12-ئاينىڭ 28-كۈنى، گۇاڭدۇڭ ئۆلكىسى جىياڭمېن شەھىرى، شەھەر ئاھالىلىرىنىڭ مۇخبىرغا ئاشكارىلىشىچە، جىياڭمېن شەھىرى پېڭجىياڭ رايونى جىياڭخۇا يولى جۇپەي كوچىسىغا جايلاشقان سانائەت باغچىسىدىغا بىرەيلەن ئون نەچچە دانە گۈلچەمبىرەك تىزىپ قويغان بولۇپ، كىشىلەرنىڭ پەرىزىچە، بىر ئايال بۇ گۈلچەمبىرەكلەرنى  سانائەت رايونىدا باشقىلار ئۇرۇپ ئۆلتۈرۈۋەتكەن ئەرمەك ئىتىنى ياد ئېتىش ئۈچۈن قويغان بولۇشى مۇمكىن ئىكەن.

      مۇخبىر نەق مەيدانغا بېرىپ، جۇپەي كوچىسى سانائەت رايونىدىكى مەلۇم بىر زاۋۇت دەرۋازىسى ئالدىدىكى كارىدورنىڭ ئىككى تەرىپىگە ئاپئاق گۈلچەمبىرەكلەرنىڭ تىزىپ قويۇلغانلىقىنى، يان تەرەپتىكى كارىدورغىمۇ يەنە نەچچە ئون دانە گۈلچەمبىرەك ۋە گۈللەرنىڭ قويۇپ قويۇلغانلىقىنى، نەق مەيداندىكى ئىككى مىسىرالىق تەزىيەنامىگە < Bobi> ئىسىملىك بىر ئىتقا تەزىيە بىلدۈرۈلىدىغانلىقى شۇنداقلا بۇ ئىتنىڭ ئۆزىگە نەچچە يىلدىن بېرى ھەمراھ بولۇپ كېلىۋاتقانلىقىغا مىننەتدارلىق بىلدۈرىدىغانلىقىغا ئالاقىدار خەتلەر يېزىلغانلىقىنى كۆرگەن. زاۋۇت بىناسىنىڭ ئۈستىگە يەنە ئاق رەخت ئارتىپ قويۇلغان بولۇپ، ئىتنىڭ ئىگىسى ئەرمەك ئىتىنىڭ بالدۇرراق <جەننەت> كە كىرىشىنى ئۈمىد قىلىدىغانلىقىنى بىلدۈرۈش بىلەن بىللە، يەنە ئەرمەك ئىتىنى ئۇرۇپ ئۆلتۈرۈۋەتكۈچى ئۈستىدىن شىكايەت قىلىپ، ئۇنى قارغىغانلىقى يېزىلغانىدى.

     بۇ ئايالنىڭ فامىلىسى يې بولۇپ، بۇ ئىككى ئايال ئىلگىرى مۇشۇ يەردىكى زاۋۇت بىناسىدا ئىككى يىلدەك ئۆي ئىجارە ئېلىپ ئولتۇرغان ھەم يېقىندا بۇ يەردىن كۆچۈپ كەتكەنىدى. يې خانىمنىڭ ئېيتىشىچە، ئۇ باشقىلار تەرىپىدىن ئۇرۇپ ئۆلتۈرۈۋىتىلگەن Bobi ئىسىملىك بۇ ئىتنى تۆت يىل بۇرۇن بېقىۋالغان بولۇپ، بۇ ئىتقا مېھرى چوڭقۇر ئىكەن. بۇنىڭدىن بىر ھەپتە ئىلگىرى، يې خانىم شىياڭگاڭغا كوماندىروپكىغا چىقىپ كەتكەن بولۇپ، ئۆيدە قالغان Bobi ئىسىملىك ئەرمەك ئىتى ئۆيدىن قېچىپ چىقىپ، ئىلگىرى ئۆزلىرى تۇرغان بۇ زاۋۇت قوراسىدىكى ئۆيگە قايتىپ كەلگەن، لېكىن Bobi ئىسىملىك ئىت زاۋۇت قوراسىدا بىر ئىشچى تەرىپىدىن رەھىمسىزلەرچە ئۇرۇپ ئۆلتۈرۈۋىتىلگەن.

     يې خانىمنىڭ ئېيتىشىچە، ئۇ بۇ يەردىكى زاۋۇت قوراسىدا ئىجارە ئولتۇرغان ئىككى يىلدىن بېرى باشقا كىشىلەر بىلەن ئارازلىشىپ قالمىغان بولۇپ، پەقەت بىر قېتىم ئۆيىدىن سۇ ئۆتۈپ كەتكەنلىكى ئۈچۈن، ئۆز ئۆيىنىڭ ئاستىنقى قەۋىتىدە ئولتۇرۇشلۇق بىرەيلەن تەرىپىدىن شىكايەت قىلىنغان، لېكىن يې خانىم دەرھال ئادەم چاقىرىپ كېلىپ سۇ ئېقىپ كېتىش مەسلىسىنى رىمونت قىلىپ ھەل قىلغانىكەن. ئۇنىڭدىن باشقا يەنە بىر قېتىم، Bobi ئىسىملىك ئىت ھېلىقى ئىشچىنىڭ ئىتىنىڭ ئۈستىگە يامىشىۋالغانلىقى ئۈچۈن، بۇ ئىشچىنىڭ قاتتىق كايىشىغا ئۇچرىغان ئىكەن. پەقەت مۇشۇنداق كىچىككىنە زىددىيەت تۈپەيلىدىن، ئۆزىنىڭ ئەرمەك ئىتىغا زەھەرلىك قول سېلىپ، ئىتنى رەھىمسىزلەرچە ئۇرۇپ ئۆلتۈرۈۋېتىشتەك بۇ ئىش يې خانىمنىڭ كاللىسىدىن ئۆتمىگەن.

     مەزكۇر زاۋۇت قوراسىنىڭ يېنىدىكى بىر ئىدارىدە ئىشلەيدىغان جوۋ ئەپەندى ئىپادە بىلدۈرۈپ مۇنداق دېدى:< ئۇ (يەنە يې خانىمنى دېمەكچى) بۇ يەرگە ئۇدا بىر ھەپتە كەلدى، ھەر قېتىم قولىدا گۈل كۆتۈرۈپ كېلىدۇ، ئۇ يەنە بۇ يەرگە كېلىپ ئەرمەك ئىتىغا نەزىر-چىراغ قىلىپ، نوم ئوقۇيدۇ، ھەتتا بىر قېتىم بالىسىنى ئېلىپ كېلىپ بۇ يەردە نوم ئوقۇدى، مەن بۇ ئايالنىڭ ناھايىتى ئاق كۆڭۈل ئىكەنلىكىنى بىلدىم، لېكىن بۇنداق قىلسا باشقىلارنىڭ تۇرمۇشىغا تەسىر يەتكۈزۈپ قويىدۇ، ھەتتا كىچىك بالىلارغا بولغان تەسىرىمۇ ياخشى بولمايدۇ، مەن ھازىر ئىدارىگە ئىشقا بېرىشقىمۇ جۈرئەت قىلالماس بولۇپ قالدىم>.