يانفوننى بوينىغا ئېسىش ياكى مەيدە يانچۇقىغا سېلىش يۈرەككە تەسىر كۆرسىتىپلا قالماستىن، خانىم-قىزلارنىڭ ئىچكى ئاجرىتىش ئىقتىدارىغا تەسىر كۆرسىتىپ، ھەيز قالايمىقانلىشىشنى كەلتۈرۈپ چىقىرىدۇ. ئۇنىڭدىن باشقا، ھامىلدار ئاياللارغا بولغان تەسىرىمۇ چوڭ بولۇپ، ھامىلىگە بىۋاستە تەسىر كۆرسىتىدۇ.

تەتقىقاتچىلار تەجرىبە ئارقىلىق كۆپىنچە يانفونلارنىڭ ئېلېكتىر دولقۇن رادىياتسىيەسىنىڭ ئۆلچەمدىن ئېشىپ كەتكەنلىكىنى بايقىغان، تېلېفون كەلگەن ياكى بەرگەن ئالدىنقى بىر نەچچە سېكۇنتنىڭ بەدەنگە بولغان تەسىرى چوڭ بولۇپ، بۇنداق چاغدا يانفوننى بەدەندىن ئون سانتىمېتىر يىراقلىقتا تۇتۇش كېرەك. پاراڭلىشىشقا باشلىغاندىن كېيىن، يانفوننىڭ رادىياتسىيە تەسىرىنىڭ يېرىمى تۆۋەنلەيدۇ. شۇڭا يانفون ئىشلەتكۈچىلەر تېلېفوننى ئاچقان، تېلېفون قوبۇل قىلغان ياكى بەرگەن چاغدا بەدەندىن ئامال بار يىراق تۇتۇشى، بوينىغا ياكى مەيدە يانچۇقىغا سالماسلىقى كېرەك.