20-دېكابىر شىنجاڭ سۈنئىي ھەمراھ قانىلىنىڭ ‹‹چۈمبىلىڭنى قايرىۋەت›› پىروگرامما گۇرۇپپىسى تەڭرىتاغ چوڭ جىلغىسى مەنزىرە رايونىدا 13-نۆۋەتلىك مەملىكەتلىك قىشلىق تەنھەرىكەت مۇسابىقىسى باشلىنىدىغانغا 30 كۈن قالغاندا ئالاھىدە سان سۈپىتىدە ‹‹قار-مۇزدىكى قايناق ھېسسىياتىمىز بىلەن قىشلىق تەنھەرىكەت مۇسابىقىسىنى قوللايلى!›› پائالىيىتىنى قانات يايدۇردى.    بۇ قېتىملىق پائالىيەتكە داڭلىق ناخشىچى روزى ھامۇت، دەلىلقان، ئېرفان، ئەنۋەر، جاۋ دۇڭشياۋ، ۋاڭ گۇاڭيۈن، گاۋ ئاڭ، چېڭ چۇيۈ، خاسقىن، جيا چيەنچيەن قاتارلىقلار قاتناشتى، رىياسەتچى 400 تاماشىبىننى ھەرىكەتكە كەلتۈرۈپ، قىشلىق تەنھەرىكەت مۇسابىقىسىگە ئالاقىدار بىلىملەرنى ئورتاقلاشتى، پائالىيەتكە يەنە قۇت بۇيۇمىمۇ قاتناشقان بولۇپ، ئۇنىڭدىن باشقا ياشانغان ئاياللارنىڭ مەيدان ئۇسسۇلى، پىدائىيلارنىڭ ساغلاملىق گىمناستىكىسى، قار ئۈستىدە ئارغامچا تارتىش، تەنھەرىكەتچىلەرنىڭ مۇز ئۈستى ماھارىتى قاتارلىق نومۇرلار ئورۇنلاندى.