3-ئاينىڭ 14-كۈنى چەتئەل ئاخبارات ۋاستىلىرىنىڭ خەۋىرىگە قارىغاندا، پەيشەنبە كۈنى مىكروسوفتنىڭ قۇرغۇچىسى بىل گايتىس ۋاشىنگىتوندا ئامېرىكا كارخانا تەتقىقات مەركىزىدە كەلگۈسى 20 يىل ئىچىدە، نۇرغۇن خىزمەت ئورنى ئىش بىجىرىش ئورنى تەرىپىدىن ئاپتوماتىكلاشقان ھالدا ئورنىنى ئېگەللەيدۇ دەپ بىلدۈرگەن.

بىل گايتىس مۇنداق دېگەن:« يۇمشاق دېتال مەيلى شوپۇر، مۇلازىمەتچى ۋە ياكى سىستىرا بولسۇن بۇلارنىڭ ئورنىنى ئېلىش ئالدىدا تۇرىدۇ. ھەمدە بۇلارنىڭ تۈرى داۋاملىق كۆپىيىۋاتىدۇ. پەن تېخنىكا خىزمەت ئورنىنىڭ تەلىپىنى ئاز قالدۇرۋاتماقتا، تۆۋەن قاتلاملىق تېخنىكىنىڭ خىزمىتى ئالاھىدە تىلغا ئېلىنىدۇ.20 يىلدىن كېيىن ، نۇرغۇن تېخنىكىلىق ئەمگەك كۈچىگە بولغان ئېھتىياج چوڭ مىقداردا تۆۋەنلەيدۇ.ھازىرچە مەن كىشىلەرنىڭ بۇ مەسىلىگە نىسبەتەن بولغان كۆز قارىشى تلۇق ئەمەس دەپ قارايمەن.»

بىل گايتىس يەنە مۇنداق دەيدۇ: كىشىلەر كەلگۈسىدە يەنە نۇرغۇن خىزمەت ئورۇنلىرىنىڭ يۇمشاق دېتال ئاپتوماتىكلاشقان تېخنىكا تەرىپىدىن تارتىۋېلىنىدىغانلىقىنى بىلمەيدۇ.

بىل گايتىس بۇ كۆز قاراشنى ئوتتۇرغا قويغان تۇنجى كىشى ئەمەس. بۇ يىل يانۋاردا « ئىقتىساد ئۆگەنگۈچى» ژۇرنىلى بىر تۈركۈم كەلگۈسى 20 يىل ئىچىدە يوقاپ كېتىدىغان خىزمەتلەرنى سىتاتىستىكىلاپ ئېلان قىلغان.بۇنىڭ ئىچىدە تېلىفۇندا تىجارەت قىلىش، كاسسىر ۋە پارچە سېتىش خىزمەتچىلىرى باركەن.

بىل گايتىسنىڭ قارىشىچە باجنى ئۆزگەرتىش نىسبىتى ئارقىلىق كارخانىلارنىڭ ياللانما ئىشچىلارنى ئۆزگەرتىشكە ئىلھاملاندۇرۇش كېرەككەن.مەسىلەن كىرىم بېجى ۋە ياللانما باجنىڭ ھەممىسىنى ئەمەلدىن قالدۇرۇش قاتارلىقلار.

بىل گايتىس يەنە ئەڭ تۆۋەن مائاشنى يۇقىرى كۆتۈرۈشنى قوللىمايدىكەن، ئۇ بۇنداق قىلشنىڭ نۇرغۇنلىغان ئاپتوماتىك خىزمەت تەرىپىدىن ئىش ئورنى تارتىۋېلىنىدىغان ئىشچىلارغا خىرىس بولۇپ قېلىشىدىن ئەنسىرەيدىكەن.

بىل گايتىس مۇنداق دېگەن:« بىز ئەڭ تۆۋەن مائاشنى يۇقىرى كۆتۈرۈش كېرەكمۇ ياقمۇ دېگەن مەسىلىنى مۇنازىرە قىلىۋاتقان ۋاقىتتا، مېنىڭ ئەڭ كۆڭۈل بۆلىدىغىنىم بولسا بۇ ئىش خىزمەت ئورۇنلىرىغا بولغان تەسىرنى ئاشۇرۋېتەمدۇ ياقمۇ دېگەن مەسىلە.مېنىڭچە بۇنداق قىلىش بەزى ئىش ئورۇنلىرىنىڭ يوقۇلۇپ كېتىشىگە سەۋەپچى بولۇپ قالىدۇ، مەن ئەڭ ئەنسىرەيدىغىنىممۇ مۇشۇ.»

بىل گايتىس كەلگۈسى 20 يىلدا ئەمگەك كۈچى بازىرىدا چوڭ ئۆزگىرىش بولىدىغانلىقىغا قەتئىي ئىشىنىدۇ، بىراق ھۆكۈمەت ۋە ئادەتتىكى كىشىلەرنىڭ تېخىچە تولۇق بولغان ئىدىيە جەھەتتىن تەييارلىقى يوق ھەم تولۇقلايدىغان سىياسەتلىرىمۇ يوق.

ۋاڭيى تورى پەن تېخنىكىسى خەۋىرى، لەگلەك تورى تەرجىمىسى.

‏لەگلەك تورى ئۈندىدار سالونىنى قوشىۋېلىڭ ـــــــــــــــــــ ئىزدەش نامى LEGLEK