يولنى كېسىپ ئۆتكەن موماي قاتناش ھادىسىسىدە قازا قىلدى

     شىنجاڭ تېببىي ئۇنىۋېرسىتېتى قارىمىقىدىكى 1- دوختۇرخانىنىڭ جىددىي قۇتقۇزۇش مەركىزىدە ۋۇ خانىم ئاپىسىنىڭ قازا قىلغانلىقىنى ئاڭلاپ ھۆڭرەپ يىغلاپ كەتتى. ئۇنىڭ ئېيتىشىچە، ئاپىسى 73 ياشقا كىرگەن بولۇپ، شۇ كۈنى فىزىكىلىق داۋالاشنى قوبۇل قىلىش ئۈچۈن ئۆيدىن چىقىپ كەتكەنىكەن.

    ھادىسە تۇغدۇرغان شوپۇرنىڭ ئېيتىشىچە، ئۇ 10- دېكابىر سائەت 8:50 ئەتراپىدا سائىتىگە 40 كىلومېتىرلىق سۈرئەت بىلەن «يۇمىلاقتاغ» جەنۇبىي يولىدا جەنۇب-شىمال يۆنىلىشىدە كېتىۋاتقان بولۇپ، «يۇمىلاقتاغ» جەنۇبىي يولى 577- نومۇر ئەتراپىغا كەلگەندە بىر موماي تۇيۇقسىز يولنى كېسىپ ئۆتكەن. ئۇ ئادەمنى سوقۇۋەتمەسلىك ئۈچۈن ئاپتوموبىلىنى قاچۇرغان، نەتىجىدە ئاپتوموبىل دەرەخكە سوقۇلۇپ ئۆرۈلۈپ كەتكەن، ئۇ ئاپتوموبىلدىن چىقىپ موماينىڭ يارىلانغانلىقىنى كۆرۈپ، دەرھال 120 گە تېلېفون بەرگەن».

تونۇشتۇرۇلۇشىچە، شوپۇر موماينى قانداق سوقۇۋەتكەنلىكىنى ئۆزىمۇ بىلمەيدىكەن، ئۇ مەسئۇلىيەتنى ئۈستىگە ئالىدىغانلىقىنى بىلدۈرگەن.

   مۇخبىرنىڭ يۇقىرى، يېڭى تېخنىكىلىق كەسپلەر تەرەققىيات رايونى (يېڭىشەھەر رايونى) لىق قاتناش ساقچى چوڭ ئەترىتىدىن ئىگىلىشىچە، ساقچىلار 8:53 ئۆتكەندە نەق مەيدانغا يېتىپ كەلگەن. ھازىر ھادىسە سەۋەبى يەنىمۇ ئىلگىرىلىگەن ھالدا تەكشۈرۈلۈۋېتىپتۇ.

سۈرەتتە: ھادىسە يۈز بەرگەن نەق مەيدان.