بۈگۈن «قارا جۈمە» كۈنى بولۇپ، ئامېرىكا ئامازون ئېلېكترونلۇق سودا سۇپىسى بۈگۈن كۆپلىگەن مەھسۇلاتلارنىڭ باھاسىنى چۈشۈرگەن، بۇنىڭ ئىچىدە، 32GB لىق قۇلۇپسىز نۇسخىدىكى گۇگېل Nexus 6 يانفونىنىڭ باھاسى 199.99 دوللار (پوچتا ھەققى قوشۇلۇپ تەخمىنەن 1400 يۈەنگە توختايدۇ) غا چۈشۈرۈلگەن بولۇپ، تارىختىكى ئەڭ تۆۋەن باھا دېيىلگەن، ھەقىقەتەن سېتىۋېلىشقا ئەرزىيدىكەن.

       Nexus 6يانفونى بۇلتۇر ئېلان قىلىنغان گۇگېل Nexus يانفونى بولۇپ، موتورولا تەرىپىدىن ۋەكالىتەن ئىشلەپچىقىرىلغان، لايىھە ئۇسلۇبى جەھەتتە Moto X Pro بىلەن ئوخشاش. ئۇنىڭغا ئېنىقلىق دەرىجىسى 2560x1440 گە يېتىدىغان 5.96 دىيۇملۇق AMOLED ئېكران، كۇۋالكوم 805 تىپلىق بىر تەرەپ قىلغۇچ، 2GB لىق ئىچكى ساقلىغۇچ، 32GB لىق ئاساس ساقلىغۇچ، ئالدى يۈزىگە ئىككى مىليون، ئارقىسىغا 13 مىليون پىكسېللىق كامېرا قاتارلىقلار سەپلەنگەن، باتارىيە سىغىمى 3220 مىللىئامپىر بولۇپ، تېز سۈرئەتتە زەرەتلەش تېخنىكىسى قوللىنىلغان ئىكەن.

    بۇ يانفونغا ئەسلى ھالەتتىكى ئاندىرويىد 5.0 سىستېمىسى ئالدىن قاچىلانغان، كىيىن ئاندىرويىد 6.0 گە ئاپتوماتىك يېڭىلىنىدىكەن.

ئەسلى ھالەتتىكى ئاندىرويىد سىستېمىسى قاچىلانغان گۇگېل يانفونى ئىشلىتىشنى ئارزۇ قىلىدىغانلار ئۈچۈن، بۇ ھەقىقەتەنمۇ ياخشى بىر پۇرسەت.