16-ئىيۇن ، پاكىستان ھەربىي تەرەپ ئۆتكەن ئىككى كۈن شىمالىي ۋەزىرىستان قەبىلە رايونىدا ئېلىپ بارغان ھەربىي ھەرىكەتتە 177 نەپەر قوراللىق ئۇنسۇرنى ئېتىپ ئۆلتۈرگەنلىكىنى ۋە قوراللىق تەشكىلاتنىڭ ئالتە تايانچ ئۇۋىسىنى بىتچىت قىلغانلىقىنى ئېيتقان .

باياناتتا دېيىلىشىچە ، شىمالىي ۋەزىرىستان رايونىدىكى ھەربىي ھەرىكەت پىلان بويىچە ئېلىپ بېرىلغان ، ھەربىيلەر بۇ رايوننى ئىشغال قىلىپ ، قوراللىق ئۇنسۇرلارنىڭ كىرىش-چىقىش يوللىرىنى ئۈزۈۋېتىپ ، تەشكىلات ئۇۋىسىنى قورشىۋالغان .

پاكىستان ھەربىي تەرەپ 15-ئىيۇن خەۋپسىزلىك قىسمىنىڭ شىمالىي ۋەزىرىستان رايونىغا يوشۇرۇنىۋالغان يەرلىك ۋە چەت ئەللىك قوراللىق ئۇنسۇرلارغا قارىتا ئومۇميۈزلۈك ھەربىي ھەرىكەت قوزغايدىغانلىقىنى جاكارلىغان . پاكىستان قۇرۇقلۇق ئارمىيە ئىشتاب باشلىقى Rahiller Sharif بۇ قېتىمقى ھەربىي ھەرىكەتنىڭ مەقسىتى شىمالىي ۋەزىرىستاندىكى بارلىق قوراللىق ئۇنسۇرلار ۋە ئۇلارنىڭ ئۇۋىسىنى بىتچىت قىلىپ ، تېررورلۇق تەھدىتىنى يوقىتىش ئىكەنلىكىنى ئېيتقان .