روسىيە زۇڭتۇڭى پۇتىن 9 – ئاينىڭ 1 – كۈنى ياۋروپا ئىتتىپاقى كومتېت رەئىسى باروزو بىلەن تېلىفۇندا كۆرۈشكەندە "ئەگەر شۇنداق قىلىشنى خالىساملا، روسىيە ئارمىيسى ئىككى ھەپتە ئىچىدە ئوكرائىنا پايتەختى كىيېۋنى ئالالايدۇ" دېگەن. يېقىندىلا ئوكرائىنا ئارمىيەسى شەرقىي قىسمىدىكى مۇھىم ئايرودۇرۇملارغا بولغان كونتروللۇقىنى يوقىتىپ قويغان. غەرب تەرەپ روسىيەنىڭ ئوكرائىنا شەرقىي قىسمىدا ئۆزىگە بېقىنما سىياسىي ھۆكۈمەت قۇرۇشنى قوللىشىدىن ئەنسىرشكە باشلىغان.

باروزو ياۋرۇپا ئىتتىپاقى ئەزا دۆلەتلىرىگە ئاشكارىلىشىچە: پۇتىن "ئوكرائىنانىڭ شەرقىي قىسمىغا روسىيە قىسىملىرى كىردىمۇ يوق؟" دېگەن سۇئالغا جاۋاب بەرگىنىدە "ئەگەر شۇنداق قىلىشنى خالىساملا، روسىيە ئارمىيسى ئىككى ھەپتە ئىچىدە ئوكرائىنا پايتەختى كىيېۋنى ئالالايدۇ" دېگەندەك ئىپادە بىلدۈرگەن. گېرمانىيە زۇڭلىسى موكېر بۇنىڭغا قارىتا: پۇتىن ئۇ "پۈتۈنلەي چۈشەنگىلى بولمايدىغان بىر شەخىس" دەپ ئىپادە بىلدۈرگەن. ئەنگىلىيە باش ۋەزىرى كامېرون روسىيەنىڭ ئوكرائىنانى پۈتۈنلەي بېسىۋىلىشىغا قاراپ تۇرۇشقا قەتئىي بولمايدىغانلىقى، ئۇنداق بولمىغاندا، ئىككىنچى دۇنيا ئۇرۇشىدىكى "تىنىچلاندۇرۇش سىياسىتى"نىڭ تىراگىدىيەسى قايتا تەكرارلىنىدىغانلىقى ھەققىدە ئىپادە بىلدۈرگەن.

يېقىنقى بىر نەچچە كۈن ئىچىدە، ئوكرائىنانىڭ شەرقىي قىسمىدىكى خەلق قوراللىق كۈچلىرى ئايرودروملاردا ھۆكۈمەت ئارمىيەسىنى ئۈزلۈكسىز مەغلۇپ قىلىپ، نۇرغۇن زېمىنلارنى ئىگەللىۋالغان. ئوكرائىنا تەرەپنىڭ ئىپادىسىچە، بۇلار پۈتۈنلەي روسىيەنىڭ نۇرغۇن ئەسكىرى كۈچ(تەخمىنەن 1600 ئادەم) ، تانكا ۋە ئىغىر تىپلىق قوراللارنى ئوكرائىنا شەرقىي قىسمىغا كىرگۈزگەنلىكتىن كېلىپ چىققان. گەرچە روسىيە تەرەپ بۇ قىلمىشلارنى قەتئىي رەت قىلغان بولسىمۇ، بىراق ياۋرۇ ئىتتىپاقنىڭ جىددىي ئىقتىسادىي جەھەتتىن جازالاش بېسىمىغا ئۇچىرىغان.

روسىيە ھۆكۈمىتى ۋە چېگىرا ئىچىدىكى روسىيەگە مايىل قوراللىق كۈچلەرنىڭ بېىسىمى ئاستىدا، ئوكرائىنا شىمالىي ئاتلانتىك ئەھدى تەشكىلاتىغا كىرىش ھەققىدە جىددى ئىزدىنىپ، قوغىنىش تەلەپ قىلىدىغانلىقىنى بىلدۈرگەن. پۇتىن بولسا كەسكىن تەلەپپۇزدا :"روسىيە كۈچلۈك يادرو قورال دۆلىتى، ئەڭ ياخشىسى بىزگە چىقىلماڭلار" دېگەن. نۆۋەتتە 7 دۆلەتتىن تەركىب تاپقان شىمالىي ئاتلانتىك ئەھدى تەشكىلاتى كۆلىمى تۈمەن كىشىدىن كۆپ بولغان، جىددى ئۈنۈم بېرىدىغان بىرلەشمە قىسىم تەشكىللەيدىغانلىقىنى بىلدۈرگەن.