«ھىندونېزىيە سودا گېزىتى»نىڭ 8-دېكابىردىكى خەۋىرىگە قارىغاندا، دۇنيا ئاۋىياتسىيە كەسپىدىكى ئاساسىي قۇرۇلۇش ئېھتىياجىنىڭ ئېشىشىغا ئەگىشىپ، ھىندونېزىيە كەلگۈسى ئون يىلدا 25مىليارد ئامېرىكا دوللىرى مەبلەغنى ئايرودۇرۇم قۇرۇلۇشىغا سالىدىكەن.

       بۇ «ئۆزئارا تۇتىشىش ۋە ئىقتىسادنى ئاشۇرۇش: ئايرودۇرۇمغا مەبلەغ سېلىش پۇرسىتى ۋە رىقابەت» ناملىق دوكلاتتا كۆرسىتىلىشىچە، 2015-2025 يىل ئارىلىقىدا پۈتۈن دۇنيا بويىچە ئايرودۇرۇم قۇرۇلۇشىغا سېلىنىدىغان مەبلەغنىڭ يىلىغا ئوتتۇرا ھېساب بىلەن %2.6، جەمئىي سېلىنغان مەبلەغنىڭ 750 مىليارد ئامېرىكا دوللىرىدىن ئېشىشى مۆلچەرلەنگەن. بۇنىڭ ئىچىدە، ھىندونېزىيەدە ئوتتۇرا بۇرژۇئازىيە كۆلىمى تېز ئېشىۋاتقان بولغاچقا، ئاۋىياتسىيە كەسپىنىڭ يىللىق ئوتتۇرىچە ئېشىش نىسبىتى %4.8 كە يېتىدىكەن.