شىنخۇا تورى 7-ئاينىڭ 31-كۈنى خەۋەر قىلىدۇ: ئىسرائىلىيە دۆلەت مۇداپىئە مىنىستىرلىكىنىڭ باياناتچىسى 7-ئاينىڭ 30-كۈنىدىكى باياناتىدا، غەززەگە قاراتقان ھەربىي ھەرىكىتىدە 30-ئىيۇل يەنە 3 ئەسكىرىنىڭ ئۆلگەنلىكىنى جەزىملەشتۈردى.
باياناتتا 30-ئىيۇلدىكى ھەرىكەتتە 3 ئىسرائىلىيە ئەسكىرى غەززەنىڭ جەنۇبىدىكى خاماسنىڭ مەخپىي لەخمىسىنىڭ كىرىش ئېغىزىنى بايقىغاندا بومبا پارتلاپ ئۆلگەنلىكىنى ئېيتتى. بۇ لەخمە ئېغىزى بىر تۇرالغۇ ئىچىگە جايلاشقان، كىرىش ئېغىزىغا يېقىن جايدا ئىككى مىنا ئورۇنلاشتۇرۇلغان. بۇنىڭدىن سىرت، شۇ كۈندىكى نەچچە مەيدان توقۇنۇشتا 27 ئەسكەر يارىدار بولدى.
ئىسرائىلىيە ئارمىيىسى غەززەگە ھۇجۇم باشلىغاندىن بۇيان، ئىسرائىلىيەنىڭ 59 ئادىمى ئۆلدى، ئۇلارنىڭ 56 نەپىرى ئەسكەر، 2 نەپىرى پۇقرا ۋە بىر نەپىرى تايلاندلىق ئىشچى.