بىرلەشكەن دۆلەتلەر تەشكىلاتىنىڭ باش كاتىپى بانكىمون 4- فىۋرال ئىپادە بىلدۈرۈپ: يېڭى بىر نۆۋەتلىك سۇرىيە جەنۋە تىنچلىق سۆھبىتىنىڭ ۋاقىتلىق توختاپ قېلىشى تىنچلىق سۆھبىتىگە قاتناشقا ھەر قايسى تەرەپلەر ئوتتۇرسىدا چوڭقۇر ئىختىلاپ بارلىقىنى كۆرسىتىپ بېرىدۇ. ئۇ ھەر قايسى تەرەپلەرنى سۆھبەت ئۈستىلىگە قايتىپ كېلىشكە دەۋەت قىلدى.

       بانكىمون 4- قېتىملىق سۇرىيەگە ئىنسانپەرۋەرلىك ياردىمى بېرىش يىغىنىدا تەبرىك سۆزى قىلىپ مۇنۇلارنى بىلدۈرگەن: تىنچلىق سۆھبىتى ئىنسانپەرۋەرلىك ياردىم بىلەن تەمىنلەش لىنيىسىنىڭ ئىزچىل كەمچىل بولۇشى، سۈرىيەدىكى ھاۋا ھۇجۇمى ۋە ھەربىي ھەرىكەتنىڭ كۈچىيىشى سەۋەبىدىن ئۈزۈلۈپ قالدى، بۇ ئىش كىشىنى ھەقىقەتەن ئەندىشىگە سالىدۇ.

        بانكىمون يەنە خەلقئارا جەمئىيەت سۈرىيە كرىزىسىنى ئاخىرلاشتۇرمىغانلىق مەسئۇلىيىتىنى زىممىسىگە ئېلىش كېرەك، دېگەن. ئۇ يەنە بىرلەشكەن دۆلەتلەر تەشكىلاتى خەۋپسىزلىك كېڭىشى ۋە سۇرىيەنى خەلقئارالىق قوللاش تەشكىلاتى قاتارلىقلارنى سۆھبەتكە قاتنىشىۋاتقان ھەر قايسى تەەپلەرگە بېسىم ئىشلىتىپ، ئۇلاردىن سۇرىيەنىڭ كەلگۈسى توغرىسىدا ئەستايىدىل گەپ قىلىشنى تەلەپ قىلىشقا دەۋەت قىلغان.