ئامېرىكدىكى Motortrend12 تاراتقۇسىنىڭ خەۋىرىگە قارىغاندا، يېقىندا شىۋىتسارىيە ئۆزگەرتىپ قۇراشتۇرۇش شىركىتى Rinspeed ئۆزىنىڭ etos تىپلىق شوپۇرسىز ھەيدىلىدىغان ئۇقۇم ماشىنىسىنىڭ تەپسىلاتلىرىنى ئېلان قىلغان. بۇ ماشىنا 2016-يىلى 1-ئايدا لاۋسۋىگاستا ئۆتكۈزۈلىدىغان ئىستىمال ئېلېكتىرون مەھسۇلاتلىرى كۆرەەزمىسىدە ئوتتۇرىغا چىقىرىلىدىكەن. etos تىپلىق ئۇقۇم ماشىنىسى تۇلپارi8 تىپلىق ماشىنا ئاساسىدا لاھىيىلەنگەن بولۇپ، ئاپتوماتىك يول يۈرۈش ئىقتىدارىغا ئىگە، شۇنداقلا يەنە ماشىنىغا قوشۇمچە كىچىك تىپتىكى ئۇچقۇچىسىز ئايروپىلان سەپلەنگەن.

    خۇددى ئىلگىرىكى Rinspeed تىپلىق ئۇقۇم ماشىنىسىغا ئوخشاش بۇ شىركەت يەنە باشقا ھەمكارلاشقۇچىلىرى بىلەن بىرلىكتە etos تىپلىق ئۇقۇم ماشىنىسىنى لاھىيىلەپ چىققان. مەسىلەن گېرمانىيىدىكى ھەمكارلاشقۇچىسى ZF TRW شىركىتى etos تىپلىق ماشىنىنىڭ ئاپتوماتىك ھەيدىلىش باسقۇچىغا كىرگەن چاغدا رول ۋە باشقا زاپچاسلارنى  قاتلىنىدىغان قىلىپ لاھىيىلەشكە مەسئۇل بولغان. بۇ ئۇقۇم ماشىنىسىنىڭ يەنە باشقا ئارتۇقچىلىقلىرى بولسا كەڭ دائىرىلىك ئۇلىنىشنى ئىشقا ئاشۇرالايدۇ. بۇلار ماشىنا توختىتىش ئورنىنى تېپىش، شەخسى ئىشلارنى بىر تەرەپ قىلىشى قاتارلىقلارنى ئۆز ئىچىگە ئالىدۇ. Rinspeed شىركىتىنىڭ بىلدۈرۈشىچە، بۇ ئۇقۇم ماشىنىسى ھەيدىگۈچىلەرگە خۇددى ياردەمچىنىڭ رولىنى ئوينايدىكەن، چۈنكى ئۇ يول يۈرۈش جەريانىدا نۇرغۇنلىغان مۇرەككەپ كىچىك ئىشلارنى بىر تەرەپ قىلالايدىكەن، مەسىلەن ئۇچۇر ئىزدەپ تېپىش، سۈرەتكە تارتىش، ۋىدىئو قويۇش قاتارلىق ئىشلارنى بىر تەرەپ قىلالايدىكەن.