جۇڭگو ئاخبارات تورىنىڭ 9-ئاينىڭ 19-كۈنىدىكى تېلىگراممىسى، نۇر تورى تەرجىمىسى، ۋاگادۇگۇ تاراتقۇلىرىنىڭ خەۋىرىگە ئاساسلانغاندا، بۇركىنا فاسو قوراللىق ھەربىي قىسىمنىڭ ئىشتاب باشلىقى زاگىل 19-چېسلا بۇركىنا فاسونىڭ پايتەختى ۋاگادۇگۇدا زۇڭتۇڭنىڭ مۇھاپىزەتچى قىسمىنىڭ ھەربىي ئۆزگىرىش قىلغانلىقىغا قارشى ئېلىپ بېرىلغان نامايىش پائالىيىتىدە ئوندىن ئارتۇق ئادەم قازا قىلىپ، يۈزدىن ئارتۇق ئادەم يارىلانغان.

  زاگىل پۇقرالارنىڭ جىنايى ھەرىكىتىدىن ئەپسۇسلانغانلىقىنى، دۆلەت قوراللىق قىسمىنىڭ بۇرچىنىڭ خەلقنىڭ ھاياتى ۋە مال-مۈلۈك بىخەتەرلىكىنى قوغداش ئىكەنلىكىنى، شۇنداقلار ئاممىنىڭ ھەر قايسى تەرەپلەرنىڭ تىنچ بىر تەرەپ قىلىش ئامالىنى تاپالايدىغانلىقىغا ئىشىنىشىنى تەلەپ قىلىدىغانلىقىنى بىلدۈردى.

  16-چېسلادىن بۇيان، زۇڭتۇڭ مۇھاپىزەتچى قىسمىنىڭ ھەربىي ئۆزگىرىش قىلغانلىقىدىن نارازى بولغان خەلق ۋاگادۇگۇنىڭ ھەر قايسى كوچىلىرىغا يىغىلىپ نامايىش ئۆتكۈزگەن، ئەسكەرلەر نامايىشچىلارنى تارقاقلاشتۇرۇش ئۈچۈن ئاگاھلاندۇرۇش بەرگەن بولسىمۇ، بىراق ئامما تاش-كېسەكلەر ئارقىلىق قارشىلىق كۆرسەتكەن. ئالدىنقى كۈنى پايتەختتە توقۇنۇش يۈز بېرىپ ئاز دېگەندە 10 ئادەم قازا قىلغان، يۈزدىن ئادەم يارىلانغان.

  مۇخبىرنىڭ خەۋىرىگە ئاساسلانغاندا، ۋاگادۇگۇنىڭ دوختۇرخانىلىرىغا نۇرغۇنلىغان يارىدارلار كۆرۈنگىلى كەلگەن بولۇپ، دوختۇر-سېسترالارنىڭ بېسىممۇ كۆپەيگەن.

بۇركىنا فاسو زۇڭتۇڭ مۇھاپىزەتچى قىسمىى 16-چېسلا ئۆتكۈنچى  زۇڭلىنى نەزەربەند قىلغان بولۇپ، 17-چېسلا ھۆكۈمەت ھوقۇقىنى قولغا ئالغانلىقىنى، ئۆتكۈنچى زۇڭتۇڭنى ۋەزىپىسىدىن ئېلىپ تاشلاپ، ھازىرقى ئۆتكۈنچى ھۆكۈمەت ئورگانلىرىنى تارقىتىۋېتىپ، پۈتۈن مەملىكەت دائىرىسىدە كېچىدە يۈرۈشنى مەنئى قىلىش بۇيرۇقى ئىجرا قىلىدىغانلىقىنى ئېلان قىلغان ھەمدە مۇھاپىزەتچى قىسىمنىڭ يۇقىرى دەرىجىلىك ئەمەلدارى، برىگادا گېنېرالى جىربىي دېئەندىلنى ئەڭ يۇقىرى ھوقۇقلۇق ئورگان «مەملىكەتلىك دېموكراتىيە كومىتېتى»نىڭ رەئىسلىكىگە سايلىغان.

 ئافرىقا ئەللىرى ۋە تىنچلىق، بىخەتەرلىك كېڭەش مەجلىسى 18-چېسلا ئېلان قىلغان چۈشەندۈرۈشىدە مۇنداق دېيىلگەن: بۇركىنا فاسونىڭ نۆۋەتتىكى ۋەزىيىتىدىن قارىغاندا، ئۇنىڭ ئاساسىي قانۇن تەرتىپىنى ئەسلىگە كەلتۈرۈشتىن ئىلگىرى، ئۇنىڭ ئافرىقا ئەللىرى ئىتتىپاقىدىكى ئەزالىق سالاھىيىتىنى ۋاقتىنچە بىكار قىلىش ھەمدە سىياسىي ئۆزگىرىشكە باشلامچىلىق قىلغانلارغا ئەمەلىي جازا بېرىش كېرەك. «مەملىكەتلىك دېموكراتىيە كومىتېتى»نى زۇڭتۇڭ مۇھاپىزەتچى قىسمىى نەزەربەند قىلغان ئۆتكۈنچى زۇڭتۇڭ مىشىر كافەن ۋە ئىككى نەپەر مىنىستىرنى قويۇپ بېرىشكە قىستاش.