ياپونىيە تېلېۋىزىيە ئىستانسىسىنىڭ تۈنۈگۈنكى خەۋىرىگە قارىغاندا، ياپونىيە تەنتەربىيە گۈللىنىش مەركىزى 14-چېسلا 2020-يىلى ئۆتكۈزۈلىدىغان ئولىمپىك تەنھەرىكەت يىغىنىنىڭ ئاساسى مەيدانىنىڭ ئىككى تۈرلۈك دەسلەپكى لاھىيە سۈرىتىنى ئېلان قىلغان. ئەمما بۇ ئورگان لاھىيىلىگۈچىنىڭ ئىسىم-فامىلىسىنى ئاشكارىلىمىغان، پەقەت لاھىيە سۈرىتى ۋە ئومۇمىي كېتىدىغان خىراجەت ۋە قۇرۇلۇش ۋاقتى قاتارلىق ئۇچۇرلارنىلا ئېلان قىلغان. A لاھىيىدە بۇ قۇرۇلۇشقا كۆپ مىقداردا ياغاچ ماتېرىيالى ئىشلىتىدىغان بولۇپ، ئومۇمىي قۇرۇلۇش خىراجىتى 149 مىليارد يىن. B لاھىيىدە قۇرۇلۇشنىڭ سىرتقى قىسمىنى 72 دانە ياغاچ تۈۋرۈك ھالقىىسمان شەكىلدە تىرەپ تۇرىدىغان بولۇپ، ياپونىيىنىڭ ئەنئەنىۋى بىناكارلىق ئۇسلۇبى ئەكس ئەتتۈرۈلگەن، ئومۇمىي خىراجەت 149 مىليارد 900 مىليون يىن. ھەر ئىككى تۈرلۈك لاھىيىدە 2019-يىلى 11-ئايدىن بۇرۇن پۈتۈپ چىقىشقا تىرىشچانلىق كۆرسىتىلگەن.

A لاھىيە

       ياپونىيە تەنھەركەت گۈللىنىشى مەركىزى بۇنىڭدىن كېيىن پۇقرالار ۋە تەنھەركەتچىلەرنىڭ پىكرىنى ئاڭلاپ، قۇرۇلۇش مۇتەخەسسىسلىرى بېكىتكەندىن كېيىن، كېيىنكى ھەپتىدە ئەڭ ئاخىرقى لاھىيىنى ئېلان قىلىدىكەن. خەۋەرلەردە دىيىلىشىچە، بۇ ئىككى خىل لاھىيە بەلكىم ئارخىتىكتور Toyo Ito نىڭ ئىككى گۇرۇپپىسىنىڭ لاھىيسى بولىشى مۇمكىن ئىكەن. بۇنىڭدىن ئىلگىرى ياپونيە تەرەپ  ئولىمپىك تەنھەركەت يىغىنىنىڭ ئاساسى مەيدانىنىڭ لاھىيىسىگە داڭلىق ئايال ئارخىتىكتور زاخا خادىدنىڭ لاھىيىسىنى ئىشلەتمەكچى بولغان، ئەمما ئومومى خىراجەت 252 مىليارت يىندىنئېشىپ كەتكەچكە،  باش ۋەزىر ئابى شىنزو بۇيرۇق چۈشۈرۈپ بۇ لاھىيىنى ئەمەلدىن قالدۇرۇۋەتكەن.

B لاھىيە