ئامېرىكا تاراتقۇلىرىنىڭ 12 – يانۋار خەۋەر قىلىشىچە، چاۋشيەننىڭ ئېيتىشىچە، ئۇلار بىر ئامېرىكىلىقنى قاماپ قويغان. ئامېرىكا سىملىق تېلېۋىزىيە ئاخبارات تورى (CNN) نىڭ 11 – چىسلا خەۋەر قىلىشىچە، چاۋشيەن پيۇڭياڭدىكى بىر رېستوراندا، ئاشۇ تۈرمىگە قامالغان ئامېرىكا پۇقراسى جىندۇڭجۇنى زىيارەت قىلىشقا ئالاھىدە ئىجازەت قىلغان. ئامېرىكا دۆلەت ئىشلىرى مەھكىمىسى جىندۇڭجۇ دېلوسى توغرىسىدا ھېچقانداق بايانات ئېلان قىلمىغان، بۇ دېلو توغرىلىق بولۇنغان ھەر قانداق گەپ سۆز بەلكىم بۇ كىشىنى قۇتقۇزۇش ھەرىكىتى ئۈچۈن كۆرسەتكەن تىرىشچانلىقىمىزغا تەسىر يەتكۈزىدۇ دەپ قارىغان.

      خەۋەرگە قارىغاندا، چاۋشيەن تەرەپنىڭ ئېيتىشىچە، جىندۇڭجۇ ئەسلىدە ئامېرىكا پايتەختى ۋاشىنگتوندا ئولتۇرۇشلۇق ۋىرگىنىيە شىتاتلىق پۇقرا ئىكەن، چاۋشيەن لوشيەن ئىقتىسادىي ئالاھىدە رايونىدا كورىيە ئۈچۈن جاسۇسلۇق قىلىۋاتقاندا تۇتۇلغان. زىيارەتنى قوبۇل قىلغان ۋاقىتتا، جىندۇڭجۇ ئىككى كىشى تەرىپىدىن يالاپ ئېلىپ كېلىنگەن. پۈتكۈل زىيارەت داۋامىدا چاۋشيەنلىك ئەمەلدارلار باشتىن ئاخىر نەق مەيداندا تۇرغان. جىندۇڭجۇ ئۆزىنىڭ «كورىيە كونسېرۋاتىپلىرى» ئۈچۈن چاۋشيەندىن ئاخبارات ئوغرىلىغان قىلمىشىنى بوينىغا ئالغان، ھەمدە  ئۇنىڭ گەپ سۆزلىرىنى چاۋشيەن دائىرىلىرى ئۇنىڭغا ئالدىنئالا تۈزۈپ بەرمىگەنلىكىنى ئەسكەرتكەن.

      جىندۇڭجۇنى زىيارەت قىلىشتىن بۇرۇن چاۋشيەن 9 – چىسلا CNN نىڭ چاۋشيەندە قاماقلىق كانادا پۇقراسى لىنشۈەنجۇنى زىيارەت قىلىشىغا ئىجازەت بەرگەن. خەۋەردە چاۋشيەن تەرەپ «ئاغدۇرمىچىلىق جىنايىتى» بىلەن لىنشۈەنجۇنى مۇددەتسىز قاماققا ئالغان دېيىلگەن.