فىرانسىيە تاراتقۇلىرىنىڭ خەۋىرىگە قارىغاندا، فىرانسىيەدىكى ئوقۇتقۇچىلار، تاكسى شوپۇرلىرى ۋە ئاۋىياتسىيە باشقۇرغۇچى خادىملىرى قاتارلىقلار 26-يانۋار كەڭ كۆلەمدە ئىش تاشلايدىكەن. %20 نۆۋەتچى ئايروپىلان ئىش تاشلاشنىڭ تەسىرىگە ئۇچرايدىكەن. ئىش تاشلىغۇچىلار ئاساسلىقى مائارىپ مىنىستىرلىقى باشلىقنىڭ ئوتتۇرا مەكتەپ ئىسلاھات لايىھەسىگە قارشى تۇرۇپ، ئىش ھەققىنى ئۆستۈرۈش ۋە ئىش ئورنىغا كاپالەتلىك قىلىشنى تەلەپ قىلغان. 

   1-ئاينىڭ 26-كۈنى فىرانسىيەدىكى ئوتتۇرا-باشلانغۇچ مەكتەپ ئوقۇتقۇچىلىرى، ئاۋىياتسىيە باشقۇرغۇچى خادىملىرى ۋە تاكسى شوپۇر ئىش تاشلايدىكەن. ئۈچتىن بىر قىسىم ئوقۇتقۇچىلار، جۈملىدىن پۈتۈن فىرانسىيەدىكى تەخمىنەن 100 مىڭ ئوتتۇرا-باشلانغۇچ مەكتەپ ئوقۇتقۇچىلىرى 26-يانۋار ئىش تاشلىماقچى بولغان. باشلانغۇچ مەكتەپ ئوقۇتقۇچىلىرىنىڭ ئاساسلىق شىكايىتى بولسا ئىش ھەققى ۋە تەمىناتنى ئۆستۈرۈپ، ئوتتۇرا مەكتەپ ئوقۇتقۇچىلىرى بىلەن ئوخشاش تەمىناتتىن بەھرىمەن بولۇش، ئۆزىنىڭ سېتىۋېلىش كۈچىنى يۇقىرى كۆتۈرۈش بولغان.

     شۇنىڭ بىلەن بىر ۋاقىتتا قىسمەن ئوتتۇرا مەكتەپ ئوقۇتقۇچىلىرىمۇ ئىش تاشلىغان بولۇپ، ئۇلار فىرانسىيە مائارىپ مىنىستىرلىقى Najat Vallaud Belkacem ئوتتۇرىغا چىقارغان ئوتتۇرا مەكتەپ مائارىپى ئىسلاھاتىغا نارازى بولغان بولۇپ، فىرانسىيە مائارىپ مىنىستىرلىكىدىن بۇ يىل 9-ئايدىكى يېڭى ئوقۇش مەۋسۇمى دەرسلىكى ھەققىدە قايتا ئويلىنىشنى تەلەپ قىلدىكەن.

پارىژدا ئىش تاشلىغان ئوقۇتقۇچىلار شۇ جاي ۋاقتى چۈشتىن كېيىن يېرىم تۈگۈن ھالەتتە تىزىلىپ ئۇدا نامايىش قىلىپ فىرانسىيە مائارىپ مىنىستىرلىكى ئالدىغا بارىدىكەن.

بۇنىڭدىن باشقا يەنە، فىرانسىيە ئاۋىياتسىيە باشقۇرغۇچى خادىملىرىمۇ 26-يانۋار ئىش تاشلاپ، ئىش ھەققى تەمىناتىغا كاپالەتلىك قىلىشنى تەلەپ قىلىپ، يېقىنقى يىللاردىن بويان ئۈزلۈكسىز ئاشقان ئىشتىن بوشىتىش قاتارلىقلارغا قارشى تۇرىدىكەن. ئون يىلغا يەتمىگەن ۋاقىت ئىچىدە، ئاۋىياتسىيە ساھەسىدە 1000 ئىش ئورنى يوقاپ كەتكەن.

دەسلەپكى باسقۇچلۇق ئىستاتىستىكىغا ئاساسلانغاندا، ئىش تاشلايدىغان ئادەم سانى %20 نى ئىگەللەيدىكەن. فىرانسىيە ئاۋىياتسىيەسى مۇنۇلارنى بىلدۈرگەن: نۆۋەتچى ئايروپىلان تەسىرگە ئۇچرىمايدۇ. ئەمما ياۋروپادىكى نۆۋەتلىك ئايروپىلان تەسىرگە ئۇچرايدىغان بولۇپ، %80 نۆۋەتلىك ئايروپىلاننىڭ نورمال يۈرۈشىگە كاپالەتلىك قىلىنىدۇ. بۇنىڭدىن باشقا، تاكسى شوپۇرلىرىمۇ ئىش تاشلاشقا قاتنىشىدىغانلىقى ئۈچۈن قاتناشقا تەسىر يېتىدىكەن.