11-ئاينىڭ 30-كۈنىدىكى خەۋەر، خۇاڭلىن، 17 ياش، جياڭشى ئۆلكىسىدىن. دادىسى ۋە ئاكىسى ھاڭۋاقتىلىق كېسىلىگە گىرىپتار بولغان بولۇپ، ئائىلىسى ئىزچىل نامرات ئىدى. 2009-يىلى خۇاڭلىننىڭ ئاپىسى سۈت بېزى راكىغا گىرىپتار بولغان بولۇپ، ئەسلىدىنلا نامرات ئائىلە قوشنىلىرى ۋە تۇغقانلىرىنىڭ ياردىمى ئاستىدا بەرداشلىق بېرىپ كېلىۋاتاتتى. ئاپىسىنىڭ كېسىلىدە ياخشىلىنىش بولماي تۇرۇپلا رەھىمسىز تەقدىر بۇلارغا قايتا چاقچاق قىلدى. 2014-يىلى ئىنىسى خۇاڭخاۋغا غەيرىي ھودكىن لىمفا ئۆسمىسى دەپ دىئاگنوز قويۇلدى.

      ئىنىسىنىڭ شەھەردە داۋالىنىۋاتقان پۇرسىتىدىن پايدىلىنىپ، ئاپىسى «قانداقلا ئىش بولسۇن، خۇاڭخاۋنىڭ ھاياتىنى قۇتقۇزۇۋېلىڭلار» دەپ ۋەسىيەتنامە قالدۇرۇپ، ئۆزىنى دەرياغا ئېتىۋالدى. بۇ سەۋەبلىك ئىنىسىدە بېسىم ئېغىر بولغاچقا، دائىم ئۆزىنى ئەيىبلەيتتى. ئۇكىسىغا بۇ ئىشلارنى ئەسلەتمەسلىك ئۈچۈن خۇاڭلىن ئاپىسىنىڭ سۈرىتىنى ياتاق ئۆيگە قويۇپ قويغانىدى.

      ئاپىسى قازا قىلىپ ئۇزۇن ئۆتمەي، خۇاڭخاۋ ئوپېراتسىيە قىلىنىپ قەرز ئالغان 130 مىڭ يۈەننىڭ ھەممىسى تۈگىدى. 2015-يىلى 8-ئايدا خۇاڭخاۋنىڭ كېسىلى قايتا قوزغىلىپ قالغاچقا، ئاچىسى ئۇنى شاڭخەيگە ئەكىلىپ دوختۇرخانىغا كۆرسەتتى. ئىككى ھەپتىلىك داۋالاشتىن كېيىن خۇاڭخاۋنىڭ بەدىنىدىكى ئۆسمە كۆرۈنەرلىك كىچىكلىدى. ئەمما پۇلنىڭ ھەممىسى تۈگىگەن بولۇپ، پۇل جۇغلىيالماسلىق سەۋبىدىن ئۇلار ئامالسىز دوختۇرخانىدىن ئايرىلدى.

    خۇاڭلىن ئىلگىرى مەكتەپنىڭ ئەلاچى ئوقۇغۇچىسى بولۇپ ئۆيىنىڭ ھەربىر تېمىغا ئېرىشكەن تەقدىرنامىلىرى چاپلانغانىدى. ئەمدىلىكتە بولسا ھەر كۈنى ئۆيىدىكىلىرىگە تاماق ئېتىپ بېرىش، ئۇلارنىڭ كىرلىرىنى يۇيۇش، ئۇكىسىغا دورا قاينىتىش قاتارلىقلار ئۇنىڭ زىممىسىگە چۈشكەنىدى.

     ئاپىسى ئاغرىق مەزگىلدە تولۇقسىز بىرىنچى يىللىقتا ئوقۇۋاتقان خۇاڭلىن ئوقۇشتىن چېكىنىپ ئىشلەپ، ئۆينىڭ تۈۋرۈكىگە ئايلانغانىدى. ئاپىسى قازا قىلىپ كەتكەندىن كېيىن ساتىراشخانىدىكى خىزمىتىنى تاشلاپ، كېسەل ئىنىسى ۋە ئۆيىدىكىلىرىنىڭ ھالىدىن خەۋەر ئالدى.

11-ئاينىڭ 25-كۈنى، خۇاڭلىن بىلەن خۇاڭخاۋ سىڭلىسىنى ئالغىلى مەكتەپكە كەلدى.

خۇاڭخاۋ ئاچىسىغا ئۆز قولى بىلەن يازغان مويخەتنى سوۋغا قىلدى.