رەسىمدە: پاكىستاننىڭ سابىق زۇڭتۇڭى مۇشەررەفنىڭ قوللىغۇچىلىرى مۇشەررەفنىڭ رەسىمىنى كۆتۈرۈپ تەبرىكلىمەكتە.

    فرانسىيە ئاخبارات ئاگېنتلىقىنىڭ خەۋىرىگە قارىغاندا، پاكىستان سوتى شۇ يەر ۋاقتى 18-يانۋار مەزكۇر دۆلەتنىڭ سابىق زۇڭتۇڭى مۇشەررەفنى، 2006-يىلىدىكى قەستلەپ ئۆلتۈرۈش دېلوسىدا گۇناھسىز دەپ ھۆكۈم قىلغان. خەۋەردە ئېيتىلىشىچە، مۇشەررەفنىڭ ئادۋۇكاتى شۇ كۈنى ھۆكۈم قىلىنغان دېلونىڭ مۇشەررەفكە قارىتىلغان ئۈچ تۈرلۈك ئەيىبلەشنىڭ ئىچىدىكى بىرسى ئىكەنلىكىنى بىلدۈرگەن.

       بۇنىڭدىن ئىلگىرى ئۇ 2007-يىلىدىكى بىر دىنىي داھىينى قەستلەپ ئۆلتۈرۈشكە چېتىشلىق دەپ گۇمان قىلىنىپ، شۇ يەر ۋاقتى 2015-يىلى 19-ئىيۇن قولغا ئېلىنغان. مۇشەررەف 2008-يىلى ئاۋغۇستتا زۇڭتۇڭلۇق ۋەزىپىسىدىن ئىستېپا بەرگەن، 2009-يىلىدىن باشلاپ «ئۆزلۈكىدىن سەرگەردان بولۇپ» ئەنگلىيەدە ئولتۇراقلاشقان. 2013-يىلى مارتتا چوڭ سايلامغا قاتنىشىش مەقسىتىدە پاكىستانغا قايتىپ كەلگەن، لېكىن سوت سايلامغا قاتنىشىشىنى چەكلىگەن. شۇ يىلى ئاپرېلدا مۇشەررەف ئۈچ دېلوغا چېتىلىپ قالغانلىقتىن نەزەربەنت قىلىنىپ، شۇ يىلى 6-نويابىر قويۇپ بېرىلگەن.