بېيجىڭ ۋاقتى 1-ئاينىڭ 12-كۈنى سەھەر سائەت 1:30 ئۆتكەندە، 2015-يىللىق خەلقئارا پۇتبول بىرلەشمىسى مۇكاپات تارقىتىش مۇراسىمى سيۇرىخدا ئۆتكۈزۈلدى. بارسىلونانىڭ داڭدار توپچىسى مىسسى كىرىستىيانو رونالدو بىلەن نېيمارنى بېسىپ چۈشۈپ، 2015-يىللىق «ئالتۇن توپ مۇكاپاتى» غا ئېرىشتى. ئۇنىڭدىن سىرت، دۇنيا بويىچە ئەڭ مۇنەۋۋەر سەپ شەكلىمۇ ئېلان قىلىنغان بولۇپ، بارسىلونا ۋە خان مادرىتتىن 4 دىن، بايرىن مۇنىخىي، يۇۋىنتۇس، پارىژ سان گېرمان قاتارلىق كۇلۇبلاردىن 1 دىن پۇتبولچى بۇ سەپ شەكلىگە تاللىنالىغان.

     بۇ قېتىملىق بېلەت تاشلاشقا دۇنيا كەسپىي پۇتبولچىلار ئىشچىلار ئۇيۇشمىسىدىكى تەخمىنەن 52 مىڭ ئەزا قاتناشقان بولۇپ، 4-3-3 سەپ شەكلى ئاساس قىلىنىپ بېلەت تاشلانغان.

       داڭلىق پۇتبولچى، «قاپلان» ئېتو بۇ 11 نەپەر مۇنەۋۋەر توپچىغا مۇكاپات تارقاتتى. يىللىق ئەڭ مۇنەۋۋەر 11 نەپەر پۇتبولچى تۆۋەندىگىچە:

نويىر/ مارسىلو، راموس، دىياگو سىلۋا، دانى ئارۋىس/ مودرىچ، پوگبا، ئىنىستا/ مىسسى، كىرىستىيانو رونالدو، نېيمار.