‹‹تۆمۈر خوتۇن›› ساچېر خانىمنى بىلەمسىز؟

      دۇنيانىڭ سىياسىي سەھنىسىدىكى مەشھۇر سىياسىيون، قابىل رەھبەر، باشقىلار تەرىپىدىن ‹‹تۆمۈر خوتۇن›› دەپ نام ئالغان ئەنگلىيەنىڭ سابىق باش ۋەزىرى ساچېر خانىم ھەممىمىزگە تونۇشلۇق. ئۇنىڭ قىسقىچە ھايات تارىخىدىن خەۋەردار بولۇپ قويۇش بىزگە ئارتۇقچە بولمىسا كېرەك.

    ساچېر خانىم (تولۇق ئىسمى: مارگارىت ھىلدا ساچېر بولۇپ، ئادەتتە ساچىر خانىم دەپ ئومۇملاشقان) 1925-يىلى 10-ئاينىڭ 13-كۈنى تۇغۇلغان. 1943-يىلى ئوكسىفورت ئۇنىۋېرسىتېتى سومىرۋېل قىزلار ئىنىستىتۇتىدا ئوقۇغان، ئۇنىۋېرسىتېتتىكى مەزگىللىرىدە كونسېرۋدتىپلار پارتىيەسىگە كىرگەن ھەمدە ئوكسىفورت ئۇنىۋېرسىتېتى كونسېرۋاتىپلار پارتىيەسى بىرلەشمىسىنىڭ رەئىسى بولغان.

  1947-يىلىدىن 1951-يىلىغىچە ئىككى ئائىلە خىمىيە شىركىتىنىڭ خىمىيە تەتقىقاتچىسى بولغان، بوش ۋاقىتلىرىدا قانۇن ئوقۇغان، 1953-يىلى لىنكولىن ئادۋوكاتلار جەمئىيىتىنىڭ تەستىقلىشى بىلەن ئادۋوكات بولغان.

  ساچېر خانىم 1959-يىلى كونسېرۋاتىپلار پارتىيەسى ئاۋام پالاتاسىنىڭ ئەزاسى بولغان.

  1961-يىلى سۇغۇرتا مىنىستىرلىقىدا خىزمەت قىلغان.

   1964-يىلى ئاۋام پالاتاسى كونسېرۋاتىپلار پارتىيەسىنىڭ ئىككىنچى رەتتىكى باياناتچىسى بولغان.

   1970-يىلى مائارىپ ۋە ئىلىم-پەن ۋەزىرى بولغان.

  1975-يىلى 2-ئايدا كونسېرۋاتىپلار پارتىيەسىنىڭ داھىيسى بولغان.

  1979-يىلى 5-ئايدا كونسېرۋاتىپلار پارتىيەسى سايلامدا غەلىبە قىلغان، ساچېر خانىم ۋەزىرلىكنى ئۈستىگە ئالغان. بۇنىڭ بىلەن ئۇ ئەنگلىيە تارىخىدىكى تۇنجى ئايال باش ۋەزىر بولۇپ قالغان.

  1983-يىلى 6-ئايدا ۋە 1987-يىلى 6-ئايدا ئۇدا باش ۋەزىر بولغان.

  1990-يىلى 11-ئايدا باش ۋەزىرلىك ۋەزىپىسىدىن ئىستېپا بەرگەن.

  1992-يىلى 6-ئايدا ئۆمۈرلۈك ئاقسۆڭەك بولۇپ تەيىنلەنگەن.

  1993-يىلى 5-ئايدا ۋېلليام ــ مارىيە ئىنىستىتۇتىنىڭ 21-نۆۋەتلىك پەخرى مۇدىرى بولغان.

  2005-يىلى 10-ئاينىڭ 1-كۈنى 80 ياشقا كىرگەن تۇغۇلغان كۈنىنى ئۆتكۈزگەن، سىياسىي ساھەدىكى دوستلىرى بولسۇن، مەيلى ئادەتتىكى دوستلىرى بولسۇن ھەممىسى كېلىپ ئۇنىڭغا بەخت تىلىگەن.

ساچېر خانىمنىڭ ئەسەرلىرىدىن ‹‹دوۋرىڭ كوچىسىدىكى كۈنلەر›› بار بولۇپ، بۇ ئەسىرى ئەنگلىيە تارىخىدىكى ئەڭ ئالىي شەرەپ ـــ ‹‹گارتېر چەۋەنداز ئوردېنى››غا ئېرىشكەن.

  ئەنگلىيە نوپۇزلۇق كونسېرۋاتىپلار پارتىيەسىنىڭ ئەزاسى لورد سپايكېرنىڭ يېڭى كىتابى ـــ ‹‹سپايكېرنىڭ كۈندىلىك خاتىرىسى››دە خاتىرىلىنىشىچە، ساچېر خانىمنىڭ سىياسىي ھاياتىدا ئېرى دېنىس باشتىن-ئاخىر ئۇنى قوللاپ كەلگەن. ئەمما دېنىس 2003-يىلى ۋاپات بولۇپ كەتكەندىن كېيىن، ئۇنىڭ پەرزەنتلىرى بىلەن بولغان مۇناسىۋىتى تازا ياخشى بولماي قالىدۇ. ساچېر خانىم ھازىر ياشىنىپ پېنسىيەگە چىققان بولسىمۇ، ئۇنىڭ ئوغلى مارك ئالتە ھەپتىلەردە بىرەر قېتىم ئاپىسىنى يوقلاپ كېلىدۇ، قىزى كارول بەزىدە نەچچە ئايلارغىچە ئاپىسىنى يوقلاپمۇ كەلمەيدۇ. ساچىر خانىم ئىلگىرى: ئەگەر ۋاقىتنى كەينىگە قايتۇرغىلى بولغان بولسا، ئائىلىسى ئۈچۈن ھەرگىزمۇ سىياسىي بىلەن شۇغۇللانمايدىغانلىقىنى بىلدۈرگەن.