ئامېرىكا ئوئىئو ئىشتاتلىق ئۇنىۋېرسىتېتىنىڭ تەتقىقاتچىلىرى تاماملىغان بىر تۈرلۈك تەتقىقات نەتىجىسىدە بايقىلىشىچە، ئاياللار دائىم ئانار يەپ بەرسە، سۈت بېزى راكىغا گىرىپتار بولۇش خەتىرىنى تۆۋەنلەتكىلى بولىدىكەن. تەتقىقاتچىلار ئالدى بىلەن ئانارنىڭ راك ھۈجەيرىسىنىڭ تارقىلىشىنى چەكلەش ئىقتىدارىنى تەتقىق قىلغان. نەتىجدە ئانار تەركىبىدىكى 10 خىل بىرىكمىنىڭ ئاياللىق ھورمۇنى ئېشىپ كېتىشتىن كېلىپ چىقىدىغان سۈت بېزى راكىنىڭ ئالدىنى ئېلىش ئىقتىدارىغا ئىگە ئىكەنلىكىنى بايقىغان.
ئانار تەركىبىدە ۋىتامىن C، ۋىتامىن E، كالتسىي، تۆمۈر، كالىي، يود قاتارلىق ئېلېمېنتلار مول بولۇپ، بۇ ئوزۇقلۇق ماددىلار ئاروماتىك ئىنزىملارغا بىۋاسىتە تەسىر كۆرسىتىدىكەن. ئاروماتىك ئىنزىمنىڭ مىقدارى تۆۋەنلىگەنسېرى، سۈت بېزى راكى خەتىرى شۇنچە ئازىيىدىكەن.