شۇيەر ۋاقتى 13-دېكابىر ئامېرىكا كالفورنىيە شىتاتى فىرىسنودا بىر تاشلىنىۋېتىلگەن ئۆيگە تۇيۇقسىز ئوت كەتكەن بولۇپ، ئەينى ۋاقىتتا شۇ ئۆيدىكى 5 كىشىنىڭ ئۆلۈشىنى، 1 كىشىنىڭ ئېغىر دەرىجىدە كۆيۈپ يارىلىنىشىنى كەلتۈرۈپ چىقارغان.

     ئېگىلىنىشىچە، شۇكۈنى، ئوت ئۆچۈرۈش ئەترىتى ئۇچۇرنى تاپشۇرىۋالغاندىن كېيىنلا نەق مەيدانغا يېتىپ بارغان بولۇپ، ئوت كەتكەن ئۆيدىن 6 كىشىنى قۇتقۇزۇپ چىققان، لېكىن ئارىسىدىكى 4 كىشىنىڭ ئۆلگەنلىكى جەزملەشكەن، يەنە بىر كىشى دوختۇرخانىغا ئاپىرىلغاندىن كېيىن قۇتقۇزۇش ئۈنۈم بەرمەي ئۆلۈپ كەتكەن، يەنە بىر كىشى ھازىر داۋالىنىش باسقۇچىدا ئىكەن.

ساقچىلار ھازىر ئوت ئاپىتىنىڭ سەۋەبىنى تەكشۈرمەكتە.

    ئېگىلىنىشىچە، ئوت ئاپىتى يۈزبەرگەن بۇ ئۆي تاشلىنىۋېتىلگىنىگە ئۇزاق يىللار بولغان بولۇپ، ئۇزاقتىن بۇيان بۇ ئۆيدە بىرەر كىشىمۇ تۇرمىغان. ساقچىلارنىڭ بىلدۈرىشىچە، ئۆينىڭ دېرىزىسى بۇزۇلغاچقا، ۋەقە يۈزبەرگەندە ئوڭۇشسىزلىققا ئۇچرىغان بۇ كىشىلەر دېرىزىدىن كىرگەن بولۇشى مۇمكىن ئىكەن.