يېقىندا شوپۇر جاڭ ئۇستام  قاتناش قائىدىسىگە خىلاپ قىلمىشىنى بىر تەرەپ قىلماقچى بولغان، بىراق  جاڭ ئۇستامنىڭ كىملىكىنىڭ ماگىنىتى يوقاپ كەتكەچكە، مەسىلىنى ھەل قىلىشقا ئامال بولمىغان.ئىگىلىنىشىچە، ھازىر شوپۇرلار قاتناش قائىدىسىگە خىلاپ قىلمىشنى بىر تەرەپ قىلىش ئۈچۈن چوقۇم پىراۋا، ئاپتوموبىلنىڭ يۈرۈش كىنىشكىسى، كىملىكى قاتارلىقلارنى ئېلىپ بېرىپ، مەسىلىنى بىر تەرەپ قىلىدىكەن، بۇنىڭدىكى مەقسەت نومۇرنى قانۇنسىز سېتىش - سېتىۋېلىش قىلمىشىغا زەربە بېرىش ئۈچۈن ئىكەن.

     شۇڭا كىملىكى ماگنىتسىزلىنىپ قالسا، قاتناش قائىدىسىگە خىلاپلىق قىلغانلىق مەسىلىسىنى ھەل قىلغىلى بولمايدىكەن. قاتناش ساقچىلىرى بۇ ھەقتە مۇنداق ئەسكەرتىدۇ: شوپۇرلار قاتناش قائىدىسىگە خىلاپ قىلمىشنى بىر تەرەپ قىلىشتىن بۇرۇن ساقچىخانا، مەھەللە ئاھالە كومىتېتى، بانكا قاتارلىق ئورۇنلارغا بېرىپ، كىملىكىنىڭ ماگنىتىنىڭ قانداق ئىكەنلىكىنى تەكشۈرۈتسە بولىدىكەن، ئەگەر ماگنىتسىزلىنىپ قالسا دەرھال ج خ ئورۇنلىرىغا بېرىپ كىملىكىنى ئالماشتۇرۇشى لازىم. ئادەتتە كىملىكىنى بانكا كارتىسى، يان تېلېفون، ئاچقۇچ بىلەن بىللە قويماسلىقى، توڭلاتقۇ، مىكرو دولقۇنلۇق ئوچاق قاتارلىق نەرسىلەرگە يېقىن جايدا قويماسلىقى لازىم.