خەينەن قانىلى 11-ئاينىڭ 29-كۈنىدىكى خەۋىرى، 29-چىسلا چۈشتىن بۇرۇن خەينەن ئۆلكىسى سەنيا شەھىرىدىكى چوڭ تىياتىرخانا مەيدانىدا ھەيۋەتلىك جۇڭخۇا خەلق جۇمھۇرىيىتىنىڭ دۆلەت شېئىرى ياڭرىدى، ئوتقاشتەك قىزىل بەش يۇلتۇزلۇق بايراق قوراللىق ساقچى قىسىم بايراق چىقىرىش ھۆرمەت قاراۋۇللىرىنىڭ ھىمايىسىدە ئاستا - ئاستا كۆتۈرۈلدى. 120 نەچچە دۆلەت ۋە رايوندىن كەلگەن 65-نۆۋەتلىك دۇنيا خانقىزى ئۇمۇمىي ھەل قىلغۇچ مۇسابىقە ماھىرلىرى سەپ بولۇپ نەزەر سالىمى بېرىشتى. دۆلەت بايرىقى چىقىرىش مۇراسىمىنىڭ ئاخىرلىشىشىغا ئەگىشىپ 1000 دانە تىنچلىق كەپتىرى كۆك ئاسمانغا قويۇپ بىرىلدى، شۇنىڭ بىلەن بىر ۋاقىتتا پۈتكۈل مەيداندا 100 دۆلەتنىڭ دۆلەت بايرىقى تەڭ ۋاقىتتا جەۋلان قىلىندى.ئىگىلىنىشىچە، مەزكۇر دۆلەت بايرىقى چىقىرىش مۇراسىمى 65-نۆۋەتلىك دۇنيا خانقىزى ئۇمۇمىي ھەل قىلغۇچ مۇسابىقە ماھىرلىرىنىڭ سەنياغا كەلگەنلىكىنى قارشى ئېلىش ھەمدە شۇنىڭ بىلەن بىر ۋاقىتتا «دۇنيا خانقىزى» دىن ئىبارەت بۇ خەلقئارا سەھنىدىن پايدىلىنىپ دۇنيا تىنچلىقىغا بولغان ئارزۇسىنى ئىپادىلەشنى مەقسەت قىلغان.

     تونۇشتۇرۇلىشىچە، 2015-يىللىق 65-نۆۋەتلىك دۇنيا خانقىزى ئۇمۇمىي ھەل قىلغۇچ مۇسابىقىسى 12-ئاينىڭ 19-كۈنى سەنيادا ئۆتكۈزىلىدىغان بولۇپ، ماھىرلار بىر ئايغا يېقىن ۋاقىت ئىچىدە شەھەر سەيلىسى، ماھارەت كۆرسىتىش مۇسابىقىسى، كىيىم-كىچەك كۆرگەزمىسى ۋە داڭلىق مودېللار مۇسابىقىسى، خەير - ساخاۋەت كەچلىك زىياپىتى قاتارلىق پائالىيەتلەرنى قانات يايدۇرىدىكەن.