2016-يىلى 25-يانۋار مەلۇم تورداشنىڭ ئېلان قىلغان يازمىسىدا دېيىلىشىچە، جياڭسۇ دەنياڭ شەھىرىدە ئۈچ ياشلىق بوۋاققا جيېپەي بازىرى دوختۇرخانىسىدا ئاسما ئوكۇل ئۇرغاندىن كېيىن ئۆلۈپ قالغان. يازمىغا يەنە فىلىم قىستۇرۇلغان بولۇپ، دېيىلىشچە ئالاھىدە ساقچى خادىملىرى بوۋاقنىڭ جەسىتىنى تالىشىپ دادىنى ئۇرۇپ يارىلاندۇرغان. دەنياڭ شەھەرلىك سەھىيە مەركىزىنىڭ باياناتىدا دېيىلىشىچە، بۇ بوۋاق كاناي ياللۇغى سەۋەبلىك دوختۇرخانىغا كىرىپ قالغان بولۇپ، تېرىگە ئوكۇل سىنىقى قىلغاندىن كېيىن ئوكۇل ماسلاشماي، ئاقىۋەتتە جىددىي قۇتقۇزۇش ئۈنۈم بەرمەي جان ئۈزگەن. دەسلەپكى قەدەمدە تەكشۈرۈلۈشىچە رېئاكسىيە خاراكتېرلىك شوك ئالامىتى كەلتۈرۈپ چىقارغان بولۇپ، دەنياڭ جامائەت خەۋپسىزلىكى باياناتىدا «بوۋاقنىڭ ئۆلۈم سەۋەبىنى تەكشۈرۈپ، پاكىتنى مۇقىملاشتۇرۇش ئۈچۈن بوۋاقنىڭ جەسىتىنى ۋاقتىنچە دەپنە ئىشلىرىنى باشقۇرۇش ئورنىدا ساقلاپ تۇرۇشنى تەلەپ قىلغان، بىراق جەسەتنى يۆتكەشكە تەييارلىنىۋاتقاندا ئائىلە-تاۋابىئاتلىرى بۇنىڭغا توسقۇنلۇق قىلغان» دېگەن.

         فىلىم باشلىنىشى بىلەن، ئىككى ئائىلە-تاۋابىئاتى يىغا-زار قىلغىنىچە بوۋاققا كىيىم كىيدۈرۈۋاتقان بولۇپ، كېسەل ئۆيىنىڭ ئىشىكىنى بىر قانچە ئائىلە-تاۋابىئاتلىرى توسۇۋالغان. بۇ چاغدا، سىرتتىن «ئالاھىدە ۋەزىپىلىك ساقچى» فورمىسى كىيگەن ساقچى خادىملىرى كىرىپ كەلگەن ۋە ئائىلە-تاۋابىئاتلىرىنىڭ توسۇۋېلىشىغا قارىماي كېسەل ئۆيىگە بۆسۈپ كىرگەن. فىلىمدە كۆرۈنىشىچە ئالاھىدە ۋەزىپىلىك ساقچى خادىملار ناسىلكا كۆتۈرۈپ كىرگەن بولۇپ، بۇ جەرياندا ئىككە تەرەپ ئارىسىدا جىسمانىي ئۇچرىشىش بولغان. باياناتتا دېيىلىشىچە، بۈگۈن ئەتىگەن سائەت 8:00 دە، بوۋاقنىڭ ئائىلە-تاۋابىئاتلىرى جيېپەي دوختۇرخانىسىنىڭ قوروسىدىلا گۈل چەمبىرەك تىزىپ، قەرغەز پۇل كۆيدۈرۈپ مەزكۇر دوختۇرخانىنىڭ نورمال تەرتىپىنى ئېغىر دەرىجىدە بۇزغاچقا ساقچى تەرەپ بۇ ئىشنى بىر تەرەپ قىلغان. ئارقىدىن، ساقچى تەرەپنىڭ ئىدىيە خىزمىتى نەتىجىسىدە ئائىلە-تاۋابىئاتلىرى تەشەببۇسكارلىق بىلەن ماسلىشىپ جەسەتنى دەپبە ئىشلىرىنى باشقۇرۇش ئورنىغا يۆتكىگەن.

    دەنياڭ شەھەرلىك سەھىيە مەركىزىنىڭ ئورگان نومۇرىدا بايانات ئېلان قىلىشىچە «ئۆلگەن بوۋاق شاۋساۋ بۇ يىل ئۈچ ياشقا كىرگەن بولۇپ، تۈنۈگۈن چۈشتىن كېيىن سائەت 4:08 لەردە جيېپەي بازىرى دوختۇرخانىسىىدا تەكشۈرۈلگەندىن كېيىن «كاناي ياللۇغى» كىلىنلىكىلىق دىئاگنوزى قويۇلغان. ئارقىدىن تېرىگە ئوكۇل سىنىقى قىلغاندىن كېيىن ئوكۇل ماسلاشماي، ئاقىۋەتتە جىددىي قۇتقۇزۇش ئۈنۈم بەرمەي جان ئۈزگەن» دېيىلگەن.

     باياناتتا دېيىلىشىچە، ۋەقە يۈز بەرگەندىن كېيىن مەزكۇر دوختۇرخانا بىرىنچى بولۇپ يۇقىرى ئورۇنلارغا ۋە ناھىيىلىك ھۆكۈمەتكە دوكلات قىلىپ، دوختۇرخانا ئىچىدە مەزكۇر ۋەقە توغرىسىدا مۇھاكىمە قىلغان. باياناتتا يەنە «شۇنىڭ بىلەن بىرگە، دۆلەت قانۇنىغا ئاساسەن، بۇ قېتىملىق داۋالاش ماجراسى خەلق مۇرەئەسسە ئاپپاراتلىرى ياكى سوت مەھكىمىسى بىر تەرەپ قىلىدۇ» دېيىلگەن، ھازىرچە بۇ دېلو داۋاملىق تەكشۈرۈلمەكتە.