بوكس سەھنىسىدىكى رىۋايەتلىك شەخس مايۋەزىر كىشىلەرنىڭ ئالدىدا ئادەمنى ھەيران قالدۇرىدىغان بايلىقىنى كۆز-كۆز قىلىشتىن ئەزەلدىن خىجىل بولمايدىغان بولۇپ، باغلام-باغلام پۇللار ئۇنىڭ ئەتراپىنى ئوراپ تۇرغاندا، كەيپىياتى تېخىمۇ ياخشى بولۇپ كېتىدىكەن. يېقىندا، مەلۇم ئىجتىمائىي ئالاقە تاراتقۇسىنىڭ ئەزاسى بولغان مايۋەزىر توردا بىر پارچە سۈرىتىنى ئېلان قىلغان بولۇپ، سۈرەتتە ئۇ ئۇچىسىغا دوپپىلىق رەڭلىك مايكا كىيىپ، بىر دۆۋە پۇلنى قۇچاقلىۋالغان.

    مايۋەزىرنىڭ توردا ئېلان قىلىنغان سۈرىتىدە، ئۇ ئۇچىسىغا دوپپىلىق رەڭلىك مايكا كىيىپ، بىر دۆۋە پۇلنى قۇچاقلىۋالغان.

   بۇ سۈرەت يەنە Instagram دا ئېلان قىلىنغان بولۇپ، مايۋەزىر سۈرەتنىڭ يېنىغا ‹‹ھازىرقى كەيپىياتىم›› دەپ يېزىپ، مۇناسىۋەتلىك بارلىق EMOJI چىراي ئىپادىلىرىنى چىقىرىپ قويغان.

   تېخى نەچچە كۈن ئىلگىرى، مايۋەزىر روسىيەدىكى بىر مۇزىكا كچىلىكىدە بىر مەيدان ئوچۇق دەرس ئورۇنلاشتۇرغان بولۇپ، 3000 تاماشىبىننىڭ ئالدىدا، 791 ئادەمگە مۇش ئېتىشنى ئۆگەتكەن. بۇ ئۇنىڭ بوكس ھەۋەسكارلىرى ئۈچۈن چوڭ پاراۋانلىق بولۇپلا قالماستىن، مايۋەزىر ئۆزىمۇ مۇشۇ سەۋەبتىن دۇنيا جىننېس رېكورتى ياراتقان.

   38 ياشقا كىرگەن مايۋەزىر ئۆزى ياسىغان بوكس سەھنىسىدە مەيدانغا لىق تولغان تاماشىبىنلارغا بوكس تېخنىكىسىنى كۆرسىتىش بىلەن بىر ۋاقىتتا، يەنە بىر نەچچە بوكس ھەۋەسكارىنى بوكس سەھنىسىگە چىقارغان، تۆۋەندىكى تاماشىبىنلارمۇ مايۋەزىرگە ئەگىشىپ بوكس ھەرىكىتى ئىشلىگەن. 

     جىننېس دۇنيا رېكورتى ئورگىنىنىڭ باھالىغۇچىسى سوفىيا نەق مەيداننى كۆرۈپ خاتىرىلىگەندىن كېيىن، يېڭى بىر جىننېس دۇنيا رېكورتىنىڭ يارىتىلغانلىقىنى ئېلان قىلىپ، ئۆز قولى بىلەن مايۋەزىرگە بۇ شەرەپنى تەقدىم قىلغان. بۇ تۈردىكى ئالدىنقى جىننېس رېكورتى 2014-يىلى لوندوندا يارىتىلغان بولۇپ، ئۆز ۋاقتىدا پەقەت 508 ئادەم قاتنىشىپ، مايۋەزىر ياراتقان 791 ئادەمدىن كۆپ تۆۋەن تۇرغان.

   بۇ پائالىيەتنى بوكس ئىنستىتۇتى ۋە روسىيە ياغاچ ماتېرىياللىرى گۇرۇھى ھەمدە دۆلەت ئىگىلىكىدىكى كارخانا روسىيە تېخنىكا شىركىتى بىرلىكتە ئورۇنلاشتۇرغان بولۇپ، روسىيەدىكى بوكس ھەۋەسكارلىرى ئۈچۈن بىر مەيدان پاراۋانلىق پائالىيىتى ئۆتكۈزۈپ بېرىشنى مەقسەت قىلغان ئىكەن.

   Money Team نىڭ خوجايىنى P-Reala ئىجتىمائىي ئالاقە تورىدا يەنە مايۋەزىرنىڭ خۇسۇسىي ئايروپىلانىنىڭ ئۇچقۇچىلار بۆلمىسىدە بىللە چۈشكەن سۈرىتىنى ئېلان قىلغان.

      مايۋەزىرنىڭ بايلىقىنى كۆز-كۆز قىلىشى ئادەتتىكى ئىش بولۇپ، ئۇنىڭ مەستانىلىرىمۇ ئۇنىڭ بۇ قىلمىشلىرىغا كۆنۈپ قالغان. ھالبۇكى، بايلىقىنى كۆز-كۆز قىلىش ئۇنىڭغا بىر قىسىم ئاۋارىچىلىكلەرنىمۇ ئېلىپ كەلگەن. ئۇنىڭ يېقىندىكى روسىيە سەپىرىدە ئۇ يېڭى بىر تۈرلۈك جىننېس دۇنيا رېكورتى يارىتىپ، ئۇنىڭ روسىيەلىك دوستلىرى ئۇنىڭغا يەنە بىر يولۋاس سوۋغا قىلغان. بىراق، ئۇ بۇ يولۋاس بىلەن چۈشكەن سۈرىتىنى ئىجتىمائىي ئالاقە تورىغا يوللىغاندىن كېيىن، ھايۋانلارنى قوغداش تەشكىلاتلىرىنىڭ ئەيىبلىشىگە ئۇچرىغان.