قاغىلىق ناھىيىلىك خەلق سوت مەھكىمىسى يېقىندا تەرەپلەرنى مۇرەسسەگە يېتەكلىدى، نەتىجىدە گۈلمىرە 66 مىڭ 341 يۈەننى ئۈستىگە ئېلىپ، 15-دېكابىردىن بۇرۇن مەلۇم بانكىغا قايتۇرىدىغان، بۇنىڭغا قارىتا ئىلھام، ئەكبەر، تۇردى قاتارلىقلار كېپىللىك جاۋابكارلىقىنى ئۈستىگە ئالىدىغان، بانكا يۈسۈپنىڭ كېپىللىك جاۋابكارلىقىنى سۈرۈشتە قىلمايدىغان بولۇپ كېلىشتى.گۈلمىرە تىجارەت ئۈچۈن مەلۇم بانكىنىڭ قاغىلىق ناھىيىسىدىكى تارماق بانكىسىدىن بۇلتۇر 17-مارتتىن بۇرۇن قايتۇرۇش شەرتى بىلەن 50 مىڭ يۈەن قەرز ئالغان بولۇپ، مۆھلەت توشقاندا بىر يىللىق ئۆسۈمى 7089 يۈەننىلا قايتۇرغان، بانكا تەرەپ قەرزنى قايتۇرۇۋالالمىغاندىن كېيىن بۇ يىل ئاۋغۇستتا گۈلمىرە بىلەن ئۇنىڭ كېپىللىرى ئىلھام، ئەكبەر، يۈسۈپ، تۇردى قاتارلىقلار ئۈستىدىن سوت مەھكىمىسىگە ئەرز سۇنۇپ، 50 مىڭ يۈەنگە ئۆسۈمى 15 مىڭ 329 يۈەن ۋە جەرىمانىسى 1012 يۈەننى قوشۇپ ئېلىپ بېرىشنى تەلەپ قىلغان.