شىنخۇا تورى 19- مارت خەۋىرى: باغداش تورىدىن: ئابلىمىت تەرجىمىسى

بىر كىچىك تىپتىكى ئايروپىلان 19- مارت چۈشتىن كېيىن برازىلىيەدىكى ئەڭ چوڭ شەھەر سان پاۋلۇنىڭ شىمالىي قىسىمىدا چۈشۈپ كېتىپ، ئايروپىلاندىكى 7 ئادەمنىڭ ھەممىسى قازا قىلغان.

برازىلىيە تاراتقۇلىرىنىڭ خەۋىرىگە قارىغاندا، CA-9 تىپلىق بىر ئايروپىلان شۇ كۈنى سان پاۋلۇ شەھىرى ئىچىدىكى كامپېدىمارت ئايرودرومىدىن ئۇچۇپ ئۇزۇن ئۆتمەيلا شۇ ئەتراپتىكى ئاھالىلەر ئولتۇراق رايونىغا چۈشۈپ كېتىپ، بىر ئۇچقۇچى ۋە ئايروپىلاندىكى ئالتە يولۇچىنىڭ قازا قىلىشىنى كەلتۈرۈپ چىقارغان. ۋەقەدە يەنە يەردىكى ئىككى قەۋەتلىك بىر بىنا ۋەيران بولۇپ، بىر ئادەم يارىلانغان.

برازىلىيە خەلق ئاۋىئاتسىيە ئىدارىسىنىڭ ماتېرىياللىرىدا كۆرستىلىشىچە، بۇ ئايروپىلان برازىلىيەدىكى كانچىلىق ماگىناتى لورى ئاگىنىلنىڭ ئىكەن. بەزى خەۋەرلەردە ئېيتىلىشىچە، قازا قىلغۇچىلار ئىچىدە ئاگىنىل، ئۇنىڭ ئايالى ۋە ئوغلىمۇ بار ئىكەن. ئەمما ھۆكۈمەت تەرەپ بۇ ئۇچۇرنىڭ راستلىقىنى دەلىللىمىگەن.